Mateyo 26:18 - Kishambala New Testament 2005

¹⁸ Angwe: Hitai na muja kaya kwa ngatiyani, mumγambe: Kangwe ni mfuzi: Mishi yangu i hehi, nakunda, nijiile mwako ngoto ya Pasa haṅwe na wahina wangu.

Mateyo 26:18 ပူးပေါင်းရင်းမြစ်များ

Mateyo 21:3

Ati muntu amiuza, mtamuti: Zumbe aagiziγwa ndizo.

Mateyo 23:10

Kangi msheitangwe vilongolezi! Hambu kilongolezi chenyu ni muṅwe, ni Kilisito.

Mateyo 23:8

Miya inywi msheitangwe wafuzi! Hambu mfuzi ywenyu ni muṅwe, inywi nyoshe mu wanduγu.

Mateyo 26:19

Waja wahina wazaγoshola, sa Yesu awalaγilizevyo, wazaliγanya ngoto ya Pasa.

Mateyo 26:2

Mwataila kuti: Mishi mili ikizinka, ni Pasa; ne ndiho ṅwanangwa ywa muntu ainkilwe kwa koṅwa na kuambiγwa mwe muti.

Mateyo 26:49

Azafikamtimila Yesu angwe: Mkulu, mpeho na iwe!, akibinda azamfyosa milomo.

Maliko 5:35

Akelonga naye, kuzaiza wantu wa yuja mfuṅwa ywa vikilo, wazamuti: Ṅwanawo azafa; lushe nini ukimwonya mfuzi lulali?

Luka 22:53

Mishi yoshe nizaikala kwenyu vikiloi, miya nkamkusule mikono, mkinigwila; miya ivi lushe aha ne saa yenyu, ne lwiza luhotoza uzumbe.

Yohana 11:28

Akibinda kulonga ivyoho azahita, azamwitanga nduγuye Maliya, azamlonga he njama, azamuti:

Yohana 12:23

Yesu azawalandula angwe: Haibuzile, ṅwanangwa ywa muntu agimbikwe.

Yohana 13:1

Mviko wa Pasa ushizati ukinte, Yesu aitaile, kuti hakwe hazabula, alawe mwe inu shi, ahite kwa ishe; lushe waja wakwe we mwe inu shi, awakundishevyo, azawakundisha vivyoho shuti bindilizo.

Yohana 17:1

Yesu akibinda kulonga ziya mbuli azaoleza mesho yakwe na kwe lwingu, azalonga: Tate, haja hantu hazabula; mgimbike ṅwanawo, kangwe ṅwanawo yohe akugimbike!

Yohana 20:16

Yesu amuti: Maliya! Yuja azahituka, amlonga Kiebuleyo angwe: Labuni!, ni kuγamba: Mfuzi.

Yohana 7:30

Wazalonda ndivyo wamgwile, miya nkakuna amtozizeye na mkono, kwa kuti haja hakwe nkahazati habule.

Yohana 7:6

Yesu azawati: Mishi yangu nkainati, miya mishi yenyu i haho mishi yoshe.

Yohana 7:8

Imi seninekwela kwe unu mviko, hambu mishi yangu nkainati itimize.