Mfumbulo 4:4 - Kishambala New Testament 2005

⁴ Vikibinda kuna viti milongo mili na vine videnganilevyo icho kitingwa, mwe ivi viti mwiikale waγolokezi milongo mili nawane, waizwikile shuke zeṅala, mwe mitwi yawe waizwikile mabunduya zahabu.

Mfumbulo 4:4 ပူးပေါင်းရင်းမြစ်များ

Mateyo 19:28

Yesu azawati: Kweli namiti: Inywi mzanitongela; aho ndiho vyoshe vihozauziγwa uhya, ṅwanangwa ywa muntu ahozaikala mwe kiti chakwe cha utana, ne ndiho hata inywi nezemwikale mwe viti kumi na vili, mulahe ziya mbali kumi na mbili za Isilayeli.

Luka 22:30

Kangwe muje, munywe he meza yangu mwe uzumbe wangu, kangwe mwikale mwe viti, mulahe ziya mbali kumi na mbili za wana Isilayeli.

2. Timoteyo 4:8

Nishiγazevyo ni kuinkwa linga jetala watanda, niikilwejo. Mushi uja Zumbe mwelaha na ulanda atazajininka, miya si miyo du, ni woshe ndiwo wakialila kulawila kwakwe.

Mfumbulo 11:16

Kangi waja waγolokezi milongo mili na wane weikala mwe viti vyawe he mesho ya Mulungu wazakina funi, wazamvika Mulungu angwe:

Mfumbulo 14:3

Waimba imbo hya haja hena kitingwa na ziya nyama ne na waja waγolokezi. Kangi nkakuna adahileye kuhina iji imbo kushima wajamakulija gana na milongo mine na mane wakombolwewo wakiushiγwa mwe shi.

Mfumbulo 19:14

Ntimizi ze kuja kwe lwingu zamtongela, waipandile mafalashi yeṅala, waizwikile halili zeṅala na kunamanika.

Mfumbulo 19:4

Waja waγolokezi milongo mili na wane na ziya nyama ne zizakina funi, zizamvika Mulungu mweikala mwe kiti angwe: Amini. Haleluya!

Mfumbulo 2:10

Usheogohe viya, ndivyo ulumiziγwe! Kaula, yuja ṅwenye leba inywi kuṅwe neamigele mwe chumba, kangwe mγeziγwe, nezemwone ukiwa mishi kumi. Tozesha mpaka kufa! Ne ndivyo nikunke linga ja nkalamo.

Mfumbulo 20:4

Nizaona viti, kangi kuna weviikaila, awa wazainkwa ufuṅwa wa masa; mpeho za waja wakomiγwewo na kushengwa mitwi kwa mbuli ya kutozesha uwona wa Yesu na mbulingwa ya Mulungu, ndiwo wakishevika ija nyama na kinyuwa chakwe, ndiwo wakishekigela nyindi jakwe kwe vyeni na kwe mikono yawe, wazauya moyo lushe, wazatoza uzumbe haṅwe na Kilisito mavuli kulija.

Mfumbulo 3:18

Nakunka viyuγo nikikuti: Γula zahabu kwangu iokiγweyo na moto, uγaluke mzuli, na shuke zeṅala, uzwike, viya vye shoni vya ulushi wako vishemanyike, na mavuta, ushishe mesho yako, kangwe uone.

Mfumbulo 4:10

Ne waja waγolokezi milongo mili na wane wahomkinila mweikaila kitingwa na kumvika yuja mwe moyo kale na kale; vikibinda wazaika malinga yawe shi he kitingwa angwe:

Mfumbulo 4:6

Vituhu kamazu he icho kitingwa hana, viya ni bahali ya kilolo yefanana na kilisitalo. Kangi he icho kiti gati haidenganile nyama ne, zigisizezo mesho mwe vyeni, hata nyuma.

Mfumbulo 5:11

Nikiolela vituhu nizaiva vyanwa vya walau wangi wadenganilewo icho kitingwa na ziya nyama ne na waja waγolokezi; nikiwatala, wazaγelemuka makulija na makulija na makulija.

Mfumbulo 5:14

Ziya nyama ne zizaitikila: Amini, ne waja waγolokezi wahogwa na kumvika yuja mwekalama kale na kale.

Mfumbulo 5:6

Ne nihoona: Gatigati he chiya kitingwa na he ziya nyama ne na he waja waγolokezi hazaγoloka ṅwangoto sa vivyoho, akomiγwevyo, ana feya mfungate na mesho mfungate, ne ziya mpeho mfungate za Mulungu, zitumiγwezo na mwe shi zoshe.

Mfumbulo 5:8

Aho akichiγuwa icho kitabungwa, ne ziya nyama ne na waja waγolokezi milongo mili na wane wahokinila yuja ṅwangoto, waitozize kila muntu pango na ntungo ya zahabu, ziimemile uvumba, ni miviko ya waṅazi.

Mfumbulo 6:11

Kila ṅwiyae ywawe azainkwa nkazu yeṅala, wazaγangwa, watongomale hadodo ani, mpaka ibontoke mbuli ya wapuna weyae wawe na ya wanduγu wawe weunga kukoṅwa wohe sa awa wenye.

Mfumbulo 7:11

Ne walau woshe weγolokela icho kitingwa na kuchidenganila na waja watawa na ziya nyama ne wahokinila funi icho kitingwa na kumvika Mulungu,

Mfumbulo 7:9

Vikibinda nizaolela, nizaona bumba kulu, muntu ashijodaha kutala, jianduka kwa wamzimu na kwe makolwa na kwe mbali na kwe vilosi vyoshe, wazaγoloka kamazu he chiya kitingwa na he yuja ṅwangoto, waizwikile nkazu zeṅala;

Mfumbulo 9:7

Izi siγe shula yawe ifanana, viya ni mafalashi yatandikilweyo nkondo; kwe mitwi yawe kuna mabundu, viya ui ya zahabu, vyeni vyawe vifanana, viya nivyawantu.