Mfumbulo 14:10 - Kishambala New Testament 2005

¹⁰ ne ndiye anywe mvinyo wa maya ya Mulungu ugezibwewo mwe kinywelo cha maya yakwe, ushivanganyiγwewo na mazi, ne ndiye aswilimiziγwe mwe moto wa vibilitibiliti, aiolelwe ni wantu waṅazi na yuja ṅwangoto.

Mfumbulo 14:10 ပူးပေါင်းရင်းမြစ်များ

Mateyo 20:22

Yesu azamlandula angwe: Nkamtaila, muvyolombeza. Mwadaha kunywa icho kinywelo, nichounga kunywa? Angwe: Tadaha.

Mateyo 25:41

Vikibinda atalonga waja we kumosho kuti: Ukai kwangu, inywi mulaniγwewo! Hitai kwe moto ushizimawo, waashiziγwawo yuja ṅwenye leba na walau wakwe!

Mateyo 26:39

Azahita na kamazu hadodo, azakina funi, azavika angwe: Tate, ali vyadahikana, ichi kinywelo chinizinke! Kangi imi nivyokunda sivyo, miya iwe uvyokunda vibontoke!

Maliko 8:38

Hambu ndiye atendwe ni shoni na imi ao du na mbuli zangu kuzilonga mwe inu mbali ye kilanga na uhuza, hata ṅwanangwa ywa muntu atazatendwa ni shoni naye akizaiza haṅwe na walau waṅazi na utana wa ishe.

Maliko 9:44

Hambu zongolo jawe jewalumiza kuja nkajifa, kangi uja moto nkauzima.

Ntuṅwa 10:22

Wazamγamba: Kolineliyo, mkulu ywa ntimizi, muntu mtanda mwemwogoha Mulungu, mwena kilango kitana kwe mbali ngima ya Wayuda, azalaγiliziγwa ni mlau mṅazi, akutumize, uhite mwe nyumba yakwe, akuteγeleze mbuli, ndizo ulonge.

2. Watesalonike 1:7

miya inywi mweonyiγwa ukiwa mtashangalaziγwa haṅwe na ishwi, Zumbe Yesu ahozalawila akilawa mwe lwingu haṅwe na walau we nguvu yakwe, akisheela mwe bilibili ja moto,

Yuda 1:7

Sodoma na Gomola na mizi yawe ye nkandai iγosholeyo kilanga sa viyaho, ikitenda luzisho na mili miγeni, haho iilahiγwe, itionyeshe, mlaho wa moto wa ukalami ulivyo.

Mfumbulo 15:7

Ziya nyama ne ṅwiyae ywawe muṅwe azawainka waja walau mfungate ntungo mfungate za zahabu zimemilezo maya ya Mulungu mwekalama kale na kale.

Mfumbulo 16:19

Uja muzi mkulu uzakipanga mafungu matatu, hata mizi ya wamzimu izachakuka. Uja muzi mkulu wa Babeli uzafukilwa lushe ha Mulungu, uinkwe kinywelo cha mvinyo wa maya na wa kileya chakwe.

Mfumbulo 18:3

Hambu mvinyo wa maya ya kilanga chakwe wamzimu wazaunywa, wazumbe wa shi wazatenda kilanga naye, wachuluzi wa shi wazaγaluka wazuli kwa mbuli ya viya, avyoisiiza kubanabana viya vyakwe.

Mfumbulo 18:6

Kangi mulihei kaili kwa viya, miγoshwele yakwe ilivyo! Mwe chiya kinywelo, ndicho akitekela nacho, mtekelei kaili!

Mfumbulo 19:15

Mwe kanwa chakwe mzalawa shime yekola, kangwe atowe wamzimu nayo. Ṅwenye nezeawalishe na ngoda ya kilama, kangi ne mwetwa mwe iyo ntuli ya mvinyo wa maya na wa kileya cha Mulungu mwena nguvu zoshe.

Mfumbulo 19:20

Ne ihogwilwa ija nyama haṅwe na mubilikizi ywa ulongo, ndiye akiγoshola viya vilozo he mesho yakwe, aazaγanyevyo navyo waja wakigezilewo nyindi ja ija nyama na kuvika kinyuwa chakwe. Wake moyo, awa waili wazatambikwa na mwe ziwa ja moto uvanganewo na vibilitibiliti.

Mfumbulo 20:10

Yuja ṅwenye leba, ndiye akiwaazaγanya, azatambikwa na mwe jiya ziwa ja moto wa vihilitibiliti, ija nyama na yuja mubilikizi ywa ulongo walimo, wataswilimiziγwa haho kilo na mushi kale na kale.

Mfumbulo 20:14

Kifa na kuzimu wazatambikwa na muja mwe jiya ziwa ja moto, ichi ne kifa cha mbili, jiya ziwa ja moto.

Mfumbulo 21:8

Miya ndiwo wakivivilwa, washitozeshawo, waγenyezawo vibada, wampoko, watesi, washai, wavika fika, wamambeza woshe, fungu jawe ji muja mwe jiya ziwa jeaka moto na vibilitibiliti, ni kuγamba: Ni kifa cha mbili.