Mfumbulo 2:2 - Kishambala New Testament 2005

² Nataila miγoshwele yako na lulali na uzizimizi wako; nataila, kuti nkuivana na wawiwi, uzawaγeza waja weγamba, kuti ni ntuṅwa, kangi siwo, uzawabunkula kuti: Ni wa mambeza.

Mfumbulo 2:2 ပူးပေါင်းရင်းမြစ်များ

Mateyo 7:23

Ne ndiho niwalavilize kuγamba: Kale hoshe samitaile, ukai kwangu, inywi mγosholewo vishivyoγosholwa!

Yohana 6:6

Azalonga ivyoho na kumγeza; hambu ṅwenye aitaile, ndivyo aγoshole.

Wagalatiya 1:7

kangi nkakuna utuhu, kuna du wemiazaγanya, wekunda kubana ulau wa Kilisito.

Waefeso 4:14

Tishezaikala tumala kinkebe tikivuviγwavuviγwa, tikizungulushiγwa ni mbuli, wantu wazohinya, zikihitukila sa mpeho yekunta, hambu ni za lwufyo na za mihembo ya wantu, kangwe watiazaγanye na minyanyi.

1. Watesalonike 1:3

nkatidila kukumbuka tii ha Mulungu, Tate yweshu, ndima yenyu, muyoγoshola na kutozesha, na lulali lwenyu, muloona kuγamba: Tikundishane!, na uzizimizi wenyu, muwomwalila nawo Zumbe Yesu Kilisito he mesho ya Mulungu, Tate yweshu.

1. Watesalonike 5:21

Oleleshai mbuli zoshe, mtoze vyetama!

2. Timoteyo 2:19

Miya shikizi, Mulungu aikilejo, jiitoγile vivyoho, lwitangilo lwakwe shulu: Zumbe ataila wantu wakwe; kangi: Kila mwelanga zina ja Zumbe atowe ubada woshe hulu!

Waebuleyo 6:10

Hambu Mulungu nkana mbifya akijala ndima yenyu na lukundisho, ndilo mkikundisha nalo zina jakwe mkitumikila waṅazi kale mpaka mishi inu.

1. Yohana 4:1

Wanduγu, mshetozeshe mpeho zoshe, miya γezai mpeho, ati zianduka kwa Mulungu! Hambu kunu shi kuzalawila wabilikizi wangi wa ulongo.

Mfumbulo 2:5

Kumbuka lushe, ukinileho naho, uvoteke, uγoshole miγoshwele yako ya bosi! Miya ati una nkani, nenikuizile kinyanyi, nikinye taa yako, iuke hantu hakwe, ati washevoteka.

Mfumbulo 2:6

Miya inu mbuli una nayo kuti: Nkukunda miγoshwele ya Wanikolayi, nishiyokunda nami.

Mfumbulo 2:9

kangi afufukaye: Nataila nkondo zako na ukiwa wako, kangi u mzuli; nataila, uvyokankwa ni waja wekiitanga Wayuda, kangi siwo; ni wahina wa Satani.

Mfumbulo 3:1

Mlau ywa bumbangwa ja Salide umgondele kuγamba: Ne avyolonga yuja mwetoza ziya mpeho mfungate za Mulungu haṅwe na ziya ntondwe mfungate: Nataila miγoshwele yako, kuti una ijo zina kuti: U moyo, kangi u kimba. Viluka, ugele viya vyekunda kufa nguvu!

Mfumbulo 3:15

Nataila miγoshwele yako, kuti nkulota, kangi nkuhisha. Ukatalota ao ukatahisha!

Mfumbulo 3:8

Nataila miγoshwele yako; kaula! Nizakuirka luvi luzuγukelo, muntu ashilodaha kuluzuγala. Kweli una nguvu ngeke, miya uzatozesha mbuli yangu, kangi nkufishize zina jangu.