Maliko 10:52 - Kishambala New Testament 2005

⁵² Yesu azamuti: Hita! Mitozesheze yako izakuhonya. Viya du lushe azaona, azamtongela kuja silai.

Maliko 10:52 ပူးပေါင်းရင်းမြစ်များ

Mateyo 11:5

Matuntu yaona, washiwodaha kuγenda waγenda, wakoma waushiγwa ukoma, washiwoiva waiva, wafilewo wafufulwa, wakiwa wabilikilwa nyemi; mwe nyemi ni ndiye asheihilwe ni miyo!

Mateyo 12:22

Haja azaletelwa muntu ashiyeona, ashiyelonga kwa mbuli ya kuhuma mpepo. Azamhonya, ne yuja, ndiye ashilonga, aholonga, kangi ne ahoona.

Mateyo 15:28

Ne Yesu ahomwitikila angwe: Mlala, kitozesheze chako ni kikulu; uvyokunda vikubontokele! Ija ngela ne ṅwanae ahonileho.

Mateyo 21:14

Muja vikiloi muzamwizila washionawo na washiγendawo, azawahonya.

Mateyo 8:3

Azakusula mkono, azamdowa angwe: Nakunda, uhone. Viya du lushe ukoma wakwe uzauka.

Mateyo 9:22

Miya Yesu azahituka, azamwolela, azamuti: Toγwa ni moyo, ṅwanangu! Mitozesheze yako izakuhonya.

Maliko 1:31

Azamtimila yuja mvyele, azamwinula na kumtoza mkono, ne mbu zihomleka, azawaγoshwela ndima.

Maliko 5:34

Yuja azamuti: Ṅwanangu, mitozesheze yako izakuhonya; hita mpeho, uikale ugima, iyo nkondo ishekuuyiye!

Maliko 8:25

Azamubadikila vituhu mikono mwe mesho yakwe, akiolela lushe azahona, vintu vyoshe azaviona vitana, hata viya vye hale.

Luka 7:50

Azamγamba yuja mvyele: Mitozesheze yako izakuvunila; hita mpeho!

Luka 9:48

Ndiye ahokele aka kazana kwa mbuli ya zina jangu, anihokela imi; kangi ndiye anihokele imi, amhokela yuja anitumileye. Hambu mweγaluka mdodo ṅwenye kwenyu uyu ni mkulu.

Yohana 9:32

Kale hoshe nkakuivike, kuti kuna amγubwileye muntu mesho avyelweye tuntu.

Yohana 9:39

Yesu azalonga: Ṅiizile mwe inu shi kwa gwisha masa, kangwe washionawo waone, kangi waja weona waγaluke matuntu.

Ntuṅwa 26:18

uwaγubwile mesho, walawe kwe lwiza, wahituke na kwe langaila, walawe kwe ufuṅwa wa Satani, wahituke na kwa Mulungu, waushiliziγwe mahuza yawe, wohe wapangilwe kifu cha waṅazi, wakinitozesha.