Mfumbulo 11:13 - Kishambala New Testament 2005

¹³ Ija minga kuzaoneka mdidimo mkulu, uja muzi uzachakuka fungu ja kumi, wantu wakomiγwewo ni uwo mdidimo ni mazina makulija mfungate, waja washiγalewo wazaingilwa ni woγa, wazamlaviliza Mulungu ywa lwingu ntogolo.

Mfumbulo 11:13 ပူးပေါင်းရင်းမြစ်များ

Yohana 9:24

Yuja muntu, ndiye ai tuntu, wazamwitanga vituhu, wazamuti: Mgimbike Mulungu! Ishwi tataila kuti: Yuja muntu ni mhuza.

Ntuṅwa 1:15

Mishi ija Petelo azawalawila waja wanduγu; kangi jiya bumba joshe jiungananejo muja jizaγelemuka mazina gana na milongo mili, azawati:

Mfumbulo 11:11

Miya ija mishi mitatu na hindi ikizinka, kuzalawa mpebo ya nkalamo kwa Mulungu, izawaingila, wazainuka, wazaγoloka na milundi yawe, woγa ukulu uzagwila waja wewaolela.

Mfumbulo 11:19

Vikibinda kuzazuγulwa vikilo ja Mulungu je mwe lwingu, mwe iji vikilo jakwe mzaoniγwa kibweta cha kilaγa chakwe; haho ne kumulika na kuγuγumuka na kubambaluka na kudidima na fula nkulu ya mawe.

Mfumbulo 14:7

Azalonga na kanwa kikulu angwe: Mwogohei Mulungu! Munkei ntogolo! Hambu hakwe ha lahila masa hazabula. Mvikei aγosholeye lwingu na shi na bahali na mashoko ya mazi!

Mfumbulo 15:4

Kuna ndiye ashekuogohe, Zumbe? Kuna ndiye ashegimbike zina jako? Hambu u mṅazi ike, wamzimu woshe nezewaize, nezewakuvike na kukukinila, kwa kuti milabile yako izalawila.

Mfumbulo 19:7

Netitamilwe, titowe mazumo, timgimbike, hambu nteγuzi ya ṅwangotongwa Izabula, mkaziye azabinda kukiteγa,

Mfumbulo 3:4

Miya kwako Salide una mazina ya kuṅwe washikandanyewo shuke zawe, nezewaange na imi waizwikile shuke zeṅala, hambu viyawaagiza.

Mfumbulo 6:12

Nizaona, akishungula gongezo ja mtandatu, ne kuhooneka mdidimo mkulu, zuwa jizachuta, viya ni guniya ja ukonge, ṅwezi woshe uzalungulika, viya ni mpome,

Mfumbulo 8:5

Vikibinda yuja mlau azaγuwa chiya kitasa cha vunkiziza, azachimemeza moto weanduka mwe jiya okelo ja ṅombe za mviko, azachitambika na shi; ne kuholawila lubambala na lukuwa na lumuli na mdidimo.