Mfumbulo 21:23 - Kishambala New Testament 2005

²³ Unu muzi nkauagiziγwa ni zuwa ao ṅwezi, vikiaka mumo, hambu utana wa Mulungu waupwinkula, taa yakwe ni yuja ṅwangoto.

Mfumbulo 21:23 ပူးပေါင်းရင်းမြစ်များ

Mateyo 16:27

Hambu muntu alavye makombo ani, ndiyo akikombole nayo? Hambu ṅwanangwa ywa muntu atazalawila na utana wa ishe haṅwe na walau wakwe, ne ndiho amwuzize kila muntu kwa miγoshwele yakwe.

Maliko 8:38

Hambu ndiye atendwe ni shoni na imi ao du na mbuli zangu kuzilonga mwe inu mbali ye kilanga na uhuza, hata ṅwanangwa ywa muntu atazatendwa ni shoni naye akizaiza haṅwe na walau waṅazi na utana wa ishe.

Luka 2:32

ni langaila jemulikila wamzimu, kangwe mbali yako ya Isilayeli itogolwe.

Yohana 1:14

Mbulingwa izaγaluka muntu, izaikala kwetu; tizaona utana wakwe, ni utana viya wa ṅwana avyelweye ike ni ishe, hambu aigisize mbazi na kweli.

Yohana 1:18

Muntu nkamwene Mulungu kale hoshe; ṅwanangwa avyelweye ike, ndiye akiikala na kukaambatwa ni ishe, ne atiγambileye.

Yohana 1:4

Mwe iyo mbulingwa nkalamo ne ii mumo, kangi iyo nkalamo ne ii langaila ja wantu.

Yohana 1:9

Langaila ja kweli jepwinkukila kila muntu ne jikiiza mwe inu shi.

Yohana 17:24

Tate, nakunda, waja uninkilewo, wohe waikale haṅwe na imi haja, niliho, kangwe waone utana wangu, uninkilewo, hambu uzanikundisha, ngulu ngima ishizati itulwe.

Yohana 5:23

kangwe woshe wamgimbikaye ṅwanangwa, sa wavyomgimbika Tate. Ashimgimbikaye ṅwanangwa, Tate yohena amtumileye nkamgimbika.

Ntuṅwa 22:11

Nikishedaha kuona kwa utana ungi wa jiya langaila, nizatoziγwa mkono ni weyangu, nizahita Damasiko.

Mfumbulo 14:4

Awa ni waja washikandanyiγwewo ni mwangilano na wavyele; ni wabweni; awa ne wemtongela yuja ṅwangoto, ndiko ahite nako; awa wazakombolwa kwa wantu, ni mulimbulo wemtala Mulungu na yuja ṅwangoto.

Mfumbulo 18:1

Vikibinda nizaona mlau mtuhu, azasheela mwe lwingu, ana ufuṅwa ukulu, kangi shi izagwa langaila kwa utana wakwe.

Mfumbulo 21:11

Utana wakwe ni uja wa Mulungu; kumulika umulika, viya ni jiya iwe jena kima kuzinka weyae woshe, viya ni kazanga ka iwe jayasipi.

Mfumbulo 21:25

Nkili zakwe nkazizuγalwa na mushii, hambu kilo nkamuna.

Mfumbulo 22:5

Kilo nkezemugwe, nkawaagiziγwa ni langaila ja taa ao langaila ja zuwa, hambu Zumbe Mulungu atawapwinkukila, watatoza uzumbe kale na kale.

Mfumbulo 5:6

Ne nihoona: Gatigati he chiya kitingwa na he ziya nyama ne na he waja waγolokezi hazaγoloka ṅwangoto sa vivyoho, akomiγwevyo, ana feya mfungate na mesho mfungate, ne ziya mpeho mfungate za Mulungu, zitumiγwezo na mwe shi zoshe.

Mfumbulo 7:17

hambu yuja ṅwangoto mweikaila kilingwa atawalisha, atawaiγala kwe mashoko ya mazi ye nkaiamo, kangi Mulungu atahonola meshozi yoshe mwe mesho yawe.