Mfumbulo 12:11 - Kishambala New Testament 2005

¹¹ Weoye wazamvota kwa nguvu ya mpome ya yuja ṅwangoto na nguvu ya mbuli ya uwona wawe, kangi ne washikikundisha shuti kufa.

Mfumbulo 12:11 ပူးပေါင်းရင်းမြစ်များ

Luka 14:26

Ati muntu aiza kwangu akishemshwika ishe na nine na muke na wanae na wakuluwe na wanduγuze na walumbuze, haṅwe na kukishwika ṅwenye, nkadaha kuγaluka mhina ywangu.

Yohana 16:33

Izi mbuli nizazimiγambila, kangwe mwonele mwangu mpolele. Mwe inu shi munaukiwa, miyatoγwai nimyoyo! Hambu nizaivota inu shi.

Ntuṅwa 20:24

Miya naγamba: Nkavina mbuli, ṅwenye nikibanika, ntoγo nibontoleze ntambo yangu na ija ndimangwa, niinkiγweyo ni Zumbe Yesu, nilongele ulau wedi wa mbazi ya Mulungu uwona.

Ntuṅwa 21:13

Ne Paulo aholandula: Muγosholai mkilila, mkinilumiza moyo? Hambu imi niikiteγile, so kushungwa du, hata kufa kuja Yelusalemu kwa mbuli ya zina ja Yesu.

Waloma 16:20

Miya Mulungu mwetiikaza mpeho inga amtiγinte Satani kinyanyi shi he milundi yenyu. Mbazi ya Zumbe ywetu Yesu Kilisito iikale na inywi!

1. Wakolinto 15:57

Miya Mulungu atogolwe! Hambu ne mweleka, tikivola kwa nguvu ya Zumbe ywetu Yesu kilisito.

1. Yohana 4:4

Miya inywi muanduka kwa Mulungu; wanangu, mwiwavotile waja, hambu yuja muyena naye ni mkulu kumzinka yuja, inu shi iyena naye.

1. Yohana 5:5

Mwevota inu shi ni ndai, ati so yuja mwetozesha, kuti Yesu ni ṅwana Mulungu?

Mfumbulo 1:2

Ne ndiye akikanila mbulingwa ya Mutungu na uwona wa Yesu Kilisito na vyoshe, aenevyo.

Mfumbulo 1:9

Imi Yohana ni mnduγu ywenyu, kangi ni haṅwe na inywi kwa mbuli ya ukiwa, kangi kwa mbuli ya uzumbe, kwa mbuli ya uzizimizi weoneka kwa Yesu; ne nikiikala mwe kisiwa cheitangwa Patimo, kwa viya nibilikilevyo mbulingwa ya Mulungu na uwona wa Yesu.

Mfumbulo 11:7

Wakibinda kulonga uwona wawe, kutakwela zama uko kuzimu, jitawaomanya, jitawakoma.

Mfumbulo 12:17

Jiya zoka jizakwelwa ni maya kwa mbuli ya yuja mvyelengwa, jizahita kwa omanya wanae watuhu wetozesha milaγilizo ya Mulungu, weanga na uwona wa Yesu.

Mfumbulo 19:10

Nizamkinila he milundi yakwe, kangwe nimvike, miya azaniti: Leka ivyoho! Iwe na wanduγu wako watozeshewo uwona wa Yesu imi ni mupuna ṅwenyu. Mvike Mulungu! Hambu uwona wa Yesu ni mpehongwa ya uteγanyi.

Mfumbulo 2:13

yena nyino mbili: Nataila miγoshwele na miikaile yako kuti: Uikala, kitingwa cha Satani chiliho, kangi watozesha zina jangu, nkukezile nkani, kuti wanitozesha, hata mishi ija, Antipa, mwona ywangu mwe kweli, akikoṅwa kwenyu, Satani akoikala.

Mfumbulo 2:17

Mwena mashikilo aive, mpehongwa ivyolonga mabumbangwa! Ndiye avote, nezenimupangile ija mana ifishiγweyo, nezenimunke nyanga yeṅala, kangi mwe iyo nyanga mwigondiγwe zina hya jishijotailwa ni muntu kushima yuja mwejiγuwa.

Mfumbulo 2:26

Ndiye avote, ndiye atongele miγoshwele yangu, nezenimunke ufuṅwa wa wamzimu,

Mfumbulo 2:7

Mwena mashikilo aive, mpehongwa ivyolonga mabumbangwa! Ndiye avote, nezenimunke muti wa nkalamo uko Paladiso kwa Mulungu, auje.

Mfumbulo 20:4

Nizaona viti, kangi kuna weviikaila, awa wazainkwa ufuṅwa wa masa; mpeho za waja wakomiγwewo na kushengwa mitwi kwa mbuli ya kutozesha uwona wa Yesu na mbulingwa ya Mulungu, ndiwo wakishevika ija nyama na kinyuwa chakwe, ndiwo wakishekigela nyindi jakwe kwe vyeni na kwe mikono yawe, wazauya moyo lushe, wazatoza uzumbe haṅwe na Kilisito mavuli kulija.

Mfumbulo 3:12

Ndiye avote, nezenimγalushe mkola mwe vikilo ja Mulungu ywangu, nkezeamlawe vituhu, nezenimgonde zina ja Mulungu ywangu na zina ja muzingwa wa Mulungu ywangu, ja uja muzi muhya wa Yelusalemu, ndiwo usheele ukilawa mwe lwingu kwa Mulungu ywangu, kangi nezenimgonde zina jangu hya.

Mfumbulo 3:21

Ndiye avote, nezenimfile mbazi, aikale na imi mwe kiti changu, sa imi ṅwenye nivotilevyo, nikibinda nikiikala na Tate mwe kiti chakwe. Mwena mashikilo aive,

Mfumbulo 3:5

Ndiye avote, nezeazwikwe ivyoho shuke zeṅala, sezenifute zina jakwe mwe kitabu cha nkalamo, nezenilonge zina jakwe na kulaviliza ha Tate na ha walau wakwe.

Mfumbulo 6:9

Akishungula gongezo ja shano, nizaona mzunguwi he okelo ja ṅombe za mviko mpeho za waja wakomiγwewo kwa mbuli ya Mulungu na kwa mbuli ya uwona, ndiwo wakitozesha.