Maliko 16:1 - Kishambala New Testament 2005

¹ Mushi wa sabato ukibontoka, Maliya Magadalene na Maliya, nine ja Yose, na Salome wazaγula miti yehumpuntika vitana, kangwe wahite, wamshishe.

Maliko 16:1 ပူးပေါင်းရင်းမြစ်များ

Maliko 14:3

Akiikala Betaniya mwe nyumba ya Simoni Mkoma, wakija nkande, kuzaiza mvyele, aitozize kakomba ka mavuta ya muti weitangwa Nalada yavanganeyo na mafutilo ya mluziluzi, yeγulwa na mali nyingi muno. Azabonda kaja kakomba, azayatununtila mwe mutwi wakwe.

Maliko 14:8

Viya avyodaha azaviγoshola; azaandiila kushisha ṅwili wangu mavuta kangwe nezeuzikwe.

Maliko 15:40

Kweli uyu muntu ne ai ṅwana Mulungu. Kuna wavyele waγolokewo hale wakiolela, wakina Maliya Magadalene, na Maliya, nine ja Yakobo mdodo na ja Yose, na Salome.

Maliko 15:42

Aho kukishwa, kwa kuti ni mushi wa kukiteγa kwe mviko wa Pasa, ni kuγamba: Ni mushi welongwela uja mushi wa sabato ṅwenye,

Maliko 15:47

Maliya Magadalene, na Maliya, nine ja Yose, wazaona, aikiγweho.

Maliko 16:2

Mhitu wa sabato makelo kabisa wazahita kwe mbila, zuwa jikilawa.

Maliko 16:8

Wazahalawa, wazahanyilika haja he mbila, hambu wazaukwa ni vizingizo kwa kushentuka kwawe. Nkawaγambile muntu mbuli hata, hambu wazaogoha.

Luka 23:54

Uja mushi ni wa kuliγanya Pasa kangi mushi wa sabato uzaandiila.

Luka 23:56

Wakibinda wazauya, wazamaliγanya miti yehumpuntika vitana na mafutilo ya mluziluzi; miya mushi wa sabato wazatongomala kaya kwa kitigo chawe.

Luka 24:1

Miya mhitu wa bosi wa sabato, makelokelo kabisa wazahita kwe mbila, waiinule ija miti yehumpuntika vilana, waliγanyeyo.

Yohana 19:25

Haja he muti haiγoloke nine ja Yesu na nduγuye ja nine mweitangwa Maliya, mkaza Kalofa, na Maliya Magadalene.

Yohana 19:31

Kwa kuti ni mushi wa kuliγanya Pasa kangi nyemi ya ija sabato ni nkulu, kangwe viya vimba visheikale mwe miti mushi wa sabato, Wayuda wazamhembeleza Pilato, wahondwe viγa, wadaheushiγwa.