Mfumbulo 20:12 - Kishambala New Testament 2005

¹² Vikibinda nizaona wafilewo, wakulu na wadodo, wakiγoloka he ichi kiti, ne vitabu vihokusulwa; kuna kitabu kituhu, chohe chizakusulwa, ni cha nkalamo. Waja wafilewo wazalahwa na viya, vigondiγwevyo mwe viya vitabu, sa ndivyo miγoshwele yawe ilivyo.

Mfumbulo 20:12 ပူးပေါင်းရင်းမြစ်များ

Mateyo 11:22

Ne nihomiti: Masa ya Tilo na ya Sidoni, ndiyo yagwe uja mushi wa mlaho yatahuha kuzinka yenyu.

Mateyo 16:27

Hambu muntu alavye makombo ani, ndiyo akikombole nayo? Hambu ṅwanangwa ywa muntu atazalawila na utana wa ishe haṅwe na walau wakwe, ne ndiho amwuzize kila muntu kwa miγoshwele yakwe.

Luka 10:20

Miya mshetamilwe, kuti mpepo zamiitika! Tamilwai, kuti mazina yenyu vaigondiγwe mwe lwingu!

Ntuṅwa 24:15

Kangi kwa Mulungu nina kialilo, awa wenye wachoafiza wohe, kuti nezekuoneke ufufuki wa watanda na wa wahuza.

Waloma 2:6

ne ndiho amwuzize kila muntu miγoshwele yakwe:

1. Wakolinto 4:5

Kwa ivyoho mshelahe mbuli mishi inu, mpaka Zumbe akizaiza! Uyu ne ndiye alavye na weluwi vifishiγwevyo mwe lwiza, ne ndiye abunkule ntongonyezi za myoyo; ne ndiho kila muntu nezeainkwe ntogolo ni Mulungu.

2. Wakolinto 5:10

Hambu ishwi toshe titazabunkuka he kiti cha Kilisito; kangwe timote kila muntu kwa viya aγosholavyo ake mwe ṅwili wakwe, ati ni vitana, ati ni vibada.

Wafilipi 4:3

Hata iwe ṅwiyangu mtana, nakuhembeleza, uwamanye waja waenewo nkondo haṅwe na imi kwa mbuli ya ulaungwa haṅwe na Kilemesi na waja woshe watuhu, ndiwo wakiniambiza, wagondiγwewo mazina mwe kitabu cha nkalamo! Tamilwai kuti muna Zumbe mishi yoshe!

Mfumbulo 11:18

Wamzimu wakikwelwa ni maya, ne maya yako yalawileho, ne mushi ubuzileho, wafilewo waiahwe, upokeze wapuna wako, wabilikizi na waṅazi na weogoha zina jako, ati ni wadodo, ati ni wakulu, kangi ubane waja webana shi.

Mfumbulo 13:8

Ndiwo waivike, ni woshe weikala mwe inu shi washigondiγwewo aho, shi ikiumbiγwa, mazina yawe mwe kitabu cha nkalamo cha yuja ṅwangoto akomiγweye.

Mfumbulo 17:8

Ija nyama, ueneyo, ndiyo ii haha, nkaiho, miya inga ikwele ikilawa uko kuzimu, ihite kwa banika. Uko nezewashentuke weikala uko shi, washigondiγwewo mazina yawe aho, shi ikiumbiγwa, wakizaona iyo nyama, ndiyo ii haho, kuti nkaiho, kuti nezeilawile.

Mfumbulo 19:5

Haja he kitingwa hazalawa kanwa angwe: Mtogolei Mulungu ywetu, inywi wapuna wakwe woshe mwemwogoha Mulungu, wadodo na wakulu!

Mfumbulo 2:23

Wanae neniwakome, wafe, mabumba yoshe yataile, kuti imi nabunkula fiγo na myoyo, kuti nezenimwuzize kila muntu, sa ndima zakwe zilivyo.

Mfumbulo 20:11

Nizaona kiti kikulu cheṅala na yuja mwechiikaila; cheni chakwe chizanyilikwa ni shi na lwingu, nkazionelwe ha ikala.

Mfumbulo 20:13

Hata bahali izalavya waja wafilewo mumo, hata kifa na kuzimu kuzalavya wafilewo we muja, wazalahwa, kila sa miγoshwele yakwe ilivyo.

Mfumbulo 20:15

Ati muntu nkaoniγwe kuti: Aigondiγwe mwe chiya kitabu cha nkalamo, azatambikwa na mwe jiya ziwa ja moto.

Mfumbulo 21:27

Miya nkezemwingile vibada hata, hata muntu mweγoshola vye useli na vye mambeza, ni waja wagondiγwewo mwe kitabu cha nkalamo cha yuja ṅwangoto.

Mfumbulo 22:12

Shimi! Naiza nguzu! Vitumulo vyangu nina navyo, ndivyo nimwuzize kila muniu, sa viya miγoshwele yakwe ilivyo.

Mfumbulo 3:5

Ndiye avote, nezeazwikwe ivyoho shuke zeṅala, sezenifute zina jakwe mwe kitabu cha nkalamo, nezenilonge zina jakwe na kulaviliza ha Tate na ha walau wakwe.