Mfumbulo 12:5 - Kishambala New Testament 2005

⁵ Azavyala ṅwana ywa kiγoshi, mwegomba kulisha wamzimu woshe na ngoda ya kilama. Uyu ṅwanae azapakulwa, azaiγalwa kwa Mulungu na kwe kiti chakwe, yuja mvyele azanyilika na mwe nyika,

Mfumbulo 12:5 ပူးပေါင်းရင်းမြစ်များ

Mateyo 1:25

Miya nkamtaile, mpaka akimvyala ṅwana; uyu azamwitanga zina jakwe Yesu.

Maliko 16:19

Zumbe Yesu akibinda kuwalonga ivyoho azainulwa na mwe lwingu, azaikala kulume kwa Mulungu. Miya waja wazalawa, wazabilikila koshe koshe;

2. Wakolinto 12:2

Nataila muntu mwena Kilisito, lushe kuzazinka mavuli kumi na mane, — ati ne ai mwe ṅwili wakwe, sitaila, ati aitanyiγwe na ṅwili wakwe, sitaila, Mulungu ataila — uyu muntu ne akiiγalwa na nguvu mpaka kwe lwingu lwa ntatu.

2. Wakolinto 12:4

kuti azaiγalwa na nguvu na mwe Paladiso, ne aivileho mbuli zishidahikanazo kulongwa, kangi muntu nkavimwagiza kuzilonga.

Mfumbulo 11:12

Wazaiva kanwa kikulu chelawa mwe lwingu, chizawalonga angwe: Kwelai na kunu! Wazakwela na zunde, mpaka wabule mwe lwingu, wankulu wawe waiwaolele.

Mfumbulo 12:13

Jiya zoka jikiona, kuti jizatambikwa na shi, jizaγulusha yuja mvyelengwa avyeleye yuja ṅwana ywa kiγoshi.

Mfumbulo 12:2

ana nda, akema kwa kulumilwa, akiona ntoγo za kuvyala.

Mfumbulo 19:15

Mwe kanwa chakwe mzalawa shime yekola, kangwe atowe wamzimu nayo. Ṅwenye nezeawalishe na ngoda ya kilama, kangi ne mwetwa mwe iyo ntuli ya mvinyo wa maya na wa kileya cha Mulungu mwena nguvu zoshe.