Mfumbulo 1:18 - Kishambala New Testament 2005

¹⁸ Usheogohe! Imi ni ywa bosi na ywa shilikiza na yuja mwe moyo; ne niifile, miya shivyo, ni moyo kale na kale,

Mfumbulo 1:18 ပူးပေါင်းရင်းမြစ်များ

Mateyo 11:23

Hata iwe Kapelinaumu, nkukweziγwe mpaka kwe lwingu?

Mateyo 16:19

Nezenikunke funguwo za uzumbe wa lwingu; ndivyo ushunge kunu shi, viishungiγwe mwe lwingu vivyoho; ndivyo ushungule kunu shi, viishungulwe mwe lwingu vivyoho.

Luka 24:5

wakishentuka, wazaoleza vyeni na shi; waja wazawati: Nini mkimlonda yuja mwe moyo kwa wafilewo?

Yohana 11:25

Yesu amuti: Imi ni ufufuki na nkalamo; mwenitozesha neakalame, hata akifa.

Yohana 14:19

Kukeshiγale hadodo, ne ndiho inu shi ishenione, miya inywi mwaniona, hambu imi ni moyo, kangi hata inywi mu moyo.

Waloma 6:9

Viya Kilisito afufulwevyo kwa wafilewo nkazafa, kifa nkachina ufuṅwa naye lushe.

2. Wakolinto 13:4

Kweli azakontelwa mwe muti, viya ni mnyonge, miya a moyo kwa nguvu ya Mulungu. Hata ishwi ti wanyonge naye, miya nemwone, kuti ti moyo haṅwe naye kwa nguvu ya Mulungu.

Wagalatiya 2:20

kangi ni moyo, miya si miyo ṅwenye, Kilisito ne mwe moyo mwe ṅwili wangu; ivyo nivyoaugila lushe kunu shi, niviangila na kumtozesha ṅwanangwa ywa Mulungu, ndiye akinikundisha, ndiye akikiinkila ṅwenye kwa mbuli ya bui.

Wakolose 3:3

Hambu mzafa, nkalamo yenyu ifishiγwe haṅwe na Kilisito kwa Mulungu.

Waebuleyo 1:3

Uyu atilangazishiza utana wakwe, kangi a vivyoho, sa ṅwenye alivyo, vituhu vyoshe avitoγesha na mbuli yakwe ye nguvu, akibinda kutihozeza mabano azahita kwa ikala kulume kwa ṅwenye nguvu uko ulanga.

Waebuleyo 12:2

timwolele Yesu, kuti ne mweandiila, kangi mwebontola viya, tivyotozesha! Uyu azaasha nyemi, aliγanyiziγweyo, azakunda kukoṅwa mwe muti, kangi nkaene shoni navyo, akibontola, azahita kwa ikala kulume kwe kiti cha Mulungu.

Waebuleyo 7:16

hambu uyu nkalawile kwa mulomo weanduka kwa miaγilizo wa kiinushi, miya alawile kwa nguvu ya nkalamo ishiyobanika.

Waebuleyo 7:25

Ne vyeleka, akidaha kuhonya kale na kale waja wemwizila Mulungu kwa mbuli ya uyu, hambu a moyo kale na kale, kangwe adahewalongela.

Mfumbulo 10:6

azakilisha na yuja mwekalama kale na kale, aumbileye lwingu na viya vye mumo na shi na viya vye mumo na bahali na viya vye mumo, azaγamba:

Mfumbulo 15:7

Ziya nyama ne ṅwiyae ywawe muṅwe azawainka waja walau mfungate ntungo mfungate za zahabu zimemilezo maya ya Mulungu mwekalama kale na kale.

Mfumbulo 2:8

Mlau ywa bumbangwa ja Similina umgondele kuγamba: Ne avyolonga yuja ywa bosi na ywa shilikiza, afaye,

Mfumbulo 20:13

Hata bahali izalavya waja wafilewo mumo, hata kifa na kuzimu kuzalavya wafilewo we muja, wazalahwa, kila sa miγoshwele yakwe ilivyo.

Mfumbulo 20:14

Kifa na kuzimu wazatambikwa na muja mwe jiya ziwa ja moto, ichi ne kifa cha mbili, jiya ziwa ja moto.

Mfumbulo 3:7

Mlau ywa bumbangwa ja Filadelifiya umgondele kuγamba: Ne avyolonga yuja mṅazi, yuja mkweli mweloza funguwo ya Dawidi, mwezuγula, kangi nkakuna ndiye azuγale, mwezuγala, kangi nkakuna ndiye azuγule:

Mfumbulo 4:9

Kangi izi nyama ziyamgimbika na kumshimila na kumtogola yuja mweikaila kitingwa, mwe moyo kale na kale.

Mfumbulo 5:14

Ziya nyama ne zizaitikila: Amini, ne waja waγolokezi wahogwa na kumvika yuja mwekalama kale na kale.

Mfumbulo 6:8

Nikiolela nizaona falashi ye zeluzelu, yuja aipandileye zina jakwe ndiye kifa, kuzimu kumtongela, wazainkwa ufuṅwa wa fungu ja ne ja shi, wakome na shime ao na sala ao na kifa ao na makaka ya shi.

Mfumbulo 9:1

Mlau ywa shano azatowa gunda, ne nihoona ntondwe ilawileyo mwe lwingu, iikinile na shi, izainkwa funguwo ya kishima cha kuzimu.