Mfumbulo 1:1 - Kishambala New Testament 2005

¹ Shivi vya Yesu Kilisito, Mulungu amfumbwilevyo, awaonyeshe watuṅwa wakwe vyeunga kuγosholeka nguzu! Azatuma mlau ywakwe, ne avyovimumanyishiza mutuṅwa ywakwe Yohana.

Mfumbulo 1:1 ပူးပေါင်းရင်းမြစ်များ

Yohana 12:49

Hambu imi silongile vyangu ṅwenye, miya Tate anitumileye ne anilaγilizeye, ndivyo nibilikile, ndivyo nilonge.

Yohana 15:15

Senikemiitanga wapuna, hambu mupuna nkataila, baba yakwe avyoγoshola; miya inywi nizamiitanga wambuyangu, hambu vyoshe, niivilevyo kwa Tate, nizavimiγambila.

Yohana 17:8

Hambu ziya mbuli, uninkilezo, nizaziwainka, wazazihokela, wazataila kweli, kuti nilawile kwako, wazatozesha, kuti iwe uzanituma.

Yohana 3:32

Aenevyo na aivilevyo, avilongela uwona, kangi uwona wakwe nkakuna mweuhokela.

Yohana 8:26

Mbuli zenyu nyingi nina nazo za kulonga na za kulaha, miya yuja anitumileye ni mkweli; nami viya, niivilevyo kwakwe, navilonga kunu shi.

Waloma 16:25

Mulungu ne mwedaha kumishikiza kwa nguvu ya ubilikizi wedi wa Yesu Kilisito, niwobilikila, kwa kuti nizafumbwilwa viya vishivyolongwa kale hoshe,

Wagalatiya 1:12

kangi siuhokele kwa muntu, siuhinyiγwe ni muntu, miya niufumbwilwe ni Yesu Kilisito.

Waefeso 3:3

kuti imi nizafumbwilwa kutaila viya vishivyotailikana kale hoshe, sa nigondilevyo hadodo aho ṅwande.

Tito 1:1

Imi Paulo ni mtuṅwa ywa Mulungu, kangi ni ntuṅwa ya Yesu Kilisito, sa waja washaγulwewo ni Mulungu wavyotozesha kwa viya, wavyotaila vye kweli;

Mfumbulo 1:19

niitozize funguwo za kifa na za kuzimu.

Mfumbulo 1:9

Imi Yohana ni mnduγu ywenyu, kangi ni haṅwe na inywi kwa mbuli ya ukiwa, kangi kwa mbuli ya uzumbe, kwa mbuli ya uzizimizi weoneka kwa Yesu; ne nikiikala mwe kisiwa cheitangwa Patimo, kwa viya nibilikilevyo mbulingwa ya Mulungu na uwona wa Yesu.

Mfumbulo 17:1

Waja walau mfungate watozizewo ziya ntungo mfungate ṅwiyae ywawe muṅwe azaiza, azanilonga angwe: So, nikuonyeshe mlaho wa yuja mvyele mweγenyeza kilanga, mweikala ulanga mwe mazi mangi.

Mfumbulo 19:10

Nizamkinila he milundi yakwe, kangwe nimvike, miya azaniti: Leka ivyoho! Iwe na wanduγu wako watozeshewo uwona wa Yesu imi ni mupuna ṅwenyu. Mvike Mulungu! Hambu uwona wa Yesu ni mpehongwa ya uteγanyi.

Mfumbulo 19:9

Ne nihoγangwa: Gonda kuγamba: We nyemi ni waja waitangilwewo nkande za nteγuzi ya ṅwangolo! Vituhu naγangwa: Izi ni mbuli za Mulungu kweli!

Mfumbulo 21:2

Nizaona uja muzingwa mṅazi, uja wa Yelusalemu muhya, ukilawila mwe lwingu kwa Mulungu, ukisheela na shi, uihambiγwe, sa kilumbu chivyomhambilwa mγoshi ywakwe.

Mfumbulo 21:9

Waja walau watozizewo ziya ntungo mfungate zimemilezo ija milaho mfungate ya shilikiza, ṅwiyae ywawe muṅwe azaniγolokela, azanilonga angwe: So, nikuonyeshe mvyelengwa, kilumbu cha yuja ṅwangoto!

Mfumbulo 22:1

Azanionyesha muto mkulu wa mazi ya nkalamo yeengemala sa kazanga; ulawa he kitingwa cha Mulungu na yuja ṅwangoto.

Mfumbulo 22:16

Imi Yesu nizamtuma mlau ywangu, avimilongele uwona, muviukwile mabumbangwa. Imi ni nkolo ya mbeleko ya Dawidi, imi ni ntondwe ya mbalakele.

Mfumbulo 22:6

Azaniti: Izi mbuli zaagiza kutozeshiγwa; ni za kweli; Zumbe, Mulungu ywa mpeho za wateγanyi, azamtuma mlau ywakwe, aonyeshe wapuna wakwe vyeunga kuγosholeka kinyanyi.

Mfumbulo 22:8

Kangi imi Yohana ni miyo niivilewo, ni miyo nienewo. Nikiviiva, nikiviona nizakina funi haja shi he milundi ya yuja mlau avinionyesheye.

Mfumbulo 22:9

Miya azaniti: Leka ivyoho! Hambu iwe na wanduγu wako, wabilikizi na waja wetozesha mbuli za ichi kitabu, imi ni mupuna ṅwenyu. Mvike Mulungu!

Mfumbulo 4:1

Vikibinda nizaolela, nizaona luvi, luizuγuke mwe lwingu; kangi nizaiva kanwa cha bosi, niivilecho, viya ni cha gunda, chelonga na imi angwe: Kwela na aha, nikuonyeshe vyeunga kuγosholeka uko nyuma!

Mfumbulo 5:7

Azaiza, azahokela icho kitabu mwe mkono wa kulume wa yuja aikaileye kitingwa.