Maliko 8:34 - Kishambala New Testament 2005

³⁴ Azaitanga bumba kulu haṅwe na wahina wakwe, azawati: Ati muntu akunda kunitongela, shuti anekilemeza ṅwenye, ainule muti wakwe wa kukomelwa, ne ndivyo adahe kunitongela.

Maliko 8:34 ပူးပေါင်းရင်းမြစ်များ

Mateyo 10:38

Ndiye asheinule muti wakwe wa kukomelwa na kunitongela, nkanitala.

Mateyo 16:24

Ne Yesu aholonga wahina wakwe angwe: Ati muntu akunda kunitongela, shuti akilemeze ṅwenye, ainule muti wakwe wa kukomelwa, ne ndivyo adahe kunitongela.

Mateyo 27:32

Wakilawa kaya wazaona muntu ywa Kilene mweitangwa Simoni, uyu wazamkundila, amwinulile muli wakwe.

Maliko 10:21

Yesu azamwolela, azamkundisha, azamuti: Uishiγaze mbuli ṅwenga; hita, ukataγe vyoshe, uvyona navyo, uviinkile kwa wakiwa! Ne ndivyo utende mali mwe lwingu! Ukibinda uize, unitongele!

Maliko 7:14

Azaitanga wantu vituhu na kwakwe, azawati: Niteγelezai nyosheni, mwive!

Luka 13:24

Hambu namiti: Wangi newalonde ha ingiila, miya nkewahakombaγanye.

Luka 14:33

Vivyoho hata inywi nyoshe, ndiye ashetowe hulu viya vyakwe vyoshe, nkadaha kuγaluka mhina ywangu.

Luka 18:22

Yesu akiviiva azamuti: Ukeshiγaze mbuli ṅwenga; vyoshe, uvyona navyo, vitaγe, ukavipangile wakiwal Ne ndivyo utende mali mwe lwingu; ukibinda uize, unitongele!

Luka 20:45

Wantu woshe wakimteγeleza, azalonga wahina wakwe: Kiγojeshei kwa mbuli ya watabaluwangwa!

Luka 9:23

Azawaγamba woshe: Ati muntu akunda kunitongela, shuti anekilemeza ṅwenye, ainule kila mushi muti wakwe wa kukomelwa, ne ndivyo adahe kunitongela.

Yohana 10:27

Ngoto zangu zaiva kanwa changu, naml nazitaila, zanitongela;

Yohana 19:17

Azainula ṅwenye muti wakwe wa kukomelwa, azahita na haja hantu heitangwa He mazutwi, Kiebuleyo ndiho Gologota.

Ntuṅwa 14:22

wakigela myoyo ya wahina nguvu na kuwahimila, waikale na kutozesha vivyoho, kangi wazawaonyesha kuti: Vyatitala kuona ukiwa ungi, tikiingila mwe uzumbe wa Mulungu.

Waloma 6:6

hata tataila, kuti muntu ywetu ywa kale aikomiγwe haṅwe naye, kuunga ṅwili wa uhuza uhunkuke, kangwe tishezatumikila uhuza vituhu.

Waloma 8:17

Miya ati ti wana, ti wapazi, kweli ti wapazi wa Mulungu wepala haṅwe na Kilisito; ati talumizwa haṅwe naye, nezetigimbikwe haṅwe naye.

1. Wakolinto 15:31

Kila mushi nafa, sa tivyotogolwa kwenyu, wanduγu, kangi ne Zumbe ywetu Kilisito Yesu avyotitogola.

1. Wakolinto 8:13

Kwa ivyoho, ati nkande yamwihila mnduγu ywangu, sezenije nyama kale na kale, nishezamwihila mnduγu ywangu.

1. Wakolinto 9:19

Hambu kwa viya, nivyovishungwilwa viya vyoshe, nizakiγalusha ṅwenye mtuṅwa ywa woshe, kangwe niisiize kumota wantu wangi.

Wagalatiya 2:20

kangi ni moyo, miya si miyo ṅwenye, Kilisito ne mwe moyo mwe ṅwili wangu; ivyo nivyoaugila lushe kunu shi, niviangila na kumtozesha ṅwanangwa ywa Mulungu, ndiye akinikundisha, ndiye akikiinkila ṅwenye kwa mbuli ya bui.

Wagalatiya 5:24

Wantu wa Kilisito Yesu wakoma mili haṅwe na luzisho na kihelehele.

Wagalatiya 6:14

Imi sikunda kukitogola kushima na mutingwa wa Zumbe ywetu Yesu Kilisito, hambu inu shi izanikomelwa nawo; nami nizaikomelwa inu shi.

Wafilipi 3:10

kangwe nimtaile ṅwenye na nguvu ya ufufuki wakwe na ya milumilwe yakwe nikiipangilwa nami,

Wafilipi 3:7

Miya viya, ndivyo nikiitanga kuti: Vina kuwo, navifanyanya lushe kuti: Vyahosa, kwa mbuli ya Kilisito.

Wakolose 1:24

Lushe naona nyemi na viya, nivyolumiziγwa kwa mbuli ya inywi, kangi viya vya ukiwa, Kilisito ashiγazevyo, na ṅwili wangu nivibontolezeza ṅwili wakwe, ni kuγamba bumbangwa, hambu ne nijotumikila kwa uja ufuṅwa,

Wakolose 3:5

Komai lushe vya mili yenyu ya kiinushi: Kilanga, uhuza, kihelehele, luzisho lubada, tamaa ya mali yefanana viya ni kutumikila mizimu!

2. Watesalonike 3:11

Miya taiva kuti: Kwenyu kuṅwe waanga kihuza, nkawaγoshola ndima,

Tito 2:12

titowe hulu myangile ya kimzimu na kihelehele ehoshe cha kiinushi, tiikale mwe inu shi na viyuγo na utanda na kumwogoha Mulungu,

Waebuleyo 13:13

Ivyoho hata ishwi netimtimile na uko cha se kwe malaγo tikizizimiza milumilwe yeinga sa yakwe!

1. Petelo 4:1

Kwa kuti Kilisito azalumila mwe ṅwili wakwe kwa mbuli ya ishwi, hata inywi γuwai myoyoye ivyoho! Hambu mwelumila mwe ṅwili wakwe ahela kubana;

1. Petelo 4:13

Miya kwa viya, muvyopangilwa milumilwe ya Kilisito, tamilwai, kangwe nezemtamilwe na kulinga, utana wakwe uhozalawila.

2. Petelo 1:14

hambu nataila kuti: Mushi u hehi, ndiwo niashize iji hema, sa Zumbe ywetu Yesu Kilisito avyonifumbwila ṅwenye.

1. Yohana 3:16

Ne tihotaila Iukundisho, yuja akikiinkila ṅwenye kwa mbuli ya ishwi, vivyoho hata ishwi vyatiagiza kukiinkila kwa mbuli ya wanduγu wetu.

Mfumbulo 2:10

Usheogohe viya, ndivyo ulumiziγwe! Kaula, yuja ṅwenye leba inywi kuṅwe neamigele mwe chumba, kangwe mγeziγwe, nezemwone ukiwa mishi kumi. Tozesha mpaka kufa! Ne ndivyo nikunke linga ja nkalamo.