Mfumbulo 14:15 - Kishambala New Testament 2005

¹⁵ Mlau mtuhu azalawa vikiloi, azamubohela yuja mweikaila jiya zunde na kanwa kikulu angwe: Lohola luhamba lwako, ushenge nalo! Hambu mishi ya uhuluzi izabula, kangi mbuwa za shi zizakalaγala.

Mfumbulo 14:15 ပူးပေါင်းရင်းမြစ်များ

Mateyo 13:30

Lekai, vikuzanye haṅwe, mpaka ngano zikizashengwa! Mishi ija ya kushenga ngano nenilonge waja weshenga: Bosi unganyanyai ziya fovo, muzikante makisa, zikaokwe, miya ziya ngano muziiγale he ikilo jangu ja nkande!

Mateyo 13:39

Yuja munkulu mwezihanda ni yuja ṅwenye leba; mishi ya kushenga ngano ni bindilizo ja inu shi, waja weshenga ni walau.

Mateyo 23:32

Lushe memezai kihimo cha waishe zenyu!

Maliko 4:29

Miya mampemba yakigonyoka, viya du lushe atuma tuni, hambu uluki uzabula.

1. Watesalonike 2:16

waγeza kutifingiza, tishebilikile wamzimu, wakivunilwa; ne wavyobontoleza uhuza wawe koshe koshe; miya maya ya Mulungu yazabinda kuwalawila, washile.

Mfumbulo 11:19

Vikibinda kuzazuγulwa vikilo ja Mulungu je mwe lwingu, mwe iji vikilo jakwe mzaoniγwa kibweta cha kilaγa chakwe; haho ne kumulika na kuγuγumuka na kubambaluka na kudidima na fula nkulu ya mawe.

Mfumbulo 13:12

izalongaviya ni zoka itumikila ufuṅwa woshe wa iyo nyama ya bosi ikiolelwa ndiyo. Yaleka, shi na waja weikala mumowavike ija nyamaya bosi, ikibinda kuhona chiya kilonda chakwe cha kukoṅwa.

Mfumbulo 14:14

Nikiolela nizaona zunde jeṅala, mwe iji zunde mwiikale mwefanana viya ni ṅwana muntu, mwe mutwi wakwe ana bundu ja zahabu, mwe mkono wakwe ana luhamba lwekola.

Mfumbulo 14:16

Ne yuja mweikaila jiya zunde ahotambika luhamba lwakwe na uko shi, lushe shi izahululwa.

Mfumbulo 14:17

Mlau mtuhu azalawa mwe vikilo je uko kwe lwingu, yohena aitozize luhamba lwekola.

Mfumbulo 14:18

Mlau mtuhu azalawa kuja kwe okelo ja ṅombe za mviko, ne mwena ufuṅwa wa moto, azamubohela yuja atozizeye luhamba lwekola na kanwa kikulu angwe: Lohola luhamba lwako lwekola, ushenge vizeγembwele vya mizabibu uko shi! Hambu ntunda zawe zizaizwa.

Mfumbulo 15:6

mzalawa muja vikiloi waja walau mfungate watozizewo ija milaho mfungate, waizwikile shuke zeṅala, kangi zenamanika, kwe vifuwa waikantile mikowa ya zahabu.

Mfumbulo 16:17

Yuja ywa mfungate azaitila ntungo yakwe uko ulanga; ne kuholawa kanwa kikulu vikiloi he kitingwa angwe: Vizabontoka!

Mfumbulo 6:10

Wazakema na vyanwa vikulu angwe: Zumbe mṅazi mwe kweli, ni lini, ukizalaha na kulahiza mpome yetu kwa waja weikala uko shi?