Mfumbulo 2:10 - Kishambala New Testament 2005

¹⁰ Usheogohe viya, ndivyo ulumiziγwe! Kaula, yuja ṅwenye leba inywi kuṅwe neamigele mwe chumba, kangwe mγeziγwe, nezemwone ukiwa mishi kumi. Tozesha mpaka kufa! Ne ndivyo nikunke linga ja nkalamo.

Mfumbulo 2:10 ပူးပေါင်းရင်းမြစ်များ

Mateyo 10:22

Nezemshukiziγwe ni wantu woshe kwa mbuli ya zina jangu; miya ndiwo wazizimize shuti bindilizo, awa ne ndiwo wahone.

Mateyo 10:28

Msheogohe waja wekoma ṅwili du, washiwodaha kukoma moyo! Isiizai kumwogoha yuja mwedaha kubenta ṅwili, hata moyo uaγe kuzimu!

Mateyo 24:13

Miya ndiye azizimize mpaka bindilizo, ne ndiye ahone.

Maliko 13:13

Nezemshukiziγwe ni wantu woshe kwa mbuli ya zina jangu. Miya ndiye azizimize mpaka bindilizo, ne ndiye avunilwe.

Maliko 8:35

Hambu mwekunda kukihonya, atazakihosa; miya mwekihosa kwa mbuli ya imi na ya ulau wedi, atazakihonya.

Luka 21:12

Viya vyoshe vishizati vibule, watamigwila, wamiγulushe, waleke, mshungwe mwe mafyomelo, mgelwe mwe vyumba, mwiγalwe kwa wazumbe ṅa kwa watoza shi kwa mbuli ya zina jangu.

Yohana 12:25

Mwekikundisha ṅwenye akiaza; mwekishuka ṅwenye mwe inu shi atakihonya, abule kwe nkalamo ya kale na kale.

Yohana 13:2

Wakija nkande za ṅwiyaγulo, yuja ṅwenye leba aikundile moyo wa Yuda Simoni Isikaliyota, kangwe amwinkile.

Yohana 13:27

Akibinda kuγuwa jiya tonge, Satani azamwingila. Yesu azamuti: Uvyoγoshola, ufikevibontola!

Ntuṅwa 20:24

Miya naγamba: Nkavina mbuli, ṅwenye nikibanika, ntoγo nibontoleze ntambo yangu na ija ndimangwa, niinkiγweyo ni Zumbe Yesu, nilongele ulau wedi wa mbazi ya Mulungu uwona.

Ntuṅwa 21:13

Ne Paulo aholandula: Muγosholai mkilila, mkinilumiza moyo? Hambu imi niikiteγile, so kushungwa du, hata kufa kuja Yelusalemu kwa mbuli ya zina ja Yesu.

1. Wakolinto 9:25

Kila mwehita nkondo akinyima vyoshe vituhu; waja, kangwe wainkwe linga jebanika, miya ishwi jishijobanika.

Waefeso 2:2

mwangilewo nawo kwa misimo ya inu shi na kwa nguvu ya yuja mwena ufuṅwa kunu shi, ni ija mpeho yehimila nguvu yakwe mpaka inu mishi kwa wanangwa wepapalika.

Waefeso 6:12

Hanibu nkondo, tiyona nayo, so ya vye mpome na nyama, miya ni nkondo ya wazumbe na wafuṅwa na wanguvu wetoza inu shi, iikale na lwiza, na ziya mpehompeho mbada zoshe ze ulanga.

Yakobo 1:12

Mwe nyemi ni muntu mwezizimiza akiγezwa, hambu akihiuda kuvola atazainkwa linga ja nkalamo, Zumbe ajoikila waja wemkundisha.

1. Petelo 5:4

Aho ndiho yuja mulishi ṅwenye nezealawile, mtazamota linga ja utana jishijobanika.

1. Petelo 5:8

Hambu munkulu ywenyu Satani aanga sa shimba yeluluma, alonda, ndiye amumeze.

Mfumbulo 13:14

Izaazaγanya weikala mwe shi na viya vilozo, ishungulwevyo, kuviγoshola he mesho ya iyo nyama ntuhu; izalaγiliza waja weikala mwe shi, waγoshole kinyuwacha fikaya ijanyama, ndiyo iina kilonda cha kukoṅwa, kangi izauya moyo.

Mfumbulo 13:2

Inu nyama nieneyo, ifanana na nkukulu, milundi yakwe viya ni ya nyeγeie, kanwa chakwe viya ni cha shimba. Jiya zoka jizamunka nguvu yakwe na kiti chakwe na ufuṅwa ukulu.

Mfumbulo 13:7

Kangi izashungulwa kuomanya waṅazi na kuwavota, izainkwa ufuṅwa wa makolwa na mbali na vilosi na wamzimu woshe.

Mfumbulo 17:14

Awa ne ndiwo waomane na yuja ṅwangoto, miya ṅwangoto alawavota, hambu ni Zumbe ywa wazumbe, ni Mfuṅwa ywa wafuṅwa woshe, ana waja waitangwewo, washaγulwewo, wetozesha.

Mfumbulo 2:13

yena nyino mbili: Nataila miγoshwele na miikaile yako kuti: Uikala, kitingwa cha Satani chiliho, kangi watozesha zina jangu, nkukezile nkani, kuti wanitozesha, hata mishi ija, Antipa, mwona ywangu mwe kweli, akikoṅwa kwenyu, Satani akoikala.

Mfumbulo 2:9

kangi afufukaye: Nataila nkondo zako na ukiwa wako, kangi u mzuli; nataila, uvyokankwa ni waja wekiitanga Wayuda, kangi siwo; ni wahina wa Satani.