Mateyo 8:16 - Kishambala New Testament 2005

¹⁶ Lwa ṅwiyaγulo wazamletela wangi wehuma mpepo; azaingata ziya mpepo na kulonga du, hata woshe watuhu wehuma azawahonya,

Mateyo 8:16 ပူးပေါင်းရင်းမြစ်များ

Mateyo 12:22

Haja azaletelwa muntu ashiyeona, ashiyelonga kwa mbuli ya kuhuma mpepo. Azamhonya, ne yuja, ndiye ashilonga, aholonga, kangi ne ahoona.

Mateyo 14:14

mwe mizi yawe. Yesu akilawila azaona, kuti wantu ni wangi, azabulwa ni utungu nawo, azahonya wanyonge wawe.

Mateyo 8:15

Azamtoza mkono, ne mbu zihomleka; azainuka azamγoshwela ndima.

Mateyo 8:33

Walishi wazanyilika, wazahita na kaya, wazabilikila vyoshe, hata mbuli za waja wahumilewo mpepo.

Mateyo 9:2

Ne wahomletela mtamu ywa pengene, ailele mwe lusazi. Yesu akiona mitozesheze yawe azamlonga yuja mtamu: Nwanangu, toγwa ni moyo! Uhuza wako uzauushiliziγwa.

Maliko 2:3

Kuzaiza wantu weleta mtamu ywa pengene, aiinulwe ni wantu wane.

Maliko 5:8

Hambu ailongile kuti: Iwe mpepo we usaba, lawa mwe uyu muntu!

Maliko 9:25

Miya Yesu akiona, kuti wantu wangi waγuluka na haja, azaivaila ija mpepo ye usaba angwe: Iwe mpepo ushilongawo, kangi ushiivawo, nakulaγiliza, ulawe mwe ṅwili wakwe, ushezauingila vingi!

Luka 13:12

Yesu akimwona azamlonga angwe: Mlala, uzabinda kuukilwa ni utamu wako;

Luka 4:40

Zuwa jikibinda kuingila, woshe wena wanyonge, hata wehuma utamu ani, wazawamwiγaila; wosheni azawabadikila mikono muṅwe muṅwe, ne awahonyizevyo.

Luka 4:41

Wangi mpepo zawe zizalawa zikikema angwe: Iwe u ṅwana Mulungu; miya azazivaila, nkazikundize, zikilonga, kuti ziimtaile kuti: Ṅdiye Kilisito.

Ntuṅwa 5:15

Hata watamu wawe wazawalavya na se, wazawaika mwe sazi na mwe nkingo, kangwe Petelo akizinka, kizuli chakwe du chiwabwile kuṅwe.