Mfumbulo 11:17 - Kishambala New Testament 2005

¹⁷ Takulaviliza ntogolo, Zumbe Mulungu, wena nguvu zoshe, we haha, ndiwo ui haho, kuti uzaγuwa uzumbe kwa nguvu yako nkulu.

Mfumbulo 11:17 ပူးပေါင်းရင်းမြစ်များ

Mateyo 11:25

Mishi Yesu azalonga kuγamba: Nakulaviliza ntogolo, iwe Tate, Zumbe ywa lwingu na ywa shi, kuti izi mbuli watalizi na waviyuγo uzaziwafishila, miya uzazifumbwila wankebe.

Luka 10:21

Haja ne Yesu atowileho zumo akimema mpeho mṅazi akilonga: Nakulaviliza ntogolo, iwe Tate, Zumbe ywa lwingu na ywa shi, kuti izi mbuli watalizi na waviyuγo uzaziwafisha, miya uzazifumbwila wankebe. Kweli, Tate, ne vikutamilevyo.

Yohana 11:41

Wazausha lushe jiya iwe. Yesu azainula mesho na ulanga, azalonga: Tate nakutogola kuti: Uzaniiva.

2. Wakolinto 2:14

Miya Mulungu atogolwe mweleka, nivote koshe koshe na nguvu ya Kilisito, mweleka, tifumbule koshe koshe kuti: Kumtaila vina mulile!

2. Wakolinto 9:15

Mulungu atogolwe kwa viya, avyotifa mbazi navyo, vishivyodahikana kulongwa!

1. Timoteyo 1:12

Namlaviliza Zumbe ywetu Kilisito Yesu ntogolo, hambu azaninka nguvu, azanifanyanya kuti: Ni mkoolezi, ne ahonigimbika, nimγoshwele ndima,

Mfumbulo 1:4

Imi Yohana navigondela yaja mabumbangwa mfungate ye mwe shi za Asia: Mbazi imiikaile na mpeho yeanduka kwa yuja mwe haha! Ndiye ai haho kale hoshe, kangi ne ndiye nezealawile. Kangi ianduka kwa waja wantimizi mfungate weγolokela kiti chakwe,

Mfumbulo 1:8

Imi ni A na O, ni kuγamba: Chandilo na hindilizo, ne avyolonga Zumbe Mulungu mwe haha, ndiye ai habo, ndiye nezealawile, mwena nguvu zoshe.

Mfumbulo 11:15

Mlau ywa mfungate azatowa gunda, ne kuhoiviγwa mwe lwingu vyanwa vikulu angwe: Uzumbe wa ngulu ngima uzaγaluka wa Zumbe ywetu na Kilisito ywakwe, ne ndiye atoze uzumbe kale na kale.

Mfumbulo 15:3

Waimba imbo ja Mose, ndiye ai mtuṅwa ywa Mulungu, na imbo ja yuja ṅwangoto angwe: Zumbe Mulungu, wena nguvu zoshe, miγoshwele yako ni mikulu, yamasha, sila zako ni za utanda na za kweli, iwe Zumbe ywa wamzimu.

Mfumbulo 16:14

Hambu kuna mpeho za mpepo zeγoshola vilozo, zehita kwa timila wazumbe wa ngulu ngima, wawaunganyanye, waomane nkondo, mushi uja mkulu wa Mulungu mwena nguvu zoshe ukizakinta.

Mfumbulo 16:5

Nizaiva mlau ywa mazi akiγamba: Wazifya masa, iwe we haha, ndiye ui haho, iwe mṅazi, kuti uzalaha ivyoho!

Mfumbulo 16:7

Vikibinda nizaiva kanwa chelawa he okelo ja ṅombe za mviko angwe: Ni vivyo, Zumbe Mulungu wena nguvu zoshe, milahile yako ni ya kweli, yaagiza.

Mfumbulo 18:8

Kwa ivyoho milaho yakwe nezeimgweele mushi muṅwe, kifa na ukiwa na sala, kangi nezeaokwe na moto, hambu Mulungu ne ndiye amlahe, ni Zumbe mnguvu.

Mfumbulo 19:11

Nizaona, lwingu lukizuγulwa, kuna falashi yeṅala, aipandileye aitangwa mtanda na mkweli, alaha masa, kangi agomba nkondo na utanda.

Mfumbulo 19:6

Nizaiva, viya ni vuzo ja bumba kulu, kangi viya ni vuzo ja mazi mangi, kangi viya ni vuzo ja lubambala lwe nguvu, angwe: Haleluya! Hambu Zumbe Mulungu ywelu mwena nguvu zoshe azaγuwa uzumbe.