Maliko 6:41 - Kishambala New Testament 2005

⁴¹ Azaγuwa ija migate mishano na ziya fi mbili, azaolela na kwe lwingu akilavya ntogolo, azabendulabendula ija migate, azaiinkila kwa wahina wakwe, wawaiγaile, hata ziya fi mbili azaziwapangila woshe.

Maliko 6:41 ပူးပေါင်းရင်းမြစ်များ

Mateyo 14:19

Azalaγiliza, wantu watandikane mwe lwondo ndala ndala, vikibinda azaγuwa ija migate mishano na ziya fi mbili, azaolela na kwe lwingu akilavya ntogolo, azabendulabendula ija migate, azaiinkila kwa wahina, waja wahina wazaiinkila kwa wantu.

Mateyo 15:36

azaγuwa ija migate mfungate na yaja makapala, azalavya ntogolo, azaibendulabendula, azaiinkila kwa wahina wakwe, wahina wakwe wazaiinkila kwa wantu.

Mateyo 26:26

Aho wakija, Yesu azaγuwa mgate, azalavya ntogolo, azaubendula, azawainka wahina wakwe angwe: Γuwai, muje! Unu ni ṅwili wangu.

Maliko 14:22

Aho wakija, azaγuwa mgate, azalavya ntogolo, azaubendula, azawainka angwe: Γuwai! Unu ni ṅwili wangu.

Maliko 6:40

Wazaikala mabumbabumba, kuṅwe ni gana, kuṅwe ni milongo mishano.

Maliko 6:42

Woshe wazaja, wazaiγuta.

Maliko 7:34

Azaolela na kwe lwingu azahesa moyo, azamuti: Efata!, ni kuγamba: Zuγuka!

Maliko 8:19

Nkamfukila haja nikizabendwila wantu makulija mashano migate mishano, mdodole ngahu zingahi zimemilezo mpuγutishi? Wazamγamba: Ni kumi na mbili.

Luka 24:30

Akiikala haṅwe nawo, wakija nkande, azaγuwa mgate, azalavya ntogolo, azaubendula, azawainka.

Luka 9:16

Azaγuwa ija migate mishano na ziya fi mbili, azaolela na kwe lwingu, akilavya ntogolo, azaibendulabendula, azaiinkila kwa wahina wakwe, waiiγale kwa waja wantu.

Yohana 11:41

Wazausha lushe jiya iwe. Yesu azainula mesho na ulanga, azalonga: Tate nakutogola kuti: Uzaniiva.

Yohana 17:1

Yesu akibinda kulonga ziya mbuli azaoleza mesho yakwe na kwe lwingu, azalonga: Tate, haja hantu hazabula; mgimbike ṅwanawo, kangwe ṅwanawo yohe akugimbike!

Yohana 6:11

Yesu azaγuwa ija migate, azalavya ntogolo, azaiinkila kwa waja waikalewo, vivyoho hata viya vikapala, sa wavyokuna.

Yohana 6:23

Kuzaiza vyombo vya Tibeliya hehi na haja hantu, wajileho nkande, Zumbe akilavya ntogolo.

Ntuṅwa 27:35

Akibinda kulonga ivyoho, azaγuwa mgate, azamlaviliza Mulungu ntogolo, woshe waiolele, azaubendula, azaandiila kuja.

Waloma 14:6

Mwegimbika mishi kuṅwe aigimbikila Mulungu, mweja amjila Zumbe, hambu amtogola Mulungu; ashijaye ashamjila Zumbe, yohena amtogola Mulungu.

1. Wakolinto 10:31

Lushe ati mwaja, ati mwanywa, ati mwaγoshola mbwai vituhu, vyoshe viγosholei na kumgimbika Mulungu!

Wakolose 3:17

Vyoshe, ndivyo mγoshole, ati ni vya longa, ati ni vya ndima, vyoshe viγosholei mwe zina ja Zumbe Yesu mkimlaviliza Mulungu Tale ntogolo navyo!