Mfumbulo 1:8 - Kishambala New Testament 2005

⁸ Imi ni A na O, ni kuγamba: Chandilo na hindilizo, ne avyolonga Zumbe Mulungu mwe haha, ndiye ai habo, ndiye nezealawile, mwena nguvu zoshe.

Mfumbulo 1:8 ပူးပေါင်းရင်းမြစ်များ

2. Wakolinto 6:18

nimiγalukile tate, inywi nenywi muniγalukile wanangu wa kiγoshi na wa kivyele, ne avyolonga Zumbe mwena nguvu zoshe.

Mfumbulo 1:11

Uvyoona vigonde mwe kitabu, uchitume kwe yaja mabumba mfungate uko Efeso, Similina, Peligamo, Tiyatila, Salide, Filadelifiya, Lawodikiya!

Mfumbulo 1:17

Nikimwona nizakina he milundi yakwe, viya nitefa. Azanibadikila mkono wakwe wa kulume angwe.

Mfumbulo 1:4

Imi Yohana navigondela yaja mabumbangwa mfungate ye mwe shi za Asia: Mbazi imiikaile na mpeho yeanduka kwa yuja mwe haha! Ndiye ai haho kale hoshe, kangi ne ndiye nezealawile. Kangi ianduka kwa waja wantimizi mfungate weγolokela kiti chakwe,

Mfumbulo 11:17

Takulaviliza ntogolo, Zumbe Mulungu, wena nguvu zoshe, we haha, ndiwo ui haho, kuti uzaγuwa uzumbe kwa nguvu yako nkulu.

Mfumbulo 15:3

Waimba imbo ja Mose, ndiye ai mtuṅwa ywa Mulungu, na imbo ja yuja ṅwangoto angwe: Zumbe Mulungu, wena nguvu zoshe, miγoshwele yako ni mikulu, yamasha, sila zako ni za utanda na za kweli, iwe Zumbe ywa wamzimu.

Mfumbulo 16:14

Hambu kuna mpeho za mpepo zeγoshola vilozo, zehita kwa timila wazumbe wa ngulu ngima, wawaunganyanye, waomane nkondo, mushi uja mkulu wa Mulungu mwena nguvu zoshe ukizakinta.

Mfumbulo 16:7

Vikibinda nizaiva kanwa chelawa he okelo ja ṅombe za mviko angwe: Ni vivyo, Zumbe Mulungu wena nguvu zoshe, milahile yako ni ya kweli, yaagiza.

Mfumbulo 19:15

Mwe kanwa chakwe mzalawa shime yekola, kangwe atowe wamzimu nayo. Ṅwenye nezeawalishe na ngoda ya kilama, kangi ne mwetwa mwe iyo ntuli ya mvinyo wa maya na wa kileya cha Mulungu mwena nguvu zoshe.

Mfumbulo 19:6

Nizaiva, viya ni vuzo ja bumba kulu, kangi viya ni vuzo ja mazi mangi, kangi viya ni vuzo ja lubambala lwe nguvu, angwe: Haleluya! Hambu Zumbe Mulungu ywelu mwena nguvu zoshe azaγuwa uzumbe.

Mfumbulo 2:8

Mlau ywa bumbangwa ja Similina umgondele kuγamba: Ne avyolonga yuja ywa bosi na ywa shilikiza, afaye,

Mfumbulo 21:22

Vikilo siene mumo, hambu Zumbe Mulungu mwena nguvu zoshe ni vikilo jakwe haṅwe na yuja ṅwangoto.

Mfumbulo 21:6

Azaniti: Vizabontoka; imi ni A na O, ni kuγamba: Ni ywa andiila na ywa shilikiza. Mwena nkilu, imi nezenimtekele bule du mwe shoko ya mazi ya nkalamo.

Mfumbulo 22:13

Imi ni A na O, ni kuγamba: Ni ywa bosi na ywa shilikiza, ni chandiilo na bindilizo.

Mfumbulo 4:8

Izi nyama ne zina mawawa mtandatutandatu, ziigisize mesho cha se na cha ndai; nkazihema, zalonga kilo na mushi: Mṅazi, mṅazi, mṅazi ni Zumbe Mulungu mwena nguvu zoshe, ndiye ai haho, mwe haha, ndiye aize.