Mfumbulo 13:15 - Kishambala New Testament 2005

¹⁵ Izashungulwa kugela chiya kinyuwa cha ija nyama muhuye, ichi kinyuwa cha ija nyama chidahelonga, chileke woshe, ndiwo washevike ichi kinyuwa cha ija nyama wakoṅwe.

Mfumbulo 13:15 ပူးပေါင်းရင်းမြစ်များ

Yakobo 2:26

Sa ṅwili ushiwohema uvyo kimba, vivyoho hata kutozesha kushikobontoka na kuγoshola ndimangwa ni kimba.

Mfumbulo 13:1

Vikibinda nizaikwa he mshangalaγala he bahali. Nizaona nyama yekwela mwe bahali, ina feya kumi na mitwi mfungate, mwe ziya feya zakwe muna mabundu kumi, mwe ija mitwi yakwe muna mazina ya lukanko.

Mfumbulo 13:12

izalongaviya ni zoka itumikila ufuṅwa woshe wa iyo nyama ya bosi ikiolelwa ndiyo. Yaleka, shi na waja weikala mumowavike ija nyamaya bosi, ikibinda kuhona chiya kilonda chakwe cha kukoṅwa.

Mfumbulo 13:14

Izaazaγanya weikala mwe shi na viya vilozo, ishungulwevyo, kuviγoshola he mesho ya iyo nyama ntuhu; izalaγiliza waja weikala mwe shi, waγoshole kinyuwacha fikaya ijanyama, ndiyo iina kilonda cha kukoṅwa, kangi izauya moyo.

Mfumbulo 14:11

Moshi wa mlaho wawe wakwela kale na kale, nkawana luhemele kilo na mushi, ndiwo wakikigela nyindi ja zina jakwe.

Mfumbulo 14:9

Mlau mtuhu ywa ntatu azawatongela akilonga na kanwa kikulu angwe: Muntu mwevika ija nyama na kinyuwa chakwe, mwegela nyindi jakwe mwe cheni chakwe ao mwe mkono wakwe wa kulume,

Mfumbulo 16:2

Yuja ywa bosi azahita, azaitila ntungo yakwe na mwe shi; ne vilonda vibada vyeifya viholawa kwa waja wantu wena nyindi ja ija nyama, ndiyo wakivika kinyuwa chakwe.

Mfumbulo 16:5

Nizaiva mlau ywa mazi akiγamba: Wazifya masa, iwe we haha, ndiye ui haho, iwe mṅazi, kuti uzalaha ivyoho!

Mfumbulo 17:14

Awa ne ndiwo waomane na yuja ṅwangoto, miya ṅwangoto alawavota, hambu ni Zumbe ywa wazumbe, ni Mfuṅwa ywa wafuṅwa woshe, ana waja waitangwewo, washaγulwewo, wetozesha.

Mfumbulo 17:17

ayokunda, waivane inu mbuli ṅwenga kuinkila uzumbe wawe na kwe ija nyama, mpaka mbuli za Mulungu zibontoke.

Mfumbulo 17:6

Nizaona, yuja mvyele akinywa mpome ya waṅazi na mpome ya waona wa Yesu; nizamaka nikiona ichi kimaka kikulu.

Mfumbulo 18:20

Tamilwa kwa mbuli yakwe, iwe lwingu na inywi waṅazi na ntuṅwa na wabilikizi, kuti Mulungu azalahiziza masa yenyu!

Mfumbulo 18:24

kangi mwako ne mkioniγwa mpome ya wabilikizi na ya waṅazi na ya woshe wakomiγwewo kunu shi.

Mfumbulo 19:20

Ne ihogwilwa ija nyama haṅwe na mubilikizi ywa ulongo, ndiye akiγoshola viya vilozo he mesho yakwe, aazaγanyevyo navyo waja wakigezilewo nyindi ja ija nyama na kuvika kinyuwa chakwe. Wake moyo, awa waili wazatambikwa na mwe ziwa ja moto uvanganewo na vibilitibiliti.

Mfumbulo 20:4

Nizaona viti, kangi kuna weviikaila, awa wazainkwa ufuṅwa wa masa; mpeho za waja wakomiγwewo na kushengwa mitwi kwa mbuli ya kutozesha uwona wa Yesu na mbulingwa ya Mulungu, ndiwo wakishevika ija nyama na kinyuwa chakwe, ndiwo wakishekigela nyindi jakwe kwe vyeni na kwe mikono yawe, wazauya moyo lushe, wazatoza uzumbe haṅwe na Kilisito mavuli kulija.