Mfumbulo 3:10 - Kishambala New Testament 2005

¹⁰ Hambu uzatozesha mbuli ya mizizimizize yangu, lushe nami nenikutozeshe, haja ha kuγezwa hakizabula heunga kulawila shi zoshe zeikala wantu, kangwe weikala kunu shi waγezwe.

Mfumbulo 3:10 ပူးပေါင်းရင်းမြစ်များ

Mateyo 24:14

Kangi unu uiau wa uzumbengwa unebilikilwa mwe ngulu ngima, uγalukile mbaii zoshe uwona! Ivi vikibontoka, bindilizo jitakinta.

Mateyo 26:41

Gonai mesho, muvike, kangwe msheγeziγwe! Moyo wakunda, miya ṅwili ni mnyonge.

Mateyo 6:13

Ushetiingize mwe miγezo! Miya utivunile mwe vibada! Hambu wako ni uzumbe na nguvu na utana kale na kale.

Maliko 14:9

Kweli namili: Aho ndiho ulau wedi nezeubilikilwe mwe ngulu ngima, hata ivi, uyu aγosholevyo, nezevilongwe, kangwe yohe nezeakumbukwe.

Luka 2:1

Mishi ija kuzalawa mulomo kwa Kaiza Augusito, ngulu ngima igondwe kodi.

Yohana 17:6

Zina jako nizajiwafumbwila waja wantu, uninkilewo kunu shi; ne wai wako, imi utewaninka, mbuli yako wazaiγolokela.

Waloma 1:8

Bosi namtogola Mulungu ywangu na Yesu Kilisito kwa mbuli ya inywi nyosheni, kuti mitozesheze yenyu yatogolwa mwe ngulu ngima.

1. Wakolinto 10:13

Nkamzati mwone mγezo wezinka nguvu ya muntu; miya Mulungu ni mkoolezi; nkealeke, mkiγezwa na mbuli zezinka nguvu yenyu; miya mkiγezwa, atamionela mzungu, kangwe mdahezizimiza.

Waefeso 6:13

Kwa ivyobo tozai mata yoshe ya Kimulungu, kangwe mdaheomana, mushi mubada ukibula, mdahevota viya vibada vyoshe mwiγoloke!

2. Timoteyo 2:12

ati tazizimiza, titazatoza uzumbe naye; ati tamtowa hulu, yohena atazatitowa hulu; ati tashemtozesha,

Yakobo 3:12

Wanduγu wangu, mkuyu nkauvyala maula, kangi mzabibu nkauvyala nkuyu; liata he munyu nkahalawa mazi ye mulile.

1. Petelo 4:12

Wanduγu, mshevimake, viya mteona mbuli ngeni, mishi inu mkiokwa moto, kangwe mγezwe!

2. Petelo 2:9

Miya wemwogoha, Zumbe ataila kuwavunila mwe miγezo, kangi wawiwi awaika, walahwe mushi wa masa.

Mfumbulo 1:9

Imi Yohana ni mnduγu ywenyu, kangi ni haṅwe na inywi kwa mbuli ya ukiwa, kangi kwa mbuli ya uzumbe, kwa mbuli ya uzizimizi weoneka kwa Yesu; ne nikiikala mwe kisiwa cheitangwa Patimo, kwa viya nibilikilevyo mbulingwa ya Mulungu na uwona wa Yesu.

Mfumbulo 11:10

Weikala kunu shi watatamilwa kwa iyo mbuli yawe, wataja nyemi, watazuγilana, kwa kuti awa wabilikizi waili ne wakilumiza waja weikala mwe shi.

Mfumbulo 13:10

Ati kuna mwetaha, yohe nezeatahwe; ati kuna mwekoma na shime, yohe shuti akoṅwe na shime, ne mizizimizize na mitozesheze ya waṅazi ivyomanyika.

Mfumbulo 13:14

Izaazaγanya weikala mwe shi na viya vilozo, ishungulwevyo, kuviγoshola he mesho ya iyo nyama ntuhu; izalaγiliza waja weikala mwe shi, waγoshole kinyuwacha fikaya ijanyama, ndiyo iina kilonda cha kukoṅwa, kangi izauya moyo.

Mfumbulo 13:8

Ndiwo waivike, ni woshe weikala mwe inu shi washigondiγwewo aho, shi ikiumbiγwa, mazina yawe mwe kitabu cha nkalamo cha yuja ṅwangoto akomiγweye.

Mfumbulo 14:12

Aho habontoka mizizimizize ya waṅazi, ndiwo wakianga na milaγilizo ya Mulungu na kumtozesha Yesu.

Mfumbulo 14:6

Nizaona mlau mtuhu, akipulika mwe lwingu lwe gati, aitozize ulau wa ukalami wa kubilikila waja weikala mwe shi, mbali zoshe na makolwa yoshe na vilosi vyoshe na wamzimu woshe.

Mfumbulo 16:14

Hambu kuna mpeho za mpepo zeγoshola vilozo, zehita kwa timila wazumbe wa ngulu ngima, wawaunganyanye, waomane nkondo, mushi uja mkulu wa Mulungu mwena nguvu zoshe ukizakinta.

Mfumbulo 17:2

Uyu ne wazumbe wa inu shi watendileye naye kilanga, wantu weikala kunu shi wazatengeziγwa ni mvinyo wa kilanga chakwe.

Mfumbulo 17:8

Ija nyama, ueneyo, ndiyo ii haha, nkaiho, miya inga ikwele ikilawa uko kuzimu, ihite kwa banika. Uko nezewashentuke weikala uko shi, washigondiγwewo mazina yawe aho, shi ikiumbiγwa, wakizaona iyo nyama, ndiyo ii haho, kuti nkaiho, kuti nezeilawile.

Mfumbulo 2:10

Usheogohe viya, ndivyo ulumiziγwe! Kaula, yuja ṅwenye leba inywi kuṅwe neamigele mwe chumba, kangwe mγeziγwe, nezemwone ukiwa mishi kumi. Tozesha mpaka kufa! Ne ndivyo nikunke linga ja nkalamo.

Mfumbulo 3:8

Nataila miγoshwele yako; kaula! Nizakuirka luvi luzuγukelo, muntu ashilodaha kuluzuγala. Kweli una nguvu ngeke, miya uzatozesha mbuli yangu, kangi nkufishize zina jangu.

Mfumbulo 6:10

Wazakema na vyanwa vikulu angwe: Zumbe mṅazi mwe kweli, ni lini, ukizalaha na kulahiza mpome yetu kwa waja weikala uko shi?

Mfumbulo 8:13

Nikikaula nizaiva, ngwilizi ikipulika mwe lwingu lwe gati, ikikema na kanwa kikulu angwe: Nkondo! Nkondo! Nkondo! Zitalawila weikala mwe shi, kukikema magunda yashiγaleyo ya waja walau watatu weunga kuyatowa.