Mfumbulo 14:6 - Kishambala New Testament 2005

⁶ Nizaona mlau mtuhu, akipulika mwe lwingu lwe gati, aitozize ulau wa ukalami wa kubilikila waja weikala mwe shi, mbali zoshe na makolwa yoshe na vilosi vyoshe na wamzimu woshe.

Mfumbulo 14:6 ပူးပေါင်းရင်းမြစ်များ

Mateyo 10:27

Nivyomilonga he lwiza, vibilikilei he langaila! Nivyominoṅoneza, vibilikilei lwazoi!

Maliko 16:15

Azawati: Hitai mwe shi zoshe za ngulu ngima, mubilikile ulaungwa wa nyemi kwa woshe we moyo!

Waloma 16:25

Mulungu ne mwedaha kumishikiza kwa nguvu ya ubilikizi wedi wa Yesu Kilisito, niwobilikila, kwa kuti nizafumbwilwa viya vishivyolongwa kale hoshe,

Wakolose 1:23

Ntoγo mwikale na kutozesha sa wantu wena shikizi jetoγa, msheushiγwe he kialilo cha ulaungwa, mwivilewo, webilikilwa kwa woshe we moyo kunu shi, niwotumikila imi Paulo.

2. Watesalonike 2:16

Miya Zumbe Yesu Kilisito ṅwenye na Mulungu, Tate yweshu, mwetikundisha, mwetinka kwa mbazi du mhembulizo wa kale na kale na kialilo kitana,

Waebuleyo 13:20

Zumbe ywetu Yesu Kilisito, yuja mulishi mkulu ywa ngoto, Mulungu ṅwenye utondolo azamlavya ha wafilewo kwa nguvu ya mpome ya kilaγa chekalama.

1. Petelo 1:25

miya mbulingwa ya Mulungu yakalama kale na kale. Kangi inu mbulingwa ne ibilikilweyo kwenyu kuti ni yedi.

Mfumbulo 10:11

Wazaniti: Shuti uteγanyize vingi mbali nyingi za wamzimu zeγenyeza vilosi na wazumbe wangi!

Mfumbulo 10:7

Mishi nkezeikawe, miya aho, ndiho mlau ywa mfungate nezeatowe gunda jakwe, ne ndiho habontoke viya, Mulungu afishizevyo, sa alongavyo wateγanyi, ndiwo wai wapuna wakwe.

Mfumbulo 13:7

Kangi izashungulwa kuomanya waṅazi na kuwavota, izainkwa ufuṅwa wa makolwa na mbali na vilosi na wamzimu woshe.

Mfumbulo 3:10

Hambu uzatozesha mbuli ya mizizimizize yangu, lushe nami nenikutozeshe, haja ha kuγezwa hakizabula heunga kulawila shi zoshe zeikala wantu, kangwe weikala kunu shi waγezwe.

Mfumbulo 5:9

Wazaimba imbo hya angwe: Iwe waagiziγwa ni kuγuwa kitabungwa na kushungula magongezo yakwe! Hambu waakoṅwa, waamkombwela Mulungu na mpome yako wantu wa makolwa yoshe na wa vilosi vyoshe na wa mbali zoshe na wa wamzimu woshe, uzaleka,

Mfumbulo 8:13

Nikikaula nizaiva, ngwilizi ikipulika mwe lwingu lwe gati, ikikema na kanwa kikulu angwe: Nkondo! Nkondo! Nkondo! Zitalawila weikala mwe shi, kukikema magunda yashiγaleyo ya waja walau watatu weunga kuyatowa.