Mfumbulo 12:4 - Kishambala New Testament 2005

⁴ lunga lwakwe luzahuna fungu ja ntatu ja ntondwe ze mwe lwingu, luzazitambika na shi. Iji zoka jizamγolokela yuja mvyele mweunga kuvyala, kangwe aho, ndiho avyale, jimumeze ṅwanae.

Mfumbulo 12:4 ပူးပေါင်းရင်းမြစ်များ

Yohana 8:44

Nini mkishetaila milongele yangu? Kwa kuti nkamdaha kuiva mbuli yangu. Inywi mwaanduka kwa ishe ywenyu, ni yuja ṅwenye leba, kangi mwakunda kuγoshola, ishe ywenyu avyoheheleziγwa ndivyo; yuja ne mkoma wantu hata kale, na viya vye kweli nkaikala navyo, kwa kuti ṅwenye vye kweli nkana navyo. Akilonga vye mambeza, alonga vyeanduka kwakwe ṅwenye, hambu ni mumambeza, ni ishe ja mambeza.

1. Petelo 5:8

Hambu munkulu ywenyu Satani aanga sa shimba yeluluma, alonda, ndiye amumeze.

Mfumbulo 12:7

Nkondo izagwa mwe lwingu: Mikayeli na walau wakwe wazaomana na jiya zoka. Jiya zoka johena na walau wakwe wazaomana,

Mfumbulo 12:9

Ijo zoka kulu ni ija nyoka ya kale yeitangwa ṅwenye leba haidu Satani, kangi ne mweazaγanya ngulu ngima; lushe azatambikwa haṅwe naye.

Mfumbulo 13:2

Inu nyama nieneyo, ifanana na nkukulu, milundi yakwe viya ni ya nyeγeie, kanwa chakwe viya ni cha shimba. Jiya zoka jizamunka nguvu yakwe na kiti chakwe na ufuṅwa ukulu.

Mfumbulo 13:4

Ngulu ngima izaolela iyo nyama na kuishentuka. Wazavika jiya zoka, kwa kuti jizainka ija nyama ufuṅwa, vituhu wazavika inu nyama angwe: Kuna mwefanana na inu nyama? Kuna mwedaha kuomana nayo?

Mfumbulo 16:13

Nizaona kuti: Mwe kanwa cha jiya zoka na mwe kanwa cha ija nyama na mwe kanwa cha yuja mubilikizi ywa ulongo mzalawa mpepo ntatu mbada, viya ni majula.

Mfumbulo 17:18

Yuja mvyele, umweneye, ni uja muzi mkulu wena uzumbe wa wazumbe wa inu shi.

Mfumbulo 20:2

Azagwila jiya zoka, ni ija nyoka ya kale, ni ṅwenye leba, kangi ni Satani, azamshunga mavuli kulija,

Mfumbulo 8:10

Mlau ywa ntatu azatowa gunda, ne kuholawa ntondwe nkulu mwe lwingu yeaka moto, viya ni taa, izagwa na mwe fungu ja ntatu ja mito na mwe mashoko ya mazi.

Mfumbulo 8:11

Inu ntondwe zina jakwe iitangwa Leza, fungu ja ntatu ja mazi jizaγaluka, viya ni leza, wantu wangi wazakoṅwa ni yaja mazi, kwa kuti yanyeγelesha.

Mfumbulo 8:12

Mlau ywa ne azatowa gunda, ne kuhotowiγwa fungu ja ntatu ja zuwa na fungu ja ntatu ja ṅwezi na fungu ja ntatu ja ntondwe, aya mafungu yawe ya ntatu yazagwa lwiza, aya mafungu yawe nkayaakile mushii, hata kilo ni vivyoho.

Mfumbulo 8:7

Mlau ywa bosi azatowa gunda, ne kuholawila fula ya mawe na moto, viivangane na mpome, vizagwa na shi; kuzahya fungu ja ntatu ja ngulu ngima, hata fungu ja ntatu ja miti jizahya, hata mani yoshe maishi yazahya.

Mfumbulo 8:8

Mlau ywa mbili azatowa gunda, ne kuholambikwa na mwe bahali viya ni mulima mkulu weaka moto, fungu ja ntatu ja bahali jizaγaluka mpome,

Mfumbulo 8:9

kangi fungu ja ntatu ja nyama za bahali ze moyo jizafa, hata fungu ja ntatu ja vyombo jizabanika.

Mfumbulo 9:10

Kangi zina mikila, viya ni mikila ya visuse vyena fula; mwe mu mikila yawe ne nguvu yawe ilimo ya kulumiza wantu myezi mishano.

Mfumbulo 9:19

Hambu nguvu ya aya mafalashi ni vyanwa vyawe na mikila yawe; hambu mikila yawe ifanana na nyoka, ina mitwi, ne wayoluma nayo.