Maliko 7:31 - Kishambala New Testament 2005

³¹ Vituhu azakulawa kuja kwe shi ya Tilo, azadwisha Sidoni, azahita kwe bahali ya Galileya gatigati mwe ija shi yena mizi kumi.

Maliko 7:31 ပူးပေါင်းရင်းမြစ်များ

Mateyo 11:21

Ukatabanika, Kolazini! Ukatabanika, Betisayida! Hambu ati kuja Tilo na Sidoni kuzaγosholwa viya vilozo viγosholwevyo kwenyu, anga wavoteka kale na kukanta maguniya na kukigela zelu.

Mateyo 4:18

Akianga nkandankanda he bahali ya Galileya azaona wanduγu waili, Simoni mweitangwa Petelo na nduγuye Andeleya, wagela lwavu mwe bahali, hambu ni walowi.

Mateyo 4:25

Wantu wangi wazamtongela, weanduka Galileya na mwe iyo mizi kumi na Yelusalemu na Yudeya na mwe shi ye sheja ja Yolodani.

Maliko 5:20

Azahauka, azaandiila kubilikila mwe ija shi yena mizi kumi, Yesu amγoshwelevyo, miya woshe wazavimaka.

Maliko 7:24

Akiinuka kuja azahita mwe shi ya Tilo na ya Sidoni. Azaingila na nyumbai, nkakundile, muntu akimtaila, miya nkadahile kukifisha. Haho hazaiva mvyele mbuli yakwe.

Maliko 7:30

Azahita na nyumbai mwakwe azamubulila ṅwanae, aiikale mwe lusazi, miya ija mpepo iiukile.