Mfumbulo 10:1 - Kishambala New Testament 2005

¹ Nizaona mlau mtuhu mwe nguvu, akisheela mwe lwingu, kizwiko chakwe ni zunde, nkofiya yakwe ni lunywa mazi, cheni chakwe viya ni zuwa, milundi yakwe viya ni shiki ze moto;

Mfumbulo 10:1 ပူးပေါင်းရင်းမြစ်များ

Mateyo 17:2

Wakimwolela, azaγalamuka, cheni chakwe chizaaka, viya ni zuwa, hata shuke zakwe zizanamanika, viya ni langaila.

Luka 21:27

Ne ndiho wamwone ṅwanangwa ywa muntu, avyoiza mwe zunde na nguvu nyingi na utana ungi.

Ntuṅwa 26:13

Na mushi mkulu, zumbe, nizaona silai langaila jilawilejo mwe lwingu, jakulisha kuzinka langaila ja zuwa, jizanimulikila imi na waja, nitambilewo nawo.

Mfumbulo 1:7

Shuyuja, aiza mwe mazunde, mesho yoshe nezeyamwone, hata waja, ndiwo wakimshoma, mbali zoshe za shi nezezimlilile. Ivi ni kweli. Amini.

Mfumbulo 18:1

Vikibinda nizaona mlau mtuhu, azasheela mwe lwingu, ana ufuṅwa ukulu, kangi shi izagwa langaila kwa utana wakwe.

Mfumbulo 18:21

Mlau muṅwe mwe nguvu azainula iwe, ukulu wakwe ji inga sa mkungo wa gali, azajitambika na mwe bahali angwe: Ne uja muzi mkulu wa Babeli uvyotambikwa kwa nguvu ṅwenga du, kangi nkauzaoneka.

Mfumbulo 20:1

Nizaona mlau, akisheela mwe lwingu, aitozize mwe mkono wakwe funguwo ya kuzimu na zolo kulu muno.

Mfumbulo 4:3

Uyu aikaleye ukimwolela, afanana na iwe ja yasipi ao ja salidiyo; vikibinda ichi kiti chiidenganilwe ni lunywa mazi, nikiluolela, lufanana na iwe ja sumalato.

Mfumbulo 5:2

Nizaona, mlau mwe nguvu akibilikila na kanwa kikulu angwe: Ni ndai mweagiziγwa ni kuγubula ichi kitabu na kushungula magongezo yakwe?

Mfumbulo 8:13

Nikikaula nizaiva, ngwilizi ikipulika mwe lwingu lwe gati, ikikema na kanwa kikulu angwe: Nkondo! Nkondo! Nkondo! Zitalawila weikala mwe shi, kukikema magunda yashiγaleyo ya waja walau watatu weunga kuyatowa.