Mateyo 11:1 - Kishambala New Testament 2005

¹ Yesu akibinda kulaγiliza waja wahina wakwe kumi na waili ivyoho, azahauka, akafuze na kubilikila mwe mizi yawe.

Mateyo 11:1 ပူးပေါင်းရင်းမြစ်များ

Mateyo 28:20

mkiwafuza kutozesha vyoshe, nimilaγilizevyo! Kaungi imi ni haṅwe na inywi mishi yoshe, mpaka inu shi ndiho ibindilizike.

Mateyo 4:23

Azaanga mwe shi ngima ya Galileya akifuza mwe vikilo na kubilikila ulau wedi wa uzumbengwa na kuhonya mahisho na manyonge yoshe yena wantu.

Mateyo 7:28

Yesu akibinda izi mbuli, wantu wazashentuka mifuzize yakwe.

Mateyo 9:35

Yesu azaanga mwe mizi yoshe, hata mwe mizi ye tanga akifuza mwe mavikilo yawe na kubilikila ulau wedi wa uzumbengwa, vikibinda azahonya mahisho na manyonge yoshe.

Maliko 6:12

Wazalawa, wazabilikila, wantu wahitule ntongonyezi zawe,

Luka 23:5

Miya waja wazalongesha angwe: Atunya wantu akifuza mwe shi ngima ya Wayuda; aandiile Galileya, mpaka akiiza na kunu.

Luka 8:1

Vikibinda azaanga ṅwenye mwe mizi, hata mwe mizi tanga yoshe akihilikila uja ubilikizi wedi wa uzumbe wa Mulungu;

Yohana 15:10

Ati mwaγolokela milaγilizo yangu, mtaikala na kunikundisha, sa imi niγolokelevyo milaγilizo ya Tate, nikiikala na kumkundisha.

Yohana 15:14

Inywi mu wambuyangu mkiγoshola, nivyomilaγiliza.

Ntuṅwa 1:2

mpaka uja mushi, ahoinulwa na mwe lwingu; ne abindileho kulaγiliza ziya ntuṅwa, ashaγulezo, viya vya mpeho ṅazi.

Ntuṅwa 10:38

ni ija ya Yesu ywa Nazaleti; uyu Mulungu azamwambwila mpeho ṅazi na nguvu, azaanga na kufila wantu mbazi, azahonya woshe wavotiγwewo ni yuja ṅwenye leba, hambu Mulungu azaanga naye.

Ntuṅwa 10:42

Azatilaγiliza ishwi, tibilikile wantu na kuwalongela uwona, kuti uyu ne aikiγweye ni Mulungu, kangwe nezealahe we moyo na wafilewo.

1. Watesalonike 4:2

Hambu mwataila milaγilizo, timinkileyo mwe zina ja Zumbe Yesu.

2. Watesalonike 3:10

Hambu haja tike kwenyu taamiγambila inu mbuli kuti: Ati muntu ashekunda kuγoshola ndima, hata nkande asheinkwe!

2. Watesalonike 3:6

Tamilaγiliza, wanduγu, mwe zina ja Zumbe Yesu Kilisito, msheangilane na mnduγu mweanga kihuza, ashiyeauga na mbuli mufuziγwezo kwetu.

1. Timoteyo 6:14

utozeshe mulomongwa kishidanko, kishimasa, mpaka Zumbe ywetu Yesu Kilisito ndiho nezealawile;