Maliko 10:1 - Kishambala New Testament 2005

¹ Azakuinuka kuja, azahita mwe shi ya Yudeya na mwe shi ye sheja ja Yolodani. Vituhu wantu wangi wazamlimila, azawafuza vituhu, sa avyokazwela.

Maliko 10:1 ပူးပေါင်းရင်းမြစ်များ

Mateyo 26:55

Haho Yesu azalonga waja wantu angwe: Mulawile mwitozize shime na vigongo, viya mtabasha mumpoko, munigwile imi. Kangi mishi yoshe nizaikala kwenyu vikiloi nikifuza, miya nkamunigwizile.

Mateyo 4:23

Azaanga mwe shi ngima ya Galileya akifuza mwe vikilo na kubilikila ulau wedi wa uzumbengwa na kuhonya mahisho na manyonge yoshe yena wantu.

Maliko 1:21

Wazaingila Kapelinaumu. Mushi wa sabato ukibula, azaingila vikiloi, azafuza.

Maliko 10:2

Hata Mafaliseyo wazamwizila, wazamwuza, ati nkavina ṅwiko, mγoshi akilekana na muke, miya watemγeza.

Maliko 12:35

Vikibinda Yesu azaγuwa mbuli, azalonga akifuza vikiloi angwe: Watabaluwangwa walonga zeze kuti: Kilisito ni ṅwana Dawidi?

Maliko 14:49

Mishi yoshe nizaikala kwenyu vikiloi nikifuza, miya nkamunigwizile; ni kangwe ugondengwa ubontoke.

Maliko 2:13

Vituhu azalawa, azabula kwe bahali, wantu woshe wazamtimila, azawafuza. Akianga kuja azamwona Lewi, ṅwana Alifeyo, aiikale he ngelu, azamuti: Nitongela!

Maliko 4:2

Azawafuza mbuli nyingi na kuwazisa shimo, azawalonga na ija mifuzize yakwe: Teγelezai!

Maliko 6:2

Mushi wa sabato azaandiila kufuza vikiloi; wangi wakiiva wazamaka angwe: Uyu ivi vyakwe vianduka na hi? Ainkiγwe viyuγo ani? Kangi izo nguvu zeinga aho ziγosholwa ni mikono yakwe zeze?

Maliko 6:34

Yesu akilawa mwe chombo, azaona, kuti wantu ni wangi; azabulwa ni utungu nawo, hambu wazafanana, yiya ni ngoto zishinazo mulishi, azaandiila kuwafuza mbuli nyingi.

Maliko 6:6

Azamaka kwa mbuli ya kushetozesha kwawe. Azazunguluka kwe mizi tanga yoshe na kufuza γuko.

Yohana 10:40

Azahita vituhu na sheja jiya ja Yolodani haja hantu, ndiho Yohana akibatiza bosi, azahaikala.

Yohana 11:7

Vikibinda azaγamba wahina wakwe: Netiliite vituhu Yudeya!

Yohana 18:20

Yesu azamlandula: Imi nizalonga cha sale kunu shi; imi mishi yoshe nizafuza vikiloi na mwe vikilongwa, Wayuda woshe wamoungananilana, sina mbuli, nilongileyo na kufishafisha. Uniuza ywai?