Mateyo 5:30 - Kishambala New Testament 2005

³⁰ Ati mkono wako wa kulume wakunda kukuhosa, uushenge, uuashe! Hambu ni vitana, dango iṅwe ja ṅwili wako jikibanika, kushima ṅwili wako mgima ukishindikwa na kuzimu.

Mateyo 5:30 ပူးပေါင်းရင်းမြစ်များ

Mateyo 11:6

Awa wakibinda kuhita, Yesu azaandiila kuwalonga wantu mbuli ya Yohana kuγamba: Kumbe aho mkizahita mwe nyika muhitile kwa olelai? Ni lasi jevuviγwa ni mpeho?

Mateyo 13:21

miya nkawana sindo mwe myoyo yawe, watozesha mishi miγeke, miya wakiona ukiwa ao nkondo kwa iyo mbuli wafikaihilwa.

Mateyo 16:23

Yuja azahituka, azamlonga Petelo: Uka kwangu, Satani! Waniihila, hambu nkutongonyeza viya vya Mulungu, utongonyeza viya vya wantu.

Mateyo 17:27

Miya kangwe tishewaihize, hita ukagele kilowa mwe bahali! Kapala, ndijo uandiile kukweza, jiγuwe, uashamye kanwa chakwe! Neuone shilingi mumo, iγuwe uiinkile, tikikombole nayo imi na iwe!

Mateyo 18:8

Ati mkono wako ao mulundi wako wakuihiza, uushenge, uuashe! Ni vitana, ukiingila he nkalamo, wina mkono ao mulundi muṅwe du, kuzinka aho, ukishindikwa na mwe moto ushizimawo kale na kale, wina mikono ao milundi yako mili. Ati zisho jako jakuihiza, jifokole, ujiashe!

Mateyo 22:13

Zumbe azalaγiliza waluγojo wakwe, mumshunge milundi na mikono, mumshindike na mwe lwiza ludala, ne kwena kulila na kukemeza meno.

Mateyo 25:20

Yuja ainkiγweye miziγo mishano ya feza azamletela miziγo mituhu mishano ya feza angwe: Zumbe, uzaninka miziγo mishano ya feza, shinu miziγo mituhu mishano, nimotileyo!

Mateyo 26:31

Haja Yesu azawati: Inywi nyoshe nemwihilwe ni miyo ichi kilo cha lelo, hambu kuigondiγwe: Nezenitowe mulishi, ngoto za chuma chakwe ziasakanyiγwe.

Mateyo 5:22

Miya imi namiti: Kila mwena maya na mnduγu ywakwe atazakola masa; ndiye amweze mnduγu ywakwe, atazakola masa bomani, ndiye amkanke, atazakola masa ya kushindikwa mwe moto wa kuzimu.

Mateyo 5:29

Ati zisho jako ja kulume jakunda kukuhosa, ujifokole, ujiashe! Hambu ni vitana, dango iṅwe ja ṅwili wako jikibanika, kushima ṅwili wako mgima ukishindikwa na kuzimu.

Maliko 9:43

Ali mkono wako wakuihiza, uushenge! Ni vitana, ukiingila he nkalamo wina mkono muṅwe du, kuzinka aho, ukionya kuzimu na mikono mili, ukigelwa mwe uja moto ushizimawo.

Luka 12:5

Miya nitamionyesha, ndiye mumwogohe. Mwogohei yuja mwekoma, kangi akibinda ana ufuṅwa wa kushindika na kuzimu!

Luka 17:2

Ati agelwa mwe shingo nolo gima akitambikwa mwe bahali, vyamwagiza kuzinka viya vyeanduka aho, akiihiza awa wadodo ṅwiyae ywawe muṅwe du.

Waloma 9:33

sa vivyogondwa kuγamba: Olela, naika kuja Siyoni iwe, ndimo wantu wakikwile, na kungu, ndijo wantu waihilwe ndijo, miya ndiye ajitozeshe, nkezeabunkuke.

1. Wakolinto 8:13

Kwa ivyoho, ati nkande yamwihila mnduγu ywangu, sezenije nyama kale na kale, nishezamwihila mnduγu ywangu.

Wagalatiya 5:11

Miya imi, wanduγu, ati nikebilikila kushengwa, anga niifiziγwai?

1. Petelo 2:8

wazengo wabentilejo, ni jijo jewaγalukila shikamilo ja heta na iwe ja kukikwila na kungu ja kuihilwa; wakikwila mumo, kwa kuti nkawaitika mbuiingwa, kangi ne waikilwevyo.