Mfumbulo 12:9 - Kishambala New Testament 2005

⁹ Ijo zoka kulu ni ija nyoka ya kale yeitangwa ṅwenye leba haidu Satani, kangi ne mweazaγanya ngulu ngima; lushe azatambikwa haṅwe naye.

Mfumbulo 12:9 ပူးပေါင်းရင်းမြစ်များ

Mateyo 13:39

Yuja munkulu mwezihanda ni yuja ṅwenye leba; mishi ya kushenga ngano ni bindilizo ja inu shi, waja weshenga ni walau.

Mateyo 24:24

Hambu Wakilisito wa ulongo na wateγanyi wa ulongo watazainuka, watazaγoshola vilozo na vimaka vikulu, waazaγanye, ati vyadahikana, hata waja washaγulwewo.

Mateyo 25:41

Vikibinda atalonga waja we kumosho kuti: Ukai kwangu, inywi mulaniγwewo! Hitai kwe moto ushizimawo, waashiziγwawo yuja ṅwenye leba na walau wakwe!

Mateyo 4:1

Vikibinda Yesu azaiγalwa ni mpehongwa na nyika, akaγezwe ni ṅwenye leba.

Mateyo 4:10

Ne Yesu ahomlonga: Uka aha, Satani! Hambu kuigondiγwe: Umvike Zumbe, Mulungu ywako, na kumtumikila yuja ike!

Mateyo 4:5

Vikibinda yuja ṅwenye leba azamγuwa, azamwiγala mwe muzi mṅazi, azamγolosha mwe vikilongwa ulanga he heta,

Mateyo 4:8

Vituhu yuja ṅwenye leba azamγuwa, azamwiγala mwe mulima mule muno, azamwonyesha uzumbe woshe wa kunu shi na uzuli wakwe,

Luka 10:18

Azawati: Nizamwona Satani, akishindikwa mwe lwingu, akikina sa lumuli.

Luka 13:16

Uyu mvyelengwa ni ṅwana Abulahamu, Satani azamshunga mavuli kumi na mnane, lushe nkaviagiza, luja luγole akilushungwilwa mushi wa sabato?

Luka 22:3

Satani azamwingila Yuda mweitangwa Isikaliyota, waja kumi na waili ni ṅwiyae ywawe.

Luka 22:31

Zumbe azalonga: Simoni! Simoni! Olela: Satani azamikunda, amihete, viya mu ngano.

Luka 8:12

Ziya zigwelezo silai ni waja weiva, miya vikibinda yuja ṅwenye leba aiza, ausha mbulingwa mwe myoyo yawe, kangwe washezatozesha wakivunilwa.

Yohana 12:31

Ivi lushe ni mishi ya kulaha inu shi; ivi lushe zumbe ywa inu shi inga ashindikwe na se.

Yohana 14:30

Senilonge na inywi mbuli nyingi, hambu zumbe ywa inu shi aiza, kangi nkana nguvu na imi,

Yohana 16:11

kwa mbuli ya mlaho, kwa kuti zumbe ywa inu shi ailahiγwe.

Yohana 8:44

Nini mkishetaila milongele yangu? Kwa kuti nkamdaha kuiva mbuli yangu. Inywi mwaanduka kwa ishe ywenyu, ni yuja ṅwenye leba, kangi mwakunda kuγoshola, ishe ywenyu avyoheheleziγwa ndivyo; yuja ne mkoma wantu hata kale, na viya vye kweli nkaikala navyo, kwa kuti ṅwenye vye kweli nkana navyo. Akilonga vye mambeza, alonga vyeanduka kwakwe ṅwenye, hambu ni mumambeza, ni ishe ja mambeza.

Ntuṅwa 26:18

uwaγubwile mesho, walawe kwe lwiza, wahituke na kwe langaila, walawe kwe ufuṅwa wa Satani, wahituke na kwa Mulungu, waushiliziγwe mahuza yawe, wohe wapangilwe kifu cha waṅazi, wakinitozesha.

Ntuṅwa 5:3

Petelo azamuti: Ananiya, nini Satani akigisa moyo wako, umhenyeze Mpeho mṅazi na kufisha shilingi kuṅwe, uonelezo na γisa jako?

Waloma 16:18

Hambu we ivyoho nkawamtumikila Zumbe, watumikila mafu yawe, wazifya kulonga mbuli nyingi vitana, ne wavyoufya myoyo ya waja washinawo mambeza.

Waloma 16:20

Miya Mulungu mwetiikaza mpeho inga amtiγinte Satani kinyanyi shi he milundi yenyu. Mbazi ya Zumbe ywetu Yesu Kilisito iikale na inywi!

2. Wakolinto 11:14

Kangi icho so kimaka, hambu Satani ṅwenye akionyaonya, viya ni mlau ywa langaila.

2. Wakolinto 11:3

Miya sa nyoka imhosizevyo Ewa na ugila wakwe, naogoha vivyoho, hata ntongonyezi zenyu zishezatabaniγwa, mshedahe kumwalila Kilisito.

2. Wakolinto 12:7

Kangwe nishehikuke na viya, nivyoisa kufilwa mbazi na kuvifumbwilwa, nizainkwa mtunga wekatunga ṅwili wangu, ni mlau ywa Satani mwekashungulwa, anitowe nkonde, nishezahikuka.

2. Wakolinto 2:11

kangwe tishezafutwa ni Satani, hambu ishwi nkakuna ashiyetaila mizungu yakwe.

2. Wakolinto 4:4

hambu Mulungu ywa inu shi azachusha myoyo ya waja washiwotozesha, kangwe washemuhilikilwe ni langaila jelawa kwe uja ulau wedi wa Kilisito mwefahana na Mulungu.

Waefeso 4:14

Tishezaikala tumala kinkebe tikivuviγwavuviγwa, tikizungulushiγwa ni mbuli, wantu wazohinya, zikihitukila sa mpeho yekunta, hambu ni za lwufyo na za mihembo ya wantu, kangwe watiazaγanye na minyanyi.

2. Watesalonike 2:3

Muntu ashezamiufya, hata akilonga mbwai na mbwai! Shuti kuneoneka mubahukano, shuti kunebunkuka yuja niuntungwa ywa uhuza, ne ṅwanangwa ywa mubaniko,

1. Timoteyo 2:14

Kangi Adamu siye aufiγweye, miya mvyele ne aufiγweye, ne alongoleye kubana.

2. Timoteyo 3:13

Miya wantu wabada weazaγanyg weyae wawe wataγesa mbuli yawe na habada, hambu kwa viya wavyohosa, wohe watazakihosa.

Waebuleyo 2:14

Kwa kuti awa wana woshe wana mili ye mpome na nyama, yohena azaγuwa ṅwili we ivyoho, kangwe na kufa kwakwe amubushe yuja mwena nguvu ya kifa, ni Satani,

1. Petelo 5:8

Hambu munkulu ywenyu Satani aanga sa shimba yeluluma, alonda, ndiye amumeze.

1. Yohana 5:19

Tataila, kuti tianduka kwa Mulungu, miya inu shi ngima ni ya kubanika.

Yuda 1:9

Mlau mkulu Mikayeli akiomana na Satani wakikananilana kimba cha Mose nkakundile kumlaha haṅwe na kumkanka, miya azalonga du kuti: Zumbe neakuifye!

Mfumbulo 12:12

Kwa ivyoho jai nyemi, inywi nyingu na nyoshe mweikala mumu! Nkondo izalawila shi na bahali, kwa kuti ṅwenye leba azasheela na kwenyu, ana maya mangi, ataila, kuti mishi yakwe ni miγeke.

Mfumbulo 12:3

Vikibinda, kuzalawila kilozo kituhu mwe lwingu: Ni zoka kulu ja moto, jina mitwi mfungate na feya kumi, kangi mwe mitwi yakwe muna malinga mfungate;

Mfumbulo 12:7

Nkondo izagwa mwe lwingu: Mikayeli na walau wakwe wazaomana na jiya zoka. Jiya zoka johena na walau wakwe wazaomana,

Mfumbulo 12:8

miya nkawadahile, hantu hawe nkahaoneke vituhu mwe lwingu.

Mfumbulo 13:14

Izaazaγanya weikala mwe shi na viya vilozo, ishungulwevyo, kuviγoshola he mesho ya iyo nyama ntuhu; izalaγiliza waja weikala mwe shi, waγoshole kinyuwacha fikaya ijanyama, ndiyo iina kilonda cha kukoṅwa, kangi izauya moyo.

Mfumbulo 16:14

Hambu kuna mpeho za mpepo zeγoshola vilozo, zehita kwa timila wazumbe wa ngulu ngima, wawaunganyanye, waomane nkondo, mushi uja mkulu wa Mulungu mwena nguvu zoshe ukizakinta.

Mfumbulo 18:2

Azakema na kanwa kikulu angwe: Uzachakuka! Uzachakuka uja muzi mkulu wa Babeli, uzaγaluka ikailo ja mpepo na ja mpeho mbada zoshe na fikilo ja ndeγe mbada zoshe zeshukwa.

Mfumbulo 18:23

Hata langaila ja taa nkezejikepwinkuka kwako, hata lukeleγele lwa wali wa kiγoshi na wa kivyele nkezelukeivika kwako! Hambu wachuluzi wako ne wai wakulu wa inu shi, hambu wamzimu woshe ne wakiazaγanyiγwa ni ushai wako,

Mfumbulo 19:20

Ne ihogwilwa ija nyama haṅwe na mubilikizi ywa ulongo, ndiye akiγoshola viya vilozo he mesho yakwe, aazaγanyevyo navyo waja wakigezilewo nyindi ja ija nyama na kuvika kinyuwa chakwe. Wake moyo, awa waili wazatambikwa na mwe ziwa ja moto uvanganewo na vibilitibiliti.

Mfumbulo 2:13

yena nyino mbili: Nataila miγoshwele na miikaile yako kuti: Uikala, kitingwa cha Satani chiliho, kangi watozesha zina jangu, nkukezile nkani, kuti wanitozesha, hata mishi ija, Antipa, mwona ywangu mwe kweli, akikoṅwa kwenyu, Satani akoikala.

Mfumbulo 2:24

Miya namiti inywi watuhu uko Tiyatila, mushiwotongela ija mifuzize, mushiwotaila minyanyi yoshe ya Satani, namilonga kilushimo kuγamba: Sezenimiinuze mziγo wa mtuhu.

Mfumbulo 2:9

kangi afufukaye: Nataila nkondo zako na ukiwa wako, kangi u mzuli; nataila, uvyokankwa ni waja wekiitanga Wayuda, kangi siwo; ni wahina wa Satani.

Mfumbulo 20:10

Yuja ṅwenye leba, ndiye akiwaazaγanya, azatambikwa na mwe jiya ziwa ja moto wa vihilitibiliti, ija nyama na yuja mubilikizi ywa ulongo walimo, wataswilimiziγwa haho kilo na mushi kale na kale.

Mfumbulo 20:8

Atahita kwa anga, aazaγanye wamzimu weikala kwe yaja maheta mane ya inu shi, waja wa Gogi na wa Magogi, awaunganyanye kwe nkondo; kangi newaγenele sa mshangalaγala we mpwai.

Mfumbulo 3:9

Kaula! Nalavya kuṅwe wafuziγwewo ni Satani weγamba, kuti ni Wayuda, kangi siwo, watahenya. Kaula! Imi nezenileke, waiawile, wakukinile he milundi yako, wataile kuti: Nizakukundisha.

Mfumbulo 9:1

Mlau ywa shano azatowa gunda, ne nihoona ntondwe ilawileyo mwe lwingu, iikinile na shi, izainkwa funguwo ya kishima cha kuzimu.

Mfumbulo 9:20

Wantu washiγalewo, washikomiγwewo ni izi nkondo, nkawavoteke kwa mbuli ya miγoshwele ya mikono yawe, kangi nkawalekile kuvika mizimu na vinyuwa vya zahabu na vya feza na vya ṅandu na vya mawe na vya miti, vishivyodaha kuona na kuiva na kuanga.