Mateyo 10:2 - Kishambala New Testament 2005

² Mazina ya izi ntuṅwa kumi na mbili shaya: Ywa bosi ni Simoni mweitangwa Petelo na nduγuye Andeleya, Yakobo, ṅwana Zebedeyo, na nduγuye Yohana.

Mateyo 10:2 ပူးပေါင်းရင်းမြစ်များ

Mateyo 17:1

Mishi mtandatu ikizinka, Yesu azamγuwa Petelo na Yakobo na nduγuye Yohana, azawakweza mwe ntuli nde, wai wenye du.

Mateyo 20:20

Haja nine ja wana Zebedeyo azamwizila haṅwe na wanae, azamkinila na kumhembeleza mbuli.

Mateyo 26:37

Azamγuwa Petelo na waja wana waili wa Zebedeyo, azaandiila kubulilwa ni lusoyoyo na kuukwa ni vizingizo.

Mateyo 4:18

Akianga nkandankanda he bahali ya Galileya azaona wanduγu waili, Simoni mweitangwa Petelo na nduγuye Andeleya, wagela lwavu mwe bahali, hambu ni walowi.

Mateyo 4:21

Akihita na mazu hadodo azaona wanduγu waili watuhu, Yakobo, ṅwana Zebedeyo, na nduγuye Yohana, wa mwe chombo haṅwe na ishe ywawe Zebedeyo, wachunta nyavu zawe. Ne ahowaitanga.

Maliko 1:29

Aho wakilawa vikiloi, wazahita mwe nyumba ya Simoni na Andeleya, haṅwe na Yakobo na Yohana.

Maliko 13:3

Akiikala mwe mulima wa miziyaγembe sheja ja vikilongwa, Petelo na Yakobo na Yohana na Andeleya wazamwuza he njama angwe:

Maliko 6:30

Ziya ntuṅwa zizaunganana vituhu kwa Yesu, wazamwukwila vyoshe, waγosholevyo na wabilikilevyo.

Luka 11:49

Kwa ivyoho viyuγo vya Mulungu vyalonga: Neniwatumile wateγanyi na ntuṅwa, watawakoma kuṅwe na kuwaγulusha,

Luka 22:14

Ha jiila hakibula, azaikala haṅwe na ziya ntuṅwa kumi na mbili.

Luka 22:8

Azamtuma Petelo na Yohana angwe: Hitai, mtiliγanyize ngolo ya Pasa, tiije!

Luka 5:10

wakina Yakobo na Yohana, wana Zebedeyo, ne weyae wa Simoni. Miya Yesu azamγamba Simoni: Usheogohe! Hambu kuandiila ivi Iushe neugwile wantu!

Luka 9:10

Ziya ntuṅwa zikiuya wazamshimwela vyoshe, waγosholevyo. Azawaγuwa, azahita nawo, wai wenye du he muzi weitangwa Betisayida.

Yohana 12:22

Filipo azahita, azavimγambila Andeleya. Andeleya na Filipo wazavimγambila Yesu.

Yohana 13:23

Wahina wakwe ṅwiyae ywawe muṅwe aiikale hehi na Yesu, kangi Yesu azamkundisha.

Yohana 20:2

Ne ahofikahita na kuγuluka kwa Simoni Petelo na kwa yuja mhina, Yesu amkundisheye, awati: Wazamwinula Zumbe mwe ija mbila, nkatitaila, wamwikileho.

Yohana 21:2

Simoni Petelo na Toma mweitangwa Mpasha na Natanayeli ywa Kana ya Galileya na wana Zebedeyo na wahina wakwe watuhu waili ne wai haṅwe.

Yohana 21:20

Petelo azahituka, azamwona yuja mhina, Yesu amkundisheye, kuti amtongela; ni yuja ndiye akiikala hehi na Yesu wakija nkande za ṅwiyaγulo, akimwuza: Zumbe, ni ndai mwekuinkila?

Yohana 21:24

Uyu ni yuja mhina mwelongela izi mbuli uwona, ne azigondileye, kangi tataila, kuti uwona wakwe ni wa kweli.

Yohana 6:67

Ne Yesu ahowati waja kumi na waili: Kumbe hata inywi mwakunda kuhita?

Yohana 6:70

Yesu azawahitula angwe: Imi simishaγule kumi na waili? Kangi ṅwenyu muṅwe ni ṅwenye leba.

Yohana 6:71

Miya azamlonga Yuda, ṅwana Simoni, yuja Isikaliyota. Hambu yuja ne amwinkileye uko nyuma, waja kumi na waili ni ṅwiyae ywawe.

Yohana 6:8

Mhina ywakwe muṅwe, ni Andeleya, nduγuye ja Simoni Petelo, amuti:

Ntuṅwa 1:13

Wakibula kaya wazakwela mwe tala ja ija nyumba, wamoikala, ni Petelo na Yohana na Yakobo na Andeleya na Filipo na Toma na Balitolomeyo na Mateyo na Yakobo, ṅwana Alifeyo, na Simoni Zelote na Yuda, ṅwana Yakobo.

Ntuṅwa 1:26

Wazawatowela lusolo; lusolo luzagwa na kwa Matiya, ne ahogimbikwa haṅwe na ziya ntuṅwa kumi na muṅwe.

Ntuṅwa 12:2

Yakobo, mkuluwe ja Yohana, azamkoma na shime.

Ntuṅwa 3:1

Petelo na Yohana wazakwela haṅwe mwe vikilongwa saa kenda, wantu wahokavikila.

1. Wakolinto 15:7

Vikibinda azamlawila Yakobo, vikibinda ntuṅwa zoshe.

Waefeso 4:11

Ṅwenye azagimbika kuṅwe ntuṅwa, kuṅwe wateγanyi, kuṅwe wabilikizi,

Waebuleyo 3:1

Kwa ivyoho, wanduγu waṅazi, mweitangwa haṅwe na imi na mwitango wa kilwingu, mtongonyezei Yesu, kuti ni ntuṅwa na mvikizi mkulu, tiyemtogola!

1. Petelo 1:1

Imi Petelo, ntuṅwa ya Yesu Kilisito, namigondela baluwa inywi mshaγulwewo, mweikala ike uko Ponto na Galatiya na Kapadokiya na Asiya na Bitiniya.

2. Petelo 1:1

Imi Simoni Petelo, mtuṅwa na ntuṅwaya Yesu Kilisito, namigondela baluwa inywi mwetozesha haṅwe na ishwi viya vikulu, tivyoinkwa kwa mbuli ya utanda wa Mulungu ywetu na mhonya Yesu Kilisito:

2. Yohana 1:1

Imi mγolokezi namgondela baluwa mke zumbe ashaγulweye na wanae, niwokundisha kweli; kangi si miyo ike, hata woshe wetaila mbuli ya kweli.

3. Yohana 1:1

Imi mγolokezi namgondela mbuyangu Gayo baluwa, niyemkundisha kweli.

Mfumbulo 1:1

Shivi vya Yesu Kilisito, Mulungu amfumbwilevyo, awaonyeshe watuṅwa wakwe vyeunga kuγosholeka nguzu! Azatuma mlau ywakwe, ne avyovimumanyishiza mutuṅwa ywakwe Yohana.

Mfumbulo 1:9

Imi Yohana ni mnduγu ywenyu, kangi ni haṅwe na inywi kwa mbuli ya ukiwa, kangi kwa mbuli ya uzumbe, kwa mbuli ya uzizimizi weoneka kwa Yesu; ne nikiikala mwe kisiwa cheitangwa Patimo, kwa viya nibilikilevyo mbulingwa ya Mulungu na uwona wa Yesu.

Mfumbulo 18:20

Tamilwa kwa mbuli yakwe, iwe lwingu na inywi waṅazi na ntuṅwa na wabilikizi, kuti Mulungu azalahiziza masa yenyu!

Mfumbulo 22:8

Kangi imi Yohana ni miyo niivilewo, ni miyo nienewo. Nikiviiva, nikiviona nizakina funi haja shi he milundi ya yuja mlau avinionyesheye.