Luka 9:1 - Kishambala New Testament 2005

¹ Azaitanga waja kumi na waili, waunganane, azawainka nguvu na ufuṅwa wa kuingata mpepo zoshe na wa kuhonya mahisho.

Luka 9:1 ပူးပေါင်းရင်းမြစ်များ

Mateyo 16:19

Nezenikunke funguwo za uzumbe wa lwingu; ndivyo ushunge kunu shi, viishungiγwe mwe lwingu vivyoho; ndivyo ushungule kunu shi, viishungulwe mwe lwingu vivyoho.

Mateyo 4:24

Nguma yakwe izaγendesha, izagisa hata shi ngima ya Siliya. Wazamwiγaila Yesu woshe wehuma, wetoziγwa ni mahisho na manyonge mangi, wehuma mpepo, wena luzwili, hata wena pengene, azawahonya woshe.

Mateyo 8:9

Ne mbwanga ywangu atahona. Hambu imi nami ni muntu neitika ufuṅwa, kangi vivyo nina washilikali weniitika, nikimγamba uyu Hita!, ahita, nikimγamba mtuhu: Iza!, aiza, nikimγamba mupuna ywangu: Γoshola visiku!, aγoshola.

Luka 10:1

Vikibinda Zumbe azagimbika watuhu milongo mfungate, azawatuma wailiili, wamlongwele na mwe mizi yoshe na hantu hoshe, ṅwenye akundileho kuhita naho.

Luka 10:19

Olelai! Nizaminka ufuṅwa wa kujata mwe nyoka na visuse, muvote nguvu zoshe za yuja munkulu, nkakuna ndivyo vimiifye.

Yohana 14:12

Kweli namiti: Mwenitozesha, ziya ndima, nizoγoshola, yohena ataziγoshola, hata zekula kuzinka ziya ataziγoshola, kwa kuti imi nahita kwa Tate.

Ntuṅwa 1:8

komo mhokele nguvu ya mpeho mṅazi aho ndiho nezeimiizile, mγaluke waona wangu uko Yelusalemu na mwe shi ngima ya Yudeya na ya Samaliya na kosheni mpaka kwe mihelo ya shi.

Ntuṅwa 3:16

Kwa viya atozeshevyo zina jakwe, jiya zina jakwe jizamgela nguvu uyu, muyemwona, kangi muyemtaila; mitozesheze yakwe ainkiγweyo ndiye ne imunkileyo uyu unu ugima, muwoona nyoshe.

Ntuṅwa 4:30

Kusula mkono wako vivyoho, wantu wakahonyiγwe, kuγosholwe ntangilo na vimaka kwa nguvu ya zina ja ṅwanawo mṅazi Yesu!

Ntuṅwa 9:34

Petelo azamuti: Eneya, Yesu Kilisito akuhonya; inuka, utandike lusazi lwako! Ne ahoinuka viya du lushe.