Maliko 8:26 - Kishambala New Testament 2005

²⁶ Azamtuma na nyumbai mwakwe akimuti: Usheingile umu kaya, kangi ushezavimγambila muntu umu kaya!

Maliko 8:26 ပူးပေါင်းရင်းမြစ်များ

Mateyo 12:16

azawavaila, kangwe washezamubunkula,

Mateyo 8:4

Yesu azamuti: Olela, ushezavimγambila muntu! Miya hita, umlawile mvikizi, uiγale jiya tulo, Mose alaγilizejo, jiwaγalukile uwona!

Mateyo 9:30

Ne mesho yawe yahoγubuka. Vikibinda Yesu azawashunda angwe: Olelai, muntu ashezavitaila!

Maliko 5:43

Azawalaγiliza kabisa, washezaleka, muntu akitaila inu mbuli; kangi azawati: Munkei vya ja!

Maliko 7:36

Azawalaγiliza, washevimγambile muntu. Miya akikawalaγiliza ivyoho, waakaisiiza kuvibilikila.

Maliko 8:23

Azamtoza yuja tuntu mkono, azamlavya mwe uja muzi na uko tanga, azamshwela mate mwe mesho, azamubadikila mikono, azamwuza: Una uvyoona?

Maliko 8:25

Azamubadikila vituhu mikono mwe mesho yakwe, akiolela lushe azahona, vintu vyoshe azaviona vitana, hata viya vye hale.