Mfumbulo 2:26 - Kishambala New Testament 2005

²⁶ Ndiye avote, ndiye atongele miγoshwele yangu, nezenimunke ufuṅwa wa wamzimu,

Mfumbulo 2:26 ပူးပေါင်းရင်းမြစ်များ

Mateyo 10:22

Nezemshukiziγwe ni wantu woshe kwa mbuli ya zina jangu; miya ndiwo wazizimize shuti bindilizo, awa ne ndiwo wahone.

Mateyo 19:28

Yesu azawati: Kweli namiti: Inywi mzanitongela; aho ndiho vyoshe vihozauziγwa uhya, ṅwanangwa ywa muntu ahozaikala mwe kiti chakwe cha utana, ne ndiho hata inywi nezemwikale mwe viti kumi na vili, mulahe ziya mbali kumi na mbili za Isilayeli.

Mateyo 24:13

Miya ndiye azizimize mpaka bindilizo, ne ndiye ahone.

Yohana 6:29

Yesu azawahitula angwe: Inu ni ndimaya Mulungu, mkimtozesha yuja, amtumileye.

Waloma 2:7

Washiwotibuka kuzifya mbuli wakilonda utana na kugimbikwa na kushebanika, awa ne weinkwa nkalamo ya kale na kale, miya weγenyeza nkumbizi,

Waloma 8:37

Miya mwe ivi vyoshe taisa kuvota kwa mbuliyayuja mwetikundisha.

1. Watesalonike 3:5

Kwa inu mbuli sidahile kunazizimiza, miya nizaiuma, kangwe nitaile, mitozesheze yenyu ilivyo, ati yuja mtakuγeza azamiγeza, ati muku wetu uzaγaluka wa bule.

Waebuleyo 3:6

Miya Kilisito azaitika viya ni ṅwenye nyumba, kuti ni ṅwanangwa. Kangi ishwi ti nyumba yakwe, ati tatozesha kweli mpaka bindilizo nyemi na ntogolo, tiyoalila.

Yakobo 2:20

Iwe muntu wehikuka, wakunda kutaila kuti: Kutozesha ni bule du, ukisheγoshola ndimangwa?

1. Yohana 2:19

Wazalawa kwetu, miya nkawaanduka kwetu; hambu atiwaanduka kwetu, anga wazaikala na ishwi; miya kangwe wabunkuke, kuti nkawaanduka kwetu.

1. Yohana 3:23

Unu ni mlaγilizo wakwe, titozeshe zina ja ṅwanae Yesu Kilisito, tikundishane wenye na wenye, sa avyotilaγiliza.

1. Yohana 5:5

Mwevota inu shi ni ndai, ati so yuja mwetozesha, kuti Yesu ni ṅwana Mulungu?

Mfumbulo 2:11

Mwena mashikilo aive, mpehongwa ivyolonga mabumbangwa! Ndiye avote, nkezeatungulukwe ni kifa cha mbili.

Mfumbulo 2:17

Mwena mashikilo aive, mpehongwa ivyolonga mabumbangwa! Ndiye avote, nezenimupangile ija mana ifishiγweyo, nezenimunke nyanga yeṅala, kangi mwe iyo nyanga mwigondiγwe zina hya jishijotailwa ni muntu kushima yuja mwejiγuwa.

Mfumbulo 2:7

Mwena mashikilo aive, mpehongwa ivyolonga mabumbangwa! Ndiye avote, nezenimunke muti wa nkalamo uko Paladiso kwa Mulungu, auje.

Mfumbulo 20:4

Nizaona viti, kangi kuna weviikaila, awa wazainkwa ufuṅwa wa masa; mpeho za waja wakomiγwewo na kushengwa mitwi kwa mbuli ya kutozesha uwona wa Yesu na mbulingwa ya Mulungu, ndiwo wakishevika ija nyama na kinyuwa chakwe, ndiwo wakishekigela nyindi jakwe kwe vyeni na kwe mikono yawe, wazauya moyo lushe, wazatoza uzumbe haṅwe na Kilisito mavuli kulija.

Mfumbulo 21:7

Ndiye avole, alazavipala vyoshe; imi nitazamγalukila Mulungu, yohe atazaniγalukila ṅwana.

Mfumbulo 22:5

Kilo nkezemugwe, nkawaagiziγwa ni langaila ja taa ao langaila ja zuwa, hambu Zumbe Mulungu atawapwinkukila, watatoza uzumbe kale na kale.

Mfumbulo 3:12

Ndiye avote, nezenimγalushe mkola mwe vikilo ja Mulungu ywangu, nkezeamlawe vituhu, nezenimgonde zina ja Mulungu ywangu na zina ja muzingwa wa Mulungu ywangu, ja uja muzi muhya wa Yelusalemu, ndiwo usheele ukilawa mwe lwingu kwa Mulungu ywangu, kangi nezenimgonde zina jangu hya.

Mfumbulo 3:21

Ndiye avote, nezenimfile mbazi, aikale na imi mwe kiti changu, sa imi ṅwenye nivotilevyo, nikibinda nikiikala na Tate mwe kiti chakwe. Mwena mashikilo aive,

Mfumbulo 3:5

Ndiye avote, nezeazwikwe ivyoho shuke zeṅala, sezenifute zina jakwe mwe kitabu cha nkalamo, nezenilonge zina jakwe na kulaviliza ha Tate na ha walau wakwe.