Mfumbulo 11:19 - Kishambala New Testament 2005

¹⁹ Vikibinda kuzazuγulwa vikilo ja Mulungu je mwe lwingu, mwe iji vikilo jakwe mzaoniγwa kibweta cha kilaγa chakwe; haho ne kumulika na kuγuγumuka na kubambaluka na kudidima na fula nkulu ya mawe.

Mfumbulo 11:19 ပူးပေါင်းရင်းမြစ်များ

Mfumbulo 11:13

Ija minga kuzaoneka mdidimo mkulu, uja muzi uzachakuka fungu ja kumi, wantu wakomiγwewo ni uwo mdidimo ni mazina makulija mfungate, waja washiγalewo wazaingilwa ni woγa, wazamlaviliza Mulungu ywa lwingu ntogolo.

Mfumbulo 11:15

Mlau ywa mfungate azatowa gunda, ne kuhoiviγwa mwe lwingu vyanwa vikulu angwe: Uzumbe wa ngulu ngima uzaγaluka wa Zumbe ywetu na Kilisito ywakwe, ne ndiye atoze uzumbe kale na kale.

Mfumbulo 12:1

Uko kwe lwingu kuzalawila lushe kilozo kikulu: Ni mvyele azwikileye zuwa, kangi ṅwezi u shi he milundi yakwe, mwe mutwi wakwe ana bundu ja ntondwe kumi na mbili;

Mfumbulo 16:1

Nizaiva kanwa kikulu chelawa vikiloi, chikilonga waja walau mfungate angwe: Ndokoi! Itilai izo ntungo mfungate za maya ya Mulungu na mwe shi!

Mfumbulo 16:18

Ne kuhomulika na kuγuγumuka na kubambaluka, kangi mdidimo mkulu uzazinka; aho kale wantu waandileho kuikala kunu shi, nkakwaoneke mdidimo wekula ivyoho.

Mfumbulo 16:21

Vikibinda mawe makulu ya fula yeinga sa nkonde yazalawa mwe lwingu, yazagwela wantu. Wantu wazamkanka Mulungu kwa mbuli ya unu mlaho wa fula ya mawe, hambu nkondo yakwe ni nkulu muno.

Mfumbulo 19:11

Nizaona, lwingu lukizuγulwa, kuna falashi yeṅala, aipandileye aitangwa mtanda na mkweli, alaha masa, kangi agomba nkondo na utanda.

Mfumbulo 4:1

Vikibinda nizaolela, nizaona luvi, luizuγuke mwe lwingu; kangi nizaiva kanwa cha bosi, niivilecho, viya ni cha gunda, chelonga na imi angwe: Kwela na aha, nikuonyeshe vyeunga kuγosholeka uko nyuma!

Mfumbulo 4:5

He icho kitingwa hazamulika na kuγuγumuka na kubambaluka, kangi he icho kitingwa kamazu hadodo hana taa za moto mfungate zeaka, ne ziya mpeho mfungate za Mulungu.

Mfumbulo 7:15

Kwa ivyoho, waγolokela kitiugwa cha Mulungu, wamtumikila kilo na mushi mwe vikilo jakwe, kangi yuja mweikaila kitingwa nezeaikale kwawe.

Mfumbulo 8:5

Vikibinda yuja mlau azaγuwa chiya kitasa cha vunkiziza, azachimemeza moto weanduka mwe jiya okelo ja ṅombe za mviko, azachitambika na shi; ne kuholawila lubambala na lukuwa na lumuli na mdidimo.

Mfumbulo 8:7

Mlau ywa bosi azatowa gunda, ne kuholawila fula ya mawe na moto, viivangane na mpome, vizagwa na shi; kuzahya fungu ja ntatu ja ngulu ngima, hata fungu ja ntatu ja miti jizahya, hata mani yoshe maishi yazahya.