Maliko 10:17 - Kishambala New Testament 2005

¹⁷ Akilawa kuja, akibula silai, kuna mwemγulukila, azamgintila mazwi, azamwuza: Mfuzi mtana, nitende zeze, kangwe nezenipale nkalamo ya kale na kale?

Maliko 10:17 ပူးပေါင်းရင်းမြစ်များ

Mateyo 17:14

Wakibula kwa wantu, mγoshi azamwizila, azamgintila mazwi angwe Zumbe, umfile ṅwanangu mbazi!

Mateyo 25:34

Vikibinda Zumbe atalonga waja we kulume kwakwe kuγamba: Izai, inywi waṅazi wa Tate, mupale uzumbe mwikilwewo inywi aho, shi ikiumbiγwa!

Mateyo 28:8

Shivyo, nizavimiγambila. Wazafikauka haja he mbila na woγa ungi, kangi na nyemi nkulu; wazaγuluka, waviukwile wahina wakwe.

Maliko 1:40

Hata mkoma azamwizila, azamhembeleza haṅwe na kumgintila mazwi angwe: Ati wakunda, wadaha kunihonya.

Maliko 10:18

Yesu azamuti: Nini ukiniitanga mtana? Nkakuna mtana, kushima Mulungu ike du.

Maliko 12:14

Wazahita, wazamuti: Mfuzi, tataila kuti: Iwe u mkweli, kangi nkushindauza muntu, hambu nkuolela vyeni vya wantu, miya ufuza sila ya Mulungu, ilivyo kweli. Vina ṅwiko kumunka Kaiza kodi, hambu nkavina? Tiinkile? Hambu tisheinkile?

Maliko 9:25

Miya Yesu akiona, kuti wantu wangi waγuluka na haja, azaivaila ija mpepo ye usaba angwe: Iwe mpepo ushilongawo, kangi ushiivawo, nakulaγiliza, ulawe mwe ṅwili wakwe, ushezauingila vingi!

Luka 10:25

Kuna mtamulomongwa, azainuka, amγeze, azamuti: Mfuzi, nitende vivihi, kangwe nezenipale nkalamo ya kale na kale?

Yohana 3:2

Uyu azahita kwa Yesu na kilo, azamuti: Mfuzi, tataila kuti: Iwe u mfuzi ulawileye kwa Mulungu; hambu nkakuna mwedaha kuγoshola ziya ntangilo, uzoγoshola iwe, ati nkaanga na Mulungu.

Yohana 5:39

Londezai mwe vitabungwa! Hambu inywi wenye mwafanyanya, kuti nkalamo muna nayo muja, kangi viya ne vyenilongela uwona.

Yohana 6:40

Hambu ivi ne Tate avyokunda: Kila mwemwona ṅwanangwa akimtozesha ainkwe nkalamo ya kale na kale, kangi imi nitamfufula mushi wa bindilizo.

Ntuṅwa 16:30

azawalavya na se, azawati: Wazumbe, nilende zeze, kangwe nezenivunilwe?

Ntuṅwa 2:37

Wakiviiva, vizaingila mwe myoyo yawe, wazamγamba Petelo na ziya ntuṅwa ntuhu: Waγoshi, wanduγu wetu, tiγoshole vivihi?

Ntuṅwa 20:32

Ivi lushe namiinkila na kwa Zumbe kwa mbuli ya mbazi yakwe yedaha kumizifya na kuminka chiya kifu haṅwe na waja woshe waṅaziγwewo.

Ntuṅwa 9:6

Miya inuka, uingile muja kaya, ne ndimo uγambilwe ndivyo, uγoshole!

Waloma 2:7

Washiwotibuka kuzifya mbuli wakilonda utana na kugimbikwa na kushebanika, awa ne weinkwa nkalamo ya kale na kale, miya weγenyeza nkumbizi,

Waloma 6:23

Hambu upokezi wa uhuza ni kufa, miya mbazi, Mulungu azotifiila mwe Kilisito Yesu, Zumbe ywetu, ni nkalamo ya kale na kale.

Waefeso 1:18

Kangi aṅaze mesho ya myoyo yenyu, kangwe mtaile, mwitango wakwe tiwoalila ulivyo, utana wa kifu uvyokula, aikilacho waṅazi, mtaile,

Tito 3:7

vikibinda tiγaluke wapazi wa nkalamo ya kale na kale, sa tivyoalila. Inu mbuli ni ya kweli.

Waebuleyo 1:14

Awa woshe so mpeho du zemutumikila, zekatuṅwa, ziolele waja, ndiwo nezewapale uhonya?

1. Petelo 1:4

kangwe nezetipale chiya kifu chishichobanika, chishichoshuzuka, chishichonyuluka, muchoikilwa mwe lwingu inywi,

1. Yohana 2:25

Kangi msuhi, ṅwenye atinkilewo, ni nkalamo ya kale na kale.