Mfumbulo 16:17 - Kishambala New Testament 2005

¹⁷ Yuja ywa mfungate azaitila ntungo yakwe uko ulanga; ne kuholawa kanwa kikulu vikiloi he kitingwa angwe: Vizabontoka!

Mfumbulo 16:17 ပူးပေါင်းရင်းမြစ်များ

Yohana 19:30

Yesu akiγuwa yaja mazi yenyeγela azaγamba: Vizabontoka. Ne ahoinamya mutwi, azadwika moyo.

Waefeso 2:2

mwangilewo nawo kwa misimo ya inu shi na kwa nguvu ya yuja mwena ufuṅwa kunu shi, ni ija mpeho yehimila nguvu yakwe mpaka inu mishi kwa wanangwa wepapalika.

Waefeso 6:12

Hanibu nkondo, tiyona nayo, so ya vye mpome na nyama, miya ni nkondo ya wazumbe na wafuṅwa na wanguvu wetoza inu shi, iikale na lwiza, na ziya mpehompeho mbada zoshe ze ulanga.

Mfumbulo 11:15

Mlau ywa mfungate azatowa gunda, ne kuhoiviγwa mwe lwingu vyanwa vikulu angwe: Uzumbe wa ngulu ngima uzaγaluka wa Zumbe ywetu na Kilisito ywakwe, ne ndiye atoze uzumbe kale na kale.

Mfumbulo 11:19

Vikibinda kuzazuγulwa vikilo ja Mulungu je mwe lwingu, mwe iji vikilo jakwe mzaoniγwa kibweta cha kilaγa chakwe; haho ne kumulika na kuγuγumuka na kubambaluka na kudidima na fula nkulu ya mawe.

Mfumbulo 14:15

Mlau mtuhu azalawa vikiloi, azamubohela yuja mweikaila jiya zunde na kanwa kikulu angwe: Lohola luhamba lwako, ushenge nalo! Hambu mishi ya uhuluzi izabula, kangi mbuwa za shi zizakalaγala.

Mfumbulo 14:17

Mlau mtuhu azalawa mwe vikilo je uko kwe lwingu, yohena aitozize luhamba lwekola.

Mfumbulo 16:1

Nizaiva kanwa kikulu chelawa vikiloi, chikilonga waja walau mfungate angwe: Ndokoi! Itilai izo ntungo mfungate za maya ya Mulungu na mwe shi!

Mfumbulo 21:6

Azaniti: Vizabontoka; imi ni A na O, ni kuγamba: Ni ywa andiila na ywa shilikiza. Mwena nkilu, imi nezenimtekele bule du mwe shoko ya mazi ya nkalamo.