Mfumbulo 19:7 - Kishambala New Testament 2005

⁷ Netitamilwe, titowe mazumo, timgimbike, hambu nteγuzi ya ṅwangotongwa Izabula, mkaziye azabinda kukiteγa,

Mfumbulo 19:7 ပူးပေါင်းရင်းမြစ်များ

Mateyo 1:20

Akivitongonyeza mwe moyo wakwe, mlau ywa Zumbe azamlawila mwe sozi, azamuti: Yosefu, ṅwana Dawidi, usheogohe kumγuwa mkaziyo Maliya! Hambu ṅwana, ndiye avyalwe, ni ywa mpeho ṅazi.

Mateyo 22:2

Uzumbe wa lwingu wafanana na zumbe ywa kiinushi mwemubindila ṅwanae nteγuzi.

Luka 12:36

Hambu mwafanana na wantu wemwafiza zumbe ywawe, ndiho auye kwe nteγuzi, kangwe, ahoizila akigoṅonda, wafikemzuγwila.

Yohana 3:29

Mwena kilumbu ni ṅwenye nteγuzi; miya mbuyae ja ṅwenye nteγuzi aikala nkandai, amteγeleza, atamilwa ni kanwa cha yuja ṅwenye nteγuzi. Inu nyemi yangu izabontoka lushe.

2. Wakolinto 11:2

Hambu nivyokihima kwa mbuli ya inywi, ni vya Kimulungu; hambu nizamiinkila kwa mγoshi muṅwe, ni Kilisito, nimiiγale na kwakwe, viya ni mndele ashitendileye uhuza.

Waefeso 5:23

Hambu mγoshi ni mutwi wa mvyele, sa Kilisito avyo mutwi wa bumbangwa, hambu ne mhonya ywa ṅwili.

Waefeso 5:32

Ichi kihili ni kikulu, miya imi nilonga viya vya Kilisito na vya bumbangwa. Lushe vivyoho hata

Wafilipi 3:3

Hambu makungwi ni shwiyo temvika Mulungu kimpeho, tekiombola na Kilisito Yesu, tishiwokidesa na mili yetu.

Mfumbulo 11:13

Ija minga kuzaoneka mdidimo mkulu, uja muzi uzachakuka fungu ja kumi, wantu wakomiγwewo ni uwo mdidimo ni mazina makulija mfungate, waja washiγalewo wazaingilwa ni woγa, wazamlaviliza Mulungu ywa lwingu ntogolo.

Mfumbulo 19:9

Ne nihoγangwa: Gonda kuγamba: We nyemi ni waja waitangilwewo nkande za nteγuzi ya ṅwangolo! Vituhu naγangwa: Izi ni mbuli za Mulungu kweli!

Mfumbulo 21:2

Nizaona uja muzingwa mṅazi, uja wa Yelusalemu muhya, ukilawila mwe lwingu kwa Mulungu, ukisheela na shi, uihambiγwe, sa kilumbu chivyomhambilwa mγoshi ywakwe.

Mfumbulo 21:9

Waja walau watozizewo ziya ntungo mfungate zimemilezo ija milaho mfungate ya shilikiza, ṅwiyae ywawe muṅwe azaniγolokela, azanilonga angwe: So, nikuonyeshe mvyelengwa, kilumbu cha yuja ṅwangoto!