Mateyo 5:12 - Kishambala New Testament 2005

¹² Tamilwai na kutowa mazumo! Hambu upokezi wenyu mwe lwingu ni ungi; hambu vivyoho wazaγulusha hata waja wateγanyi wamilongwelewo.

Mateyo 5:12 ပူးပေါင်းရင်းမြစ်များ

Mateyo 16:27

Hambu muntu alavye makombo ani, ndiyo akikombole nayo? Hambu ṅwanangwa ywa muntu atazalawila na utana wa ishe haṅwe na walau wakwe, ne ndiho amwuzize kila muntu kwa miγoshwele yakwe.

Mateyo 6:16

Mkifunga msheifye vyeni, sa waja wehemba wavyoγoshola! Hambu waja wafisha vyeni vyawe, kangwe waoniγwe ni wantu kuti: Wafunga. Kweli namiti: Wazabinda kuγuwa upokezi wawe.

Luka 13:34

Yelusalemu! Yelusalemu! Wakoma wateγanyingwa, watumiγwewo na kwako, wawahomela mawe! Ni kangahi, nikikunda kuunganyanya wanawo, sa viyaho nguku ivyounganyanya visiyo mwe mawawa yakwe, miya inywi mzalemela!

Luka 6:23

Tamilwai uja mushi na kuvinavina! Hambu upokezi wenyu mwe lwingu ni ungi Hambu ni viya, waishe zenyu waγoshwelevyo wateγanyingwa.

Luka 6:35

Miya kundishai wankulu wenyu! Γosholai vitana, kangi kundai kukopiγwa ni waja, mushiwoalila kuti: Watazamiuziza! Ne ndivyo upokezi wenyu uγenele, ne ndivyo mγaluke wana wa yuja mwe uko ulanga, hambu ṅwenye ana mbazi na wabada washiwomtogola.

Ntuṅwa 16:25

Kilo kikulu Paulo na Sila wazamvika Mulungu na kumwimbila, washungiγwewo wazateγeleza.

Ntuṅwa 5:41

Waja wakilawa mwe kitala wazahita na nyemi, kwa kuti wazakundiziγwa kuγoshwelwa vibada kwa mbuli ya zinangwa.

Waloma 5:3

Kangi tishefe kulogola aha du, netitogole, hata tikiona ukiwa!

1. Wakolinto 3:8

Mtakuhanda na mtakunywesha wa haṅwe, miya kila muṅwe atazainkwa upokezi wakwe wemtala kwa iyo ndima, aγosholeyo.

2. Wakolinto 4:17

hambu ukiwa welu wa ivi lushe wefikazinka waisiiza kutiγenyezeza utana ungi muno wekalama,

Wafilipi 1:29

Mwakundiziγwa, so kumtozesha Kilisito du, miya hata kulumiziγwa kwa mbuli yakwe, mkiomanyiγwa iyo nkondo, mweneyo,

Wafilipi 2:17

Hata vikinitala kukoṅwa, viya ni ṅombe ya mviko, nikimitumikila, kangwe kutozesha kwenyu kuisiize, niyatamilwa, kangi niyatamilwa na inywi nyoshe.

Wakolose 1:24

Lushe naona nyemi na viya, nivyolumiziγwa kwa mbuli ya inywi, kangi viya vya ukiwa, Kilisito ashiγazevyo, na ṅwili wangu nivibontolezeza ṅwili wakwe, ni kuγamba bumbangwa, hambu ne nijotumikila kwa uja ufuṅwa,

Wakolose 3:24

Tailai kuti: Mtazaviuziziγwa ni Zumbe, mkizahokela kwakwe kifungwa. Mtumikilei Zumbe Kilisito!

1. Watesalonike 2:15

awa ne wamkomilewo Zumbe Yesu na wateγanyingwa, ne wetishukiza hata ishwi, nkawamtaila Mulungu, waifyana na wantu woshe,

Waebuleyo 10:34

Waja washungiγwewo mzalumila haṅwe nawo, kangi mkihokwa viya muvyona navyo, mzavizizimiza na kutamilwa, hambu mzataila, muna kitende chelama kuzinka chiya, chishichobanika.

Waebuleyo 11:26

azafanyanya kuti: Kubelwa kwa mbuli ya Kilisito ni uzuli wekula kuzinka mali zoshe za Kiegiputa, hambu azaolela upokezi wa bindilizo.

Waebuleyo 11:33

wazadaha wazumbe na kutozesha kwawe, wazaγoshola utanda, wazabwila misuhi, wazabonda vyanwa vya mashimba,

Waebuleyo 11:6

Miya nkavidahikana kumtamila Mulungu na kushetozesha; hambu mwemwizila Mulungu, shuti atozeshe kuti: A haho, kuti: Waja wemlonda awainka upokezi wawe.

Yakobo 1:2

Wanduγu, longai kuti: Ni nyemi du, mkiγezwa ni mbuli nyingi na nyingi!

Yakobo 5:10

Wateγanyingwa, ndiwo wakibilikila mwe zina ja Zumbe, waolelei, walumilevyo na kuzizimiza! Hinilai mumo! Ishwi tatogola waja wavotilewo.

1. Petelo 4:13

Miya kwa viya, muvyopangilwa milumilwe ya Kilisito, tamilwai, kangwe nezemtamilwe na kulinga, utana wakwe uhozalawila.