Mfumbulo 4:8 - Kishambala New Testament 2005

⁸ Izi nyama ne zina mawawa mtandatutandatu, ziigisize mesho cha se na cha ndai; nkazihema, zalonga kilo na mushi: Mṅazi, mṅazi, mṅazi ni Zumbe Mulungu mwena nguvu zoshe, ndiye ai haho, mwe haha, ndiye aize.

Mfumbulo 4:8 ပူးပေါင်းရင်းမြစ်များ

Ntuṅwa 20:31

Kwa ivyoho γojeshai mkifukila kuti: Mavuli matatu kilo na mushi sidizile kumihembelezeza kila muntu na kulila.

2. Wakolinto 6:18

nimiγalukile tate, inywi nenywi muniγalukile wanangu wa kiγoshi na wa kivyele, ne avyolonga Zumbe mwena nguvu zoshe.

1. Watesalonike 2:9

Mwafukila, wanduγu, muku na lulali lwetu: Tizabilikila kwenyu ulau wa Mulungu haṅwe na kuγoshola ndima kilo na mushi, kangwe tishemigele wasiwasi.

1. Timoteyo 4:16

Kiγoje ṅwenye na mbulingwa, uzofuza, ukihime vivyoho! Hambu ukibontola ivyoho utakivunila ṅwenye na waja wekuiva.

2. Timoteyo 4:2

bilikila mbulingwa, uiγolokele, ati mishi ni mitana, ati ni mibada, ubunkule wahuza, uwavaile, uwashunde na uhozu woshe haṅwe na kuwafuza!

Waebuleyo 13:8

Yesu Kilisito alivyo γulo na lelo, ne alivyo bata kale hoshe.

Mfumbulo 1:4

Imi Yohana navigondela yaja mabumbangwa mfungate ye mwe shi za Asia: Mbazi imiikaile na mpeho yeanduka kwa yuja mwe haha! Ndiye ai haho kale hoshe, kangi ne ndiye nezealawile. Kangi ianduka kwa waja wantimizi mfungate weγolokela kiti chakwe,

Mfumbulo 1:8

Imi ni A na O, ni kuγamba: Chandilo na hindilizo, ne avyolonga Zumbe Mulungu mwe haha, ndiye ai habo, ndiye nezealawile, mwena nguvu zoshe.

Mfumbulo 11:17

Takulaviliza ntogolo, Zumbe Mulungu, wena nguvu zoshe, we haha, ndiwo ui haho, kuti uzaγuwa uzumbe kwa nguvu yako nkulu.

Mfumbulo 14:11

Moshi wa mlaho wawe wakwela kale na kale, nkawana luhemele kilo na mushi, ndiwo wakikigela nyindi ja zina jakwe.

Mfumbulo 14:3

Waimba imbo hya haja hena kitingwa na ziya nyama ne na waja waγolokezi. Kangi nkakuna adahileye kuhina iji imbo kushima wajamakulija gana na milongo mine na mane wakombolwewo wakiushiγwa mwe shi.

Mfumbulo 15:3

Waimba imbo ja Mose, ndiye ai mtuṅwa ywa Mulungu, na imbo ja yuja ṅwangoto angwe: Zumbe Mulungu, wena nguvu zoshe, miγoshwele yako ni mikulu, yamasha, sila zako ni za utanda na za kweli, iwe Zumbe ywa wamzimu.

Mfumbulo 15:7

Ziya nyama ne ṅwiyae ywawe muṅwe azawainka waja walau mfungate ntungo mfungate za zahabu zimemilezo maya ya Mulungu mwekalama kale na kale.

Mfumbulo 16:14

Hambu kuna mpeho za mpepo zeγoshola vilozo, zehita kwa timila wazumbe wa ngulu ngima, wawaunganyanye, waomane nkondo, mushi uja mkulu wa Mulungu mwena nguvu zoshe ukizakinta.

Mfumbulo 16:7

Vikibinda nizaiva kanwa chelawa he okelo ja ṅombe za mviko angwe: Ni vivyo, Zumbe Mulungu wena nguvu zoshe, milahile yako ni ya kweli, yaagiza.

Mfumbulo 19:15

Mwe kanwa chakwe mzalawa shime yekola, kangwe atowe wamzimu nayo. Ṅwenye nezeawalishe na ngoda ya kilama, kangi ne mwetwa mwe iyo ntuli ya mvinyo wa maya na wa kileya cha Mulungu mwena nguvu zoshe.

Mfumbulo 19:4

Waja waγolokezi milongo mili na wane na ziya nyama ne zizakina funi, zizamvika Mulungu mweikala mwe kiti angwe: Amini. Haleluya!

Mfumbulo 21:22

Vikilo siene mumo, hambu Zumbe Mulungu mwena nguvu zoshe ni vikilo jakwe haṅwe na yuja ṅwangoto.

Mfumbulo 3:7

Mlau ywa bumbangwa ja Filadelifiya umgondele kuγamba: Ne avyolonga yuja mṅazi, yuja mkweli mweloza funguwo ya Dawidi, mwezuγula, kangi nkakuna ndiye azuγale, mwezuγala, kangi nkakuna ndiye azuγule:

Mfumbulo 4:4

Vikibinda kuna viti milongo mili na vine videnganilevyo icho kitingwa, mwe ivi viti mwiikale waγolokezi milongo mili nawane, waizwikile shuke zeṅala, mwe mitwi yawe waizwikile mabunduya zahabu.

Mfumbulo 4:6

Vituhu kamazu he icho kitingwa hana, viya ni bahali ya kilolo yefanana na kilisitalo. Kangi he icho kiti gati haidenganile nyama ne, zigisizezo mesho mwe vyeni, hata nyuma.

Mfumbulo 4:9

Kangi izi nyama ziyamgimbika na kumshimila na kumtogola yuja mweikaila kitingwa, mwe moyo kale na kale.

Mfumbulo 5:6

Ne nihoona: Gatigati he chiya kitingwa na he ziya nyama ne na he waja waγolokezi hazaγoloka ṅwangoto sa vivyoho, akomiγwevyo, ana feya mfungate na mesho mfungate, ne ziya mpeho mfungate za Mulungu, zitumiγwezo na mwe shi zoshe.

Mfumbulo 6:1

Nizaona, yuja ṅwangoto akishungula iṅwe ja yaja magongezo mfungate ya wafu, ne nihoiva, ziya nyama ṅwenga ikilonga, viya ni vuzo ja lubambala angwe: Iza!

Mfumbulo 6:6

Ne nihoiva, viya ni kanwa che mwe ziya nyama ne gati, angwe: Katezu ka ngano ni lobo, vitezu vitatu vya mshele ni lobo, miya mavuta na mvinyo ushezavibana!

Mfumbulo 7:11

Ne walau woshe weγolokela icho kitingwa na kuchidenganila na waja watawa na ziya nyama ne wahokinila funi icho kitingwa na kumvika Mulungu,

Mfumbulo 7:15

Kwa ivyoho, waγolokela kitiugwa cha Mulungu, wamtumikila kilo na mushi mwe vikilo jakwe, kangi yuja mweikaila kitingwa nezeaikale kwawe.