Mfumbulo 3:7 - Kishambala New Testament 2005

⁷ Mlau ywa bumbangwa ja Filadelifiya umgondele kuγamba: Ne avyolonga yuja mṅazi, yuja mkweli mweloza funguwo ya Dawidi, mwezuγula, kangi nkakuna ndiye azuγale, mwezuγala, kangi nkakuna ndiye azuγule:

Mfumbulo 3:7 ပူးပေါင်းရင်းမြစ်များ

Mateyo 16:19

Nezenikunke funguwo za uzumbe wa lwingu; ndivyo ushunge kunu shi, viishungiγwe mwe lwingu vivyoho; ndivyo ushungule kunu shi, viishungulwe mwe lwingu vivyoho.

Mateyo 24:35

Lwingu nezelubanike, hata inu shi, miya mbuli zangu nkezezibanike.

Maliko 1:24

azainula kanwa angwe: Tina mbwai, ishwi na iwe, Yesu ywa Nazaleti? Uzaiza kwa tibinda! Takutaila kuti: U ngatiyani, kuti: U mṅazi ywa Mulungu.

Luka 1:32

Uyu neaγaluke mkulu, neaitangwe Awanangwa ywa yuja mwe uko ulanga; kangi Zumbe Mulungu nezeamunke kiti cha ishe Dawidi,

Luka 4:34

Yesu ywa Nazaleti, tina mbuli ani toshe, ishwi na iwe? Uzaiza kwa tibinda! Takutaila, kuti u ngatiyani, kuti u mṅazi ywa Mulungu.

Yohana 14:6

Angwe ni Yesu: Imi ni sila na ukweli na nkalamo; nkakuna ndiye abule kwa Tate, akishenitongela.

Ntuṅwa 3:14

Miya inywi muzamhetela leba yuja mṅazi na mtanda, mzahembeleza, mwinkwe mkoma wantu.

1. Yohana 5:20

Tataila kuti: Ṅwana Mulungu azaiza, azatinka lutwi, timtaile yuja mwe kweli. Kangi taanga na yuja mkweli na ṅwanae Yesu Kilisito. Uyu ni Mulungu mwe kweli na nkalamo ya kale na kale.

Mfumbulo 1:11

Uvyoona vigonde mwe kitabu, uchitume kwe yaja mabumba mfungate uko Efeso, Similina, Peligamo, Tiyatila, Salide, Filadelifiya, Lawodikiya!

Mfumbulo 1:18

Usheogohe! Imi ni ywa bosi na ywa shilikiza na yuja mwe moyo; ne niifile, miya shivyo, ni moyo kale na kale,

Mfumbulo 1:5

kangi ni mpeho yeanduka kwa Yesu Kilisito; uyu ni mwona mwe kweli, ni mulimbulo wa wafilewo, ni mweγolokela wazumbe wa shi. Azatikundisha, azatihaka na mpome yakwe,

Mfumbulo 15:3

Waimba imbo ja Mose, ndiye ai mtuṅwa ywa Mulungu, na imbo ja yuja ṅwangoto angwe: Zumbe Mulungu, wena nguvu zoshe, miγoshwele yako ni mikulu, yamasha, sila zako ni za utanda na za kweli, iwe Zumbe ywa wamzimu.

Mfumbulo 16:7

Vikibinda nizaiva kanwa chelawa he okelo ja ṅombe za mviko angwe: Ni vivyo, Zumbe Mulungu wena nguvu zoshe, milahile yako ni ya kweli, yaagiza.

Mfumbulo 19:11

Nizaona, lwingu lukizuγulwa, kuna falashi yeṅala, aipandileye aitangwa mtanda na mkweli, alaha masa, kangi agomba nkondo na utanda.

Mfumbulo 19:2

Hambu milahile yakwe ni ya kweli, yaagiza. Hambu azamlaha yuja mvyele mweγenyeza kilanga, ndiye akibana shi na kilanga chakwe, azalahiza mpome ya wapuna wakwe mwe mkono wa yuja.

Mfumbulo 2:1

Mlau ywa bumbangwa ja Efeso umgondele kuγamba: Ne avyolonga mwetoza ziya ntondwe mfungate na mkono wakwe wa kulume, mweanga gati mwe ziya taa mfungate:

Mfumbulo 21:5

Yuja mweikaila chiya kitingwa azalonga angwe: Olela, vyoshe naviuza uhya! Azaniti: Gonda! Hambu izi mbuli zaagiza kutozeshiγwa, ni za kweli.

Mfumbulo 3:14

Mlau ywa bumbangwa ja Lawodikiya umgondele kuγamba: Ne avyolonga mwamizi, yuja mwona mtanda na mkweli, chandilo cha vyoshe viumbiγwevyo ni Mulungu:

Mfumbulo 4:8

Izi nyama ne zina mawawa mtandatutandatu, ziigisize mesho cha se na cha ndai; nkazihema, zalonga kilo na mushi: Mṅazi, mṅazi, mṅazi ni Zumbe Mulungu mwena nguvu zoshe, ndiye ai haho, mwe haha, ndiye aize.

Mfumbulo 5:9

Wazaimba imbo hya angwe: Iwe waagiziγwa ni kuγuwa kitabungwa na kushungula magongezo yakwe! Hambu waakoṅwa, waamkombwela Mulungu na mpome yako wantu wa makolwa yoshe na wa vilosi vyoshe na wa mbali zoshe na wa wamzimu woshe, uzaleka,

Mfumbulo 6:10

Wazakema na vyanwa vikulu angwe: Zumbe mṅazi mwe kweli, ni lini, ukizalaha na kulahiza mpome yetu kwa waja weikala uko shi?