Mfumbulo 14:3 - Kishambala New Testament 2005

³ Waimba imbo hya haja hena kitingwa na ziya nyama ne na waja waγolokezi. Kangi nkakuna adahileye kuhina iji imbo kushima wajamakulija gana na milongo mine na mane wakombolwewo wakiushiγwa mwe shi.

Mfumbulo 14:3 ပူးပေါင်းရင်းမြစ်များ

1. Wakolinto 1:18

Hambu mbuli ya kukoṅwa kwa Yesu ni udashi kwa waja webanika, kwa ishwi tehonyiγwa, ni nguvu ya Mulungu.

1. Wakolinto 2:14

Muntu mweitika moyo wakwe nkahokela viya vya mpeho ya Mulungu, aviitanga kuti: Ni ubabashi du, nkadaha kuvitaila, hambu ivi vikunda kudosiγwa kimpeho.

Mfumbulo 14:1

Nikiolela nizaona yuja ṅwangoto, aiγoloke mwe mulima wa Siyoni, ana wantu makulija gana na milongo mine na mane, waigondiγwe zina jakwe na zina ja ishe kwe vyeni vyawe.

Mfumbulo 15:3

Waimba imbo ja Mose, ndiye ai mtuṅwa ywa Mulungu, na imbo ja yuja ṅwangoto angwe: Zumbe Mulungu, wena nguvu zoshe, miγoshwele yako ni mikulu, yamasha, sila zako ni za utanda na za kweli, iwe Zumbe ywa wamzimu.

Mfumbulo 2:17

Mwena mashikilo aive, mpehongwa ivyolonga mabumbangwa! Ndiye avote, nezenimupangile ija mana ifishiγweyo, nezenimunke nyanga yeṅala, kangi mwe iyo nyanga mwigondiγwe zina hya jishijotailwa ni muntu kushima yuja mwejiγuwa.

Mfumbulo 5:9

Wazaimba imbo hya angwe: Iwe waagiziγwa ni kuγuwa kitabungwa na kushungula magongezo yakwe! Hambu waakoṅwa, waamkombwela Mulungu na mpome yako wantu wa makolwa yoshe na wa vilosi vyoshe na wa mbali zoshe na wa wamzimu woshe, uzaleka,

Mfumbulo 7:4

Nizaiva talo ja waja waokiγwewo lunyindi: Ni makulijagana namilongo mine na mane waokiγwewo lunyindi wa makolwa yoshe ya wana Isilayeli.