Maliko 11:18 - Kishambala New Testament 2005

¹⁸ Wavikizi wakulu na watabaluwangwa wazaviiva, ne wahomlondela lukomele. Hambu wazamwogoha, kuti wantu woshe wazashentushiγwa ni mihinyize yakwe.

Maliko 11:18 ပူးပေါင်းရင်းမြစ်များ

Mateyo 21:15

Wavikizi wakulu na watabaluwangwa wazaihilwa wakiona ivi vimaka, avyoγoshola, kangi wakiiva, wana wavyokema muja vikiloi kuγamba: Hoziyana, ṅwana Dawidi!

Mateyo 7:28

Yesu akibinda izi mbuli, wantu wazashentuka mifuzize yakwe.

Maliko 1:22

Wantu wazashentuka mifuzize yakwe, hambu azawafuza sa muntu mwena ufuṅwa, nkafanane na watabaluwangwa.

Maliko 11:32

Miya tiγambe: Kwa wantu! Miya wazaogoha wantu, hambu woshe wazafanyanya kuti: Yohana ni mteγanyingwa kweli.

Maliko 12:12

Wazalonda, ndivyo wamgwile, miya wazaogoha wantu, hambu wazataila, kuti luja lushimo alulongile kwa mbuli yawe, miya wazamleka, wazahita.

Maliko 3:6

Mafaliseyo wazafikalawa, wazashunga njama na wantu wa Helode kwa mbuli yakwe, ndivyo waonele luhoseze.

Maliko 6:20

Hambu Helode ne akimwogoha Yohana, azamtaila, kuti ni muntu mtanda kangi mṅazi, kwa ivyoho azamγolokela, kangi akikamwiva, moyo uzakamlaha, kangi azatamilwa ni kumwiva.

Luka 19:47

miya wavikizi wakulu na watabaluwangwa na wafuṅwa wambalingwa wazamlondela lukomele, miya nkawaene sila;

Luka 2:47

Miya woshe wemteγeleza wazamaka lutwi lwakwe na milandwile yakwe.

Luka 20:19

Ija ngela watabaluwangwa na wavikizi wakulu wazalonda, ndivyo wamgwile, miya wazaogoha wantu; hambu wazataila, kuti luja lushimo alulongile kwa mbuli yawe.

Luka 4:22

Woshe wazamlongela uwona, wazamaka milongele ya kanwa chakwe, kuti ni ya mbazi, wazaγamba: Uyu so ṅwana Yosefu?

Yohana 7:1

Vikibinda Yesu azaanga kuja Galileya, hambu nkakundile kuanga uko Yudeya, kwa kuti Wayuda wazalonda, ndivyo wamkome.

Yohana 7:19

So Mose aminkileye vitigo? Kangi inywi nkakuna mweγoshola vitigo. Mulondelai kunikoma?

Yohana 7:46

Angwe ni waluγojo: Kale hoshe nkakuna muntu alongileye ivyoho, sa uyu muntu avyolonga.

Ntuṅwa 24:25

Miya akihuliza kumshimwela mbuli ya utanda na ya kukivota na ya masa, ndiyo yalawile, Feliki azaingilwa ni woγa, azamlandula angwe: Ivi lushe aha hita du! Aho ndiho nezenikombaγane, nezenikuitange vingi.