Maliko 2:20 - Kishambala New Testament 2005

²⁰ Miya mishi yaiza, ndiho ṅwenye nteγuzi nezeaushiγwe kwawe, mushi uja ne ndiho nezewafungile.

Maliko 2:20 ပူးပေါင်းရင်းမြစ်များ

Mateyo 26:31

Haja Yesu azawati: Inywi nyoshe nemwihilwe ni miyo ichi kilo cha lelo, hambu kuigondiγwe: Nezenitowe mulishi, ngoto za chuma chakwe ziasakanyiγwe.

Mateyo 9:15

Yesu azawati: Welalikilwa nteγuzi wadaha zeze kuona ukiwa, yuja ṅwali wakeanga naye? Mishi yaiza, ndiho ṅwali nezeaushiγwe kwawe ne ndiho wafunge.

Maliko 2:19

Yesu azawahitula angwe: Welalikilwa nteγuzi wadaha zeze kufunga, yuja ṅwenye nteγuzi wakeanga naye? Mishi waina ṅwenye nteγuzi nkawadaha kufunga.

Maliko 2:21

Nkakuna mwegela ndame ya shuke ndala mwe nkazu shakazu; ati aγoshola ivyoho, ija ndame mpya yoshe itafikauka mwe ija nkazu shakazu, lushe langa jakwe ni kulu kuzinka jiya ja bosi.

Luka 17:22

Azawati wahina wakwe: Kuna mishi, ndiyo iize, ne ndiho mwingilwe ni luzwi lwa kuona mushi muṅwe du wa ṅwanangwa ywa muntu, miya nkezemwuwone.

Luka 5:35

Mishi yaiza, ndiho wamhokwe yuja ṅwenye nteγuzi, mishi iyo ne ndiho nezewafungile.

Yohana 12:8

Hambu wakiwa muna nawo kwenyu mishi yoshe, miya imi nkamna na imi mishi yoshe.

Yohana 13:33

Wanangu, mishi miγeke nike kwenyu; nemunilonde, kangi sa nilongilevyo waja Wayuda kuti: Imi nikohita, inywi nkamdaha kukubula, lushe hata inywi namilonga ivyoho.

Yohana 16:28

Nizalawa kwa Tate, nizaiza mwe inu shi; vituhu naasha inu shi, nahita kwa Tate.

Yohana 16:7

Nivyomilonga ni kweli, kuti: Ni vitana vyenyu, nikihita. Hambu ati sihita, anga yuja mulongezi nkaiza kwenyu; miya nikihita nitamtuma kwenyu.

Yohana 17:11

Imi lushe simo mwe inu shi, miya waja wake mumu, imi naiza na kwako. Tate mṅazi, uwaγolokele waikale na zina jako, uninkilejo, kangwe waγaluke muṅwe, sa ishwi tivyo muṅwe!

Yohana 17:13

Lushe naiza na kwako, kangi nilonga ivyoho inu shi, kangwe nyemi yangu waikale nayo, waigise.

Yohana 3:29

Mwena kilumbu ni ṅwenye nteγuzi; miya mbuyae ja ṅwenye nteγuzi aikala nkandai, amteγeleza, atamilwa ni kanwa cha yuja ṅwenye nteγuzi. Inu nyemi yangu izabontoka lushe.

Ntuṅwa 1:9

Akiwaγambila izi mbuli, wakiolela, azainulwa, zunde jizamγuwa, jizamwusha, waiolele.

Ntuṅwa 14:23

Miya mwe mabumba yoshe wazawagimbikila waγolokezi, wazawamwiγaila Zumbe, wamtozesheye, wazawahembelezeza na kufunga.

Ntuṅwa 3:21

Uyu vyamtala kunaγuwa uzumbe wa lwingu mpaka mishi ija, vintu vyoshe vihozauya kwe chandusho chawe, sa Mulungu alongilevyo kale hoshe na vyanwa vya wateγanyi wakwe waṅazi.

1. Wakolinto 7:5

Mshenyimane kushima aho mkiivana mishi kuṅwe, kangwe mkombaγane kuvika; ikibontoka, mwangilane vituhu, kangwe Satani ashezamiγeza, kwa kuti nkemdahe kuzizimiza kale na kale.

2. Wakolinto 11:2

Hambu nivyokihima kwa mbuli ya inywi, ni vya Kimulungu; hambu nizamiinkila kwa mγoshi muṅwe, ni Kilisito, nimiiγale na kwakwe, viya ni mndele ashitendileye uhuza.

2. Wakolinto 11:27

nizaona lulali na muku nikigonyiγwa mesho, nikiluṅwa ni sala na nkilu, nikikundilwa kufunga, nikishowa vya kiγubika na vya zwika.

2. Wakolinto 6:5

ngoda, chumba, kiva, muku, kugonyiγwa mesho, kushowa nkande.

Mfumbulo 19:7

Netitamilwe, titowe mazumo, timgimbike, hambu nteγuzi ya ṅwangotongwa Izabula, mkaziye azabinda kukiteγa,

Mfumbulo 21:9

Waja walau watozizewo ziya ntungo mfungate zimemilezo ija milaho mfungate ya shilikiza, ṅwiyae ywawe muṅwe azaniγolokela, azanilonga angwe: So, nikuonyeshe mvyelengwa, kilumbu cha yuja ṅwangoto!