Maliko 13:9 - Kishambala New Testament 2005

⁹ Kiolelei inywi wenye! Hambu watazamiinkila kwa wafuṅwa, mulutwe mwe mavikilo, mulaviliziγwe kwa watoza shi na kwa wazumbe wakulu kwa mbuli ya imi, viwaγalukile uwona.

Maliko 13:9 ပူးပေါင်းရင်းမြစ်များ

Mateyo 5:22

Miya imi namiti: Kila mwena maya na mnduγu ywakwe atazakola masa; ndiye amweze mnduγu ywakwe, atazakola masa bomani, ndiye amkanke, atazakola masa ya kushindikwa mwe moto wa kuzimu.

Maliko 1:44

angwe: Olela, ushezavimγambila muntu hata! Miya hita, umlawile mvikizi, uiγaie jiya tulo Mose alaγilizejo, kwa mbuli ya mpoza yako, jiwaγalukile uwona!

Maliko 13:5

Yesu azaandiila kuwaγambila angwe: Oleleshai, muntu ashezamiazaγanya!

Maliko 13:8

Hambu mbali na mbali zitazainukilana, uzumbe ulazainukila uzumbe ṅwiyae; shi itazadidima hantu haṅwe na haṅwe, sala itazagwa na nkondo ntuhu ntuhu; ivi ne chandilo cha mishango.

Maliko 6:11

Hantu ndiho mshehokelwe na kusheiviγwa, muhalawe mkiwahuγutila vumbi jitozizejo milundi yenyu, jiwaγalukile uwona!

Luka 9:5

Ndiwo washemihokele, lawai mwe uwo muzi, mkiwahuγutila vumbi jitozizejo milundi yenyu, jiwaγalukile uwona!

Yohana 15:20

Fukilai ija mbuli, nimiγambileyo kuti: Mupuna so mkulu kumzinka baba yakwe! Ati imi wazaniγulusha, hata inywi newamiγuiushe! Ati wazatoza mbuli yangu, hata yenyu newaitoze!

Yohana 16:2

Newamilemeze miviko, kangi nehabule, kila mwemikoma ahofanyanya, kuti atamγoshwela Mulungu ndima.

Ntuṅwa 21:11

Azaiza na kuja kwetu, azaγuwa kowa ja Paulo, azakishunga milundi na mikono angwe: Kangwe ni Mpeho mṅazi: Yuja ṅwenye iji kowa Wayuda newamshunge uko Yelusalemu sa iviho, wamwinkile mwe mikono ya wamzimu.

Ntuṅwa 7:54

Wakiiva izi mbuli wazaihilishiγwa mwe myoyo yawe, wazaluma lusaya kwa mbuli yakwe.

Ntuṅwa 9:16

Kangi imi nenimwonyeshe vyoshe, ndivyo alumiziγwe kwa mbuli ya zina jangu.

Wafilipi 1:29

Mwakundiziγwa, so kumtozesha Kilisito du, miya hata kulumiziγwa kwa mbuli yakwe, mkiomanyiγwa iyo nkondo, mweneyo,

2. Watesalonike 1:5

muwojiγwa ndiwo, ne vyetionyesha utanda wa milahile ya Mulungu: Inywi nezemufilwe mbazi na uzumbe wa Mulungu, kwa kuti mwalumila kwa mbuli yakwe,

2. Yohana 1:8

Kiolelei wenye, kangwe mshezaaza viya, mumotilevyo na kuγoshola ndima, kangwe nezemuhokele upokezi woshe.

Mfumbulo 1:9

Imi Yohana ni mnduγu ywenyu, kangi ni haṅwe na inywi kwa mbuli ya ukiwa, kangi kwa mbuli ya uzumbe, kwa mbuli ya uzizimizi weoneka kwa Yesu; ne nikiikala mwe kisiwa cheitangwa Patimo, kwa viya nibilikilevyo mbulingwa ya Mulungu na uwona wa Yesu.

Mfumbulo 2:10

Usheogohe viya, ndivyo ulumiziγwe! Kaula, yuja ṅwenye leba inywi kuṅwe neamigele mwe chumba, kangwe mγeziγwe, nezemwone ukiwa mishi kumi. Tozesha mpaka kufa! Ne ndivyo nikunke linga ja nkalamo.

Mfumbulo 2:13

yena nyino mbili: Nataila miγoshwele na miikaile yako kuti: Uikala, kitingwa cha Satani chiliho, kangi watozesha zina jangu, nkukezile nkani, kuti wanitozesha, hata mishi ija, Antipa, mwona ywangu mwe kweli, akikoṅwa kwenyu, Satani akoikala.