Mfumbulo 22:9 - Kishambala New Testament 2005

⁹ Miya azaniti: Leka ivyoho! Hambu iwe na wanduγu wako, wabilikizi na waja wetozesha mbuli za ichi kitabu, imi ni mupuna ṅwenyu. Mvike Mulungu!

Mfumbulo 22:9 ပူးပေါင်းရင်းမြစ်များ

Mateyo 4:9

azamuti: Ivi vyoshe nitavikunka, ati wanikinila na kunivika.

Luka 4:7

Ati wanikinila na kunivika, vyoshe ni vyako.

1. Yohana 5:20

Tataila kuti: Ṅwana Mulungu azaiza, azatinka lutwi, timtaile yuja mwe kweli. Kangi taanga na yuja mkweli na ṅwanae Yesu Kilisito. Uyu ni Mulungu mwe kweli na nkalamo ya kale na kale.

Mfumbulo 1:1

Shivi vya Yesu Kilisito, Mulungu amfumbwilevyo, awaonyeshe watuṅwa wakwe vyeunga kuγosholeka nguzu! Azatuma mlau ywakwe, ne avyovimumanyishiza mutuṅwa ywakwe Yohana.

Mfumbulo 1:11

Uvyoona vigonde mwe kitabu, uchitume kwe yaja mabumba mfungate uko Efeso, Similina, Peligamo, Tiyatila, Salide, Filadelifiya, Lawodikiya!

Mfumbulo 14:7

Azalonga na kanwa kikulu angwe: Mwogohei Mulungu! Munkei ntogolo! Hambu hakwe ha lahila masa hazabula. Mvikei aγosholeye lwingu na shi na bahali na mashoko ya mazi!

Mfumbulo 15:4

Kuna ndiye ashekuogohe, Zumbe? Kuna ndiye ashegimbike zina jako? Hambu u mṅazi ike, wamzimu woshe nezewaize, nezewakuvike na kukukinila, kwa kuti milabile yako izalawila.

Mfumbulo 19:10

Nizamkinila he milundi yakwe, kangwe nimvike, miya azaniti: Leka ivyoho! Iwe na wanduγu wako watozeshewo uwona wa Yesu imi ni mupuna ṅwenyu. Mvike Mulungu! Hambu uwona wa Yesu ni mpehongwa ya uteγanyi.

Mfumbulo 22:10

Azaniti: Ushefishe mbuli za uteγanyi za ichi kitabu na kuzigongeza wafu! Hambu mishi i hehi.

Mfumbulo 22:18

nawalonga uwona kuγamba: Muntu akibadika mbuli, Mulungu atamubadikiia ija milaho igondiγweyo mwe ichi kitabu.

Mfumbulo 22:7

Shimi! Naiza nguzu! Mwe nyemi ni yuja mwetozesha mbuli za uteγanyi za ichi kitabu!

Mfumbulo 4:10

Ne waja waγolokezi milongo mili na wane wahomkinila mweikaila kitingwa na kumvika yuja mwe moyo kale na kale; vikibinda wazaika malinga yawe shi he kitingwa angwe:

Mfumbulo 9:20

Wantu washiγalewo, washikomiγwewo ni izi nkondo, nkawavoteke kwa mbuli ya miγoshwele ya mikono yawe, kangi nkawalekile kuvika mizimu na vinyuwa vya zahabu na vya feza na vya ṅandu na vya mawe na vya miti, vishivyodaha kuona na kuiva na kuanga.