Mateyo 24:5 - Kishambala New Testament 2005

⁵ Hambu wantu wangi watazalawila mwe zina jangu wakiγamba: Imi ni Kilisito, wataazaγanya wangi ivyoho.

Mateyo 24:5 ပူးပေါင်းရင်းမြစ်များ

Mateyo 24:11

Wateγanyi wangi wa ulongo watainuka, wataazaγanya wangi.

Mateyo 24:24

Hambu Wakilisito wa ulongo na wateγanyi wa ulongo watazainuka, watazaγoshola vilozo na vimaka vikulu, waazaγanye, ati vyadahikana, hata waja washaγulwewo.

Yohana 5:43

Imi niizile mwe zina ja Tate, miya nkamunihokela; ati mtuhu azaiza mwe zina jakwe ṅwenye, yuja nemumhokeie.

Yohana 8:24

Kwa ivyoho nizamiti: Nemufe na uhuza wenyu! Hambu mkishetozesha, kuti ni miyo, nemufe na uhuza wenyu. Wazamuti: Iwe u ndai?

Yohana 8:28

Yesu azawati: Aho ndiho nezemumkweze ṅwanangwa ywa muntu, ne ndiho mtaile, kuti ni miyo; imi ṅwenye sina nivyoγoshola, Tate anihinyizevyo, navilonga.

1. Yohana 2:18

Wanangu, inu mishi ya bindilizo; sa mwivilevyo kuti: Mwemwomanya Kilisito aiza, ivi lushe wazaγenela wemwomanya Kilisito, ne tihotaila kuti: Inu ni mishi ya bindilizo.

1. Yohana 2:22

Mumambeza lushe ni ndai, ati siyeyuja mwekela nkani kuti: Yesu siye Kilisito? Uyu ne mwemwomanya Kilisito, hambu amkeleza Tate na Ṅwanae nkani.

1. Yohana 4:3

miya mpeho zoshe zishizolaviliza kuti: Yesu Kilisito aizile na ṅwili wa kimuntu, nkazianduka kwa Mulungu, kangi inu ni mpeho yuja mtakumwomanya Kilisito, mwivileyo, kuti yaiza, kangi ivi lushe i mumu mwe inu shi.

Mfumbulo 13:8

Ndiwo waivike, ni woshe weikala mwe inu shi washigondiγwewo aho, shi ikiumbiγwa, mazina yawe mwe kitabu cha nkalamo cha yuja ṅwangoto akomiγweye.