Mfumbulo 13:14 - Kishambala New Testament 2005

¹⁴ Izaazaγanya weikala mwe shi na viya vilozo, ishungulwevyo, kuviγoshola he mesho ya iyo nyama ntuhu; izalaγiliza waja weikala mwe shi, waγoshole kinyuwacha fikaya ijanyama, ndiyo iina kilonda cha kukoṅwa, kangi izauya moyo.

Mfumbulo 13:14 ပူးပေါင်းရင်းမြစ်များ

2. Watesalonike 2:4

ne mubishi mwemfyulila vyoshe vya Mulungu na vya mviko, mpaka ṅwenye aikale mwevikilo ja Mulungu akibilikila kuti: Imi ni Mulungu.

Mfumbulo 12:9

Ijo zoka kulu ni ija nyoka ya kale yeitangwa ṅwenye leba haidu Satani, kangi ne mweazaγanya ngulu ngima; lushe azatambikwa haṅwe naye.

Mfumbulo 13:1

Vikibinda nizaikwa he mshangalaγala he bahali. Nizaona nyama yekwela mwe bahali, ina feya kumi na mitwi mfungate, mwe ziya feya zakwe muna mabundu kumi, mwe ija mitwi yakwe muna mazina ya lukanko.

Mfumbulo 13:15

Izashungulwa kugela chiya kinyuwa cha ija nyama muhuye, ichi kinyuwa cha ija nyama chidahelonga, chileke woshe, ndiwo washevike ichi kinyuwa cha ija nyama wakoṅwe.

Mfumbulo 13:8

Ndiwo waivike, ni woshe weikala mwe inu shi washigondiγwewo aho, shi ikiumbiγwa, mazina yawe mwe kitabu cha nkalamo cha yuja ṅwangoto akomiγweye.

Mfumbulo 14:11

Moshi wa mlaho wawe wakwela kale na kale, nkawana luhemele kilo na mushi, ndiwo wakikigela nyindi ja zina jakwe.

Mfumbulo 14:9

Mlau mtuhu ywa ntatu azawatongela akilonga na kanwa kikulu angwe: Muntu mwevika ija nyama na kinyuwa chakwe, mwegela nyindi jakwe mwe cheni chakwe ao mwe mkono wakwe wa kulume,

Mfumbulo 15:2

Nizaona, viya ni bahali ya kilolo yevanganavangana na moto; waja wavotilewo mwe nkondo ya ija nyama na ya kinyuwa chakwe na ya talo ja zina jakwe waiγoloke mwe inu bahali ya kilolo ulanga, waitozize mapango ya Mulungu.

Mfumbulo 16:13

Nizaona kuti: Mwe kanwa cha jiya zoka na mwe kanwa cha ija nyama na mwe kanwa cha yuja mubilikizi ywa ulongo mzalawa mpepo ntatu mbada, viya ni majula.

Mfumbulo 16:2

Yuja ywa bosi azahita, azaitila ntungo yakwe na mwe shi; ne vilonda vibada vyeifya viholawa kwa waja wantu wena nyindi ja ija nyama, ndiyo wakivika kinyuwa chakwe.

Mfumbulo 18:23

Hata langaila ja taa nkezejikepwinkuka kwako, hata lukeleγele lwa wali wa kiγoshi na wa kivyele nkezelukeivika kwako! Hambu wachuluzi wako ne wai wakulu wa inu shi, hambu wamzimu woshe ne wakiazaγanyiγwa ni ushai wako,

Mfumbulo 19:20

Ne ihogwilwa ija nyama haṅwe na mubilikizi ywa ulongo, ndiye akiγoshola viya vilozo he mesho yakwe, aazaγanyevyo navyo waja wakigezilewo nyindi ja ija nyama na kuvika kinyuwa chakwe. Wake moyo, awa waili wazatambikwa na mwe ziwa ja moto uvanganewo na vibilitibiliti.

Mfumbulo 2:10

Usheogohe viya, ndivyo ulumiziγwe! Kaula, yuja ṅwenye leba inywi kuṅwe neamigele mwe chumba, kangwe mγeziγwe, nezemwone ukiwa mishi kumi. Tozesha mpaka kufa! Ne ndivyo nikunke linga ja nkalamo.

Mfumbulo 20:10

Yuja ṅwenye leba, ndiye akiwaazaγanya, azatambikwa na mwe jiya ziwa ja moto wa vihilitibiliti, ija nyama na yuja mubilikizi ywa ulongo walimo, wataswilimiziγwa haho kilo na mushi kale na kale.

Mfumbulo 3:10

Hambu uzatozesha mbuli ya mizizimizize yangu, lushe nami nenikutozeshe, haja ha kuγezwa hakizabula heunga kulawila shi zoshe zeikala wantu, kangwe weikala kunu shi waγezwe.