Mfumbulo 19:20 - Kishambala New Testament 2005

²⁰ Ne ihogwilwa ija nyama haṅwe na mubilikizi ywa ulongo, ndiye akiγoshola viya vilozo he mesho yakwe, aazaγanyevyo navyo waja wakigezilewo nyindi ja ija nyama na kuvika kinyuwa chakwe. Wake moyo, awa waili wazatambikwa na mwe ziwa ja moto uvanganewo na vibilitibiliti.

Mfumbulo 19:20 ပူးပေါင်းရင်းမြစ်များ

Mateyo 7:15

Kiγojei kwa mbuli za wateγanyi wa ulongo! Waiza kwenyu waizwikile sa ngoto, miya uko ndai ni mashuwi yena upakuzi:

Mfumbulo 14:10

ne ndiye anywe mvinyo wa maya ya Mulungu ugezibwewo mwe kinywelo cha maya yakwe, ushivanganyiγwewo na mazi, ne ndiye aswilimiziγwe mwe moto wa vibilitibiliti, aiolelwe ni wantu waṅazi na yuja ṅwangoto.

Mfumbulo 17:12

Ziya feya kumi, uenezo, ni wazumbe kumi washizatiwo kuγuwa uzumbe, miya waγuwa ufuṅwa wa kizumbe saa ṅwenga haṅwe na ija nyama.

Mfumbulo 19:19

Nizaona, ija nyama nawazumbe wa shi na ntimizi zawe wakiunganana, kangwe waomane na yuja apandileye inu falashi na ntimizi yakwe.

Mfumbulo 20:10

Yuja ṅwenye leba, ndiye akiwaazaγanya, azatambikwa na mwe jiya ziwa ja moto wa vihilitibiliti, ija nyama na yuja mubilikizi ywa ulongo walimo, wataswilimiziγwa haho kilo na mushi kale na kale.

Mfumbulo 21:8

Miya ndiwo wakivivilwa, washitozeshawo, waγenyezawo vibada, wampoko, watesi, washai, wavika fika, wamambeza woshe, fungu jawe ji muja mwe jiya ziwa jeaka moto na vibilitibiliti, ni kuγamba: Ni kifa cha mbili.

Mfumbulo 22:15

Uko se kuna makuli na washai na watesi na wampoko na wavika fika na woshe wakundilewo, kangi watendilewo mambeza.

Mfumbulo 9:17

Nizaona na mesho yangu yaja mafalashi na wapandilewo mumo, waizwikile mademu yelungulika, kuṅwe yachuta, kuṅwe ni ya nweze; mitwi ya aya mafalashi ifanana, viya ni mitwi ya mashimba, mwe vyanwa vyawe mzalawa moto na moshi na vibilitibiliti.