Luka 9:48 - Kishambala New Testament 2005

⁴⁸ Ndiye ahokele aka kazana kwa mbuli ya zina jangu, anihokela imi; kangi ndiye anihokele imi, amhokela yuja anitumileye. Hambu mweγaluka mdodo ṅwenye kwenyu uyu ni mkulu.

Luka 9:48 ပူးပေါင်းရင်းမြစ်များ

Mateyo 18:10

Oleleshai, awa wadodo mshezabela ṅwiyae ywawe muṅwe! Hambu namiti: Walau wawe mwe lwingu nkawadila kuona cheni cha Tate mweikala mwe lwingu.

Mateyo 18:14

Vivyoho hata ishe ywenyu mweikala mwe lwingu nkakunda, awa wadodo kukiaγa ṅwiyae ywawe muṅwe.

Mateyo 19:28

Yesu azawati: Kweli namiti: Inywi mzanitongela; aho ndiho vyoshe vihozauziγwa uhya, ṅwanangwa ywa muntu ahozaikala mwe kiti chakwe cha utana, ne ndiho hata inywi nezemwikale mwe viti kumi na vili, mulahe ziya mbali kumi na mbili za Isilayeli.

Mateyo 25:40

Zumbe atawahitwila, atawati: Kweli namiti: Awa wanduγu wangu wadodo, vyoshe mumγoshwelevyo ṅwiyae ywawe muṅwe, mzaviniγoshwela imi.

Mateyo 25:45

Ne ndiho awalandule kuti: Kweli namiti: Awa wadodo, vyoshe mwashamγoshwelavyo ṅwiyae ywawe muṅwe, hata imi nkamuviniγoshwele.

Maliko 9:37

Ndiye ahokele kazana keinga aha kwa mbuli ya zina jangu, anihokela imi; kangi ndiye anihokele imi, nkanihokela imi du, miya amhokela yuja anitumileye.

Luka 10:16

Mwemiiva inywi aniiva imi, mwemibela inywi anibela imi; miya mwenibela imi amubela yuja anitumileye.

Luka 14:11

Hambu kila mwekikuza ṅwenye atazapunguziγwa kangi mwekipunguza ṅwenye atazakuziγwa.

Luka 22:26

Miya inywi, mshekaγoshola ivyoho! Miya mkulu ywenyu aγaluke, viya ni mdodo, kangi kilongolezi chenyu aγaluke, viya ni mutakutumikila. Hambu mkulu ni yuhi?

Luka 22:30

Kangwe muje, munywe he meza yangu mwe uzumbe wangu, kangwe mwikale mwe viti, mulahe ziya mbali kumi na mbili za wana Isilayeli.

Luka 7:28

Nainiti: Woshe wavyelwewo ni wavyele nkakuna mkulu kumzinka Yohana Mubatizi; miya mweγaluka mdodo mwe uzumbe wa Mulungu ni mkulu kumzinka.

Yohana 13:20

Kweli namiti: Mwehokela ndiye nimtume, anihokela imi; kangi mwenihokela imi amhokela yuja anitumileye.

Yohana 14:21

Mwena milaγilizo yangu na kuiγolokela ne mwenikundisha; kangi mwenikundisha nezeakundishiγwe ni Tate, nami nitamkundisha, nimwonyeshe nilivyo.

1. Watesalonike 4:8

Kwa ivyoho mwebela nkatamubela muntu, miya amubela Mulungu ṅwenye ainkileye mpeho ywakwe mṅazi na kwenyu.

1. Petelo 5:6

Kwa inu mbuli uinamilei mkono wa Mulungu wena nguvu, kangwe nezeamikweze, mushi wakwe ukizabula!

Mfumbulo 21:14

Boma ja unu muzi jina mashikamilo kumi na maili, mwe aya mashikamilo muna mazina kumi na maili, ni ya ziya ntuṅwa kumi na mbili za ṅwangoto.

Mfumbulo 3:21

Ndiye avote, nezenimfile mbazi, aikale na imi mwe kiti changu, sa imi ṅwenye nivotilevyo, nikibinda nikiikala na Tate mwe kiti chakwe. Mwena mashikilo aive,